大家樂 (海濱花園)

營業中

休息中

晚餐時段叫一客中式小炒配白飯+例湯。小炒係西芹炒魚塊，之前係其他分店食過，味道唔錯，所以今次去海濱分店品嚐。此店製作這套餐有三大問題:1) 西芹炒魚塊變成油浸西芹魚塊，啲油多到離譜2) 例湯温度微暖3) 茶杯有口唇膏印分店當時只有三枱客，外賣客亦唔多，生意淡薄嘅情況下竟然炮製出如此劣質嘅食物，實在令客人覺得此分店無心經營。

今日早左起身，有時間到附近食完個早餐先返工。人都唔算好多，慢慢睇完餐牌先決定食咩都仲得。埋到去就叫左特價餐，烚蛋+腸仔+炸菜肉絲米粉+蘿蔔糕+檸檬水。仲可以用埋大家樂會員食3次減5蚊優惠，用某付款APP俾錢儲埋分。烚蛋-正常蛋。腸仔-煎得都香口。炸菜肉絲米粉-份量都正常。蘿蔔糕-都ok，煎得都香。檸檬水-正常野，冇咩特別

最近睇電視見到呢間野個酥皮湯鐵板餐又回歸我就梗係走去試試佢啦本身都無咩期望,應該都同之前無咩分別一睇個menu,$69...記得舊年食好似$57咁我心諗，可能係塊扒唔同左啦，又或者係個湯足料左就算衰都係衰一次啫咁就照叫左呢個餐等左十分鐘就有得攞睇得出係即整既，因為將個餐攞去張枱既時候塊鐵板上面d油係咁彈落對手度勁痛。。好可惜既係，塊扒幾熟下，幾難切而且食落有少少un 配菜只有粟米(幾乾下)同幾條洋蔥同番茄個湯入面係無咩料的仲要無野飲沒有下次

因為啱啱打完風嘅關係都冇時間買餸，所以就去咗大家樂買午餐，大家樂今次竟然有新嘢食，係醬油豬軟骨手撕雞飯，仲有可以有飲品加凍飲都係49蚊都算幾抵食，所以就買咗嚟做外賣，希望唔差啦。大約等咗五至十分鐘左右，嘢食就嚟到，大家樂侍應非常之好，包得好好地畀我，之後返到公司開來吶吃時，見到份量十足都吾錯，但一口吃左豬軟骨，就覺得太鹹 ，幸好豬軟骨都夠淋身同埋幾入味，而且白飯好多，仲有菜同埋炸蔬菜，味道意外好味而且有微溫抵讚。之後手撕雞味道只屬一般，但係份量都算十分之多，食完都十分之飽肚。

香港食肆林立， 不同的商場及屋邨地方都有好多快餐連鎖店。 設備先進及優惠多多， 究竟他們在食店衛生清潔方面做咗幾多功夫呢？我覺得客人光顧，除了食物好食好味之餘，其實食物及食肆衛生都是重要的因素。我跑完步，進了一間大家樂食早餐。 我叫咗雞扒腸仔米粉，加三蚊叫咗一杯泡沫咖啡。米粉嘅湯都好清淡，好似水一樣。雞扒就入味，食落好食。當我飲咖啡時，都覺得泡沫咖啡比較即磨咖啡好飲。最後飲到物品在口中， 當我吐出的時候就發現是蟑螂。 作為一個敢言的顧客， 我投訴食店經理咖啡有蟑螂。 經理說我更换一杯給你吧，我說不要了。我只想你注意衛生的問題。 因為不潔的食物， 可能有細菌，對健康有一定影響。下次我一定不來光顧。 從圖中可見， 我吐出來的明顯是曱甴。

去荃灣探完細佬 '行去搭巴士車見到有間大家樂行入去嘆個下午茶點咗🥐☕雞翼咖哩角, 奶茶 $26雞翼燶又乾' 成隻尖到燶到黑色👎👎咖哩角太多油!😡😡三個角脆'中間位油到🤔🤔 食唔落奶茶唔夠熱!😑😶要檢討出品!

