影片
港鐵太古站 B 出口, 步行約7分鐘
繼續閱讀
附加資料
無肉餐單詳情: 逢星期一、二及三午市供應素食菜式。
以上資料只供參考, 請與餐廳確認詳情
招牌菜
大家樂剛推出抵食下午茶 香煎雞扒配稻庭烏冬 都只28蚊連熱飲 咁優惠既價錢 更係即刻去試下 等候時間方面係耐左d 但雞扒香脆滑溜 烏冬都好滑 份量對我黎講岩岩好 呢價價錢真係冇得輸
繼續閱讀
呢個蕃茄肉碎腸蛋扭紋粉 TEA，連餐飲只係 $28 (用券再減 $2)，抵食又飽肚！(呢個角度影唔到條腸仔添~) 個湯有蕃茄濃香，扭紋粉份量夠多而且好入味。食慣公仔麵同米粉，轉轉口味食扭紋粉感覺幾新鮮。
繼續閱讀
太古城真係好少平價午餐可以搵到黎食，每一次嚟到呢一度食我都好頭痕，午飯時間周圍都好多人， 大家樂可以話係唔使諗嘅選擇。呢個最平之選嘅鴛鴦炒飯，基本上都冇乜茶餐廳可以做到呢一個嘅價錢，當然未都未必係算係好好，但我多一於唔使諗照叫，果然不出我所料，雖然鴛鴦炒飯甜甜酸酸，但真係唔可以用炒飯黎形容，完全感覺唔到佢係炒過。呢排低糖綠茶可以話越做越hea，唔使錢都可以勉強飲，假如要加錢我就真係唔要啦。如果唔係太古城冇嘢食，我都唔會算大家樂。
繼續閱讀
以前一哥焗豬扒飯好味，是大家樂的標記，估唔到現在仲厲害，芝味厚切一哥焗豬扒飯。芝味當然係講緊有芝士啦，起初我以為係豬扒內有芝士，但原來是飯面有芝士而已，芝士焗得拉絲的，我諗可能都有兩片芝士，因為芝士味好重，除左豬扒同芝士，仲有菠蘿，蕃茄等，都算好重料，深入講講塊豬扒，講明厚切又真係幾厚，皮有啲蛋味，好似搵啲蛋漿包住塊豬扒煎過咁，豬扒肉質幾嫩滑，咬落都唔會覺得靭，飯是炒飯底，幾有Heart！熱好立克無味，不要試了。～完，推介指數：7～
繼續閱讀
下午茶去咗大家樂食飯，普普通通叫個油雞切雞粉＄30都唔使就有得食，我就覺得份量少左啲，每一夠雞好細而且好多骨，佢都無理會到骨嘅問題搞到好少肉食。油雞切雞米米粉質素同樣普普通通，食起嚟鞋鞋地，湯底有少少味精味道，飲完有啲後學。熱咖啡質素都幾好，一直都好鍾意飲快餐店嘅咖啡，但呢度沖得都一d都唔滑，完全冇港式茶餐廳嘅感覺。
繼續閱讀