黎到大家樂食咩好？！當然係食芝士焗肉醬意粉，細細個的童年回憶。由細個食到大個，隻味依舊保持到！意粉有一定的濕度彈牙，蕃茄醬唔會太多搶左芝士的味道，美中不足係可唔可以多啲芝士？

最近放假嘅時候成日都好夜先起身 遲食早餐都遲食午餐 所以午餐多數等到下午餐先食 平啲嘛🤣今次因爲我同男友比較懶嘅關係 去左樓下間大家樂到食咋 不過勝在夠方便 野食又黎得快 唔會餓親我地xd 雖然係快餐店 但啲食物幾好味架 幾抵食！我就叫左一個燒鴨賴粉 加左杯柚子梳打 都係$3x 本身諗住食少少求其叫 點知佢個燒鴨都幾大份同多肉 啲鴨肉幾嫩滑 賴粉都好多 仲有一條菜 本身仲以為下午茶份量會好少 同多骨 點知都唔錯 而杯野飲就正啦 係梳打裏面加左啲柚子蜜 唔太甜但好夠氣 透心涼 係夏天嘅首選👍🏻👍🏻 唔錯！

心情不佳，其中一個好方法係食物療法，仲會係揀junk food，原本想食附近間新開的burger，點知等極都冇位，心情更差。好彩呢度幫到我，店舖地方又大又乾淨，唔算太多長駐的客人，坐得舒服。減肥克星炸雞肶，連汽水要$29，以為好大隻，點知size不似預期，猶幸色水都靚，冇話炸到又黑又油，食落皮脆而有肉汁，醃味亦唔會over，overall算pass架喇；另加的雪菜米無特別，無出事；暫時忘記要減肥，一口氣飲埋杯汽水，又去開工了。

今日中午我們去咗荃灣海濱花園嘅「大家樂」食午飯！我們叫咗魚香茄子飯同太極鴛鴦炒飯！魚香茄子飯嘅茄子份量比較少，豬肉碎嘅肉質都幾彈牙，醬汁嘅味道唔會好鹹，都幾惹味！太極鴛鴦炒飯嘅賣相好色彩繽紛，白汁都幾香濃，蝦肉都幾彈牙，蕃茄汁酸酸甜甜都幾醒胃，鷄肉嘅肉質比較「嚡」，唔係好嫩滑！

今晚下雨天，去左樓下大家樂食晚餐，兩入去。好多人，排哂隊，可能落雨大家都想去近d。好多野都話冇哂，售馨。最後叫左個魚柳炒西蘭花配中湯。 等左大概10分鐘先攞得，本人對個餸有小小油同好有光擇有小小抗拒。這個都還可以。個飯好似煮得唔夠耐，硬左小小，但都好大碗。西蘭花很碧綠，好新鮮，好爽口。魚柳都有好多塊，煮得剛剛好，食落去好有魚的質感，軟硬都適中，如果可以冇咁油就更好。個燉湯好大驚喜，豬骨蘋果湯。雖然細碗，但好多料，有大大舊豬骨，仲有好多肉連住。個湯唔太油，好清甜，好香的淡淡的蘋果味，完全唔覺有加味精。雖然人多同好嘈，但係食物質素還算中等。

重陽到海濱花園附近，下山後搵間快餐醫肚。假期一點左右，都唔係好多人，行一圈見燒味賣相不錯，就諗住食個燒味雙併，點知見到有得配烏冬，又幾新奇喎！要個切雞叉燒烏冬，叉燒半肥瘦，夠淋而咬，外皮又唔會太燶太硬，切雞唔算係多肉部位，勝在夠滑，烏冬亦唔係普通平野，幾彈牙。不過湯底太味精喇，飲晒成杯可樂都仲口渴。

海濱已經人流唔多，仲成日咁混亂今日仲搵個收銀去水吧收飛，同廚房又溝通唔到如管理層有幸見到，請正視這問題大家樂是有自己的一套管理，應做到每一間都是一致，不要看見少人流的就不加管理，希望你們可以做得更好

早餐來來去去都係個D，所以就去大家樂食，因為係海濱黎講，佢既早餐係最多款選擇....而且屋企有個人訓到成10點幾，都唔想出去出面咁煩...大約10點幾去到，唔算多人，但係炒麵、麥皮....都冇晒所以叫左"G2" - 扭紋粉、牛乳炒滑蛋 & 鮮油餐包 $21扭紋粉 - D火腿算少，扭紋粉就淋左d，但係個湯底都有d味，我唔洗落胡椒粉都得啦牛乳炒滑蛋 - 雖然睇落去好細件，但係其實好厚，望落去都見到個蛋係閃既，證明佢用左好多油一食....好多牛油味....搶晒蛋既味....整體黎講，都好好味，我鍾意鮮油餐包 - 好大個，暖暖地，但係唔夠脆，而個牛油係另上，個賣相都幾令，一掃就感覺到d牛油好軟滑

今日係大家樂食左無糖麵皮，$12.5無糖麥皮 - 真係好無糖，仲淡過我係屋企整個d(桂格麥皮)，而且水多過麥皮，份量就一般但係想講下服務方面，我黎到個陣，有位坐低...但係冇人黎收野啦，搞到我要自己拾....e d咪叫做自助式，得一個員工係到拾，點拾得完呀，d人將(冇人拾既) 餐盤放係自己拎餐具既枱上面，搞到成間店好似垃圾房咁....真係唔係幾掂.....