大家樂

營業中

休息中

我在過年時節，基本上是不入廚房的，於是，最方便快捷的做法，就是去黃大仙南館的大家樂食午餐。我點左個厚切焗豬扒飯$49，簡簡單單，飯面有配菜（菠蘿，紅蘿蔔，蕃茄等），好惹味！

午餐過後，我和爸爸到黃大仙中心內的大家樂，飲番杯冬天暖笠笠的新出飲品，我們叫了兩杯熱杞子雪梨茶。我們是外賣打包的，但見佢熱飲，如果回來冷了就浪費了，就打開來一邊談天一邊飲了，茶香之餘， 搅拌後茶中的雪梨浮现出来(見圖)，吃下去也有雪梨味道，好吃好喝。

燒鴨湯瀨粉湯頭鮮美，滋味濃郁。燒鴨的肉質鮮嫩多汁，與瀨粉的彈牙口感完美結合。叉燒飯。這道料理的叉燒肉肥瘦相間，經過炭火燒烤，外酥內嫩，口感極佳。搭配著香氣四溢的米飯和獨特的醬汁，每一口都是絕妙的組合。滷蛋肉燥飯。這道料理的滷蛋和肉燥都經過精心的調味，口感鮮嫩，味道豐富。搭配著香氣馥郁的飯粒，每一口都彷彿在嘴裡爆發出滋味。這碗滷蛋肉燥飯給人一種懷舊的味道。

今天下午，午飯後回家，先到黃大仙這間大家樂買約杯外賣飲品，下午好在家中享用。叫了一杯熱齋啡，再叫了三杯熱檸檬水。回到家中，把啡倒入杯中，把檸水的檸檬加進去，就是自制的檸啡了，真好飲。其他的水，都是有維他命C的檸檬水，都一樣飲用了。

今日屋企人話食焗豬扒飯，我又搭單跟住要一個，日日諗食咩真係麻煩，直接跟隔離個個一樣就好🤣大家樂最出名應該係焗豬扒飯，食焗豬扒飯就會諗起大家樂👍🏻我估包裝盒應該係錫紙做，個飯盒非常保溫，個飯番到尼都仲好熱，拆開個飯個陣都熱到手指痛，絕對吾驚凍左唔好食焗豬扒飯有好多芝士，四角放左4件好完整既蕃茄，豬扒亦都好大塊，不過個飯都係太大個，我又係食吾曬，裝起左個飯盒又可以留番下一餐再食，咁又可以諗少1餐啦🤣

今日我又自己攞嚟衰，又用券買野，都明知唔扺唉，先睇下面一條雞翼，一杯野飲，一小碗沙律 30，係30蚊（堂29），出面加兩蚊有個兩餸飯，或波仔29蚊買到個大盒飯⋯⋯其實真唔扺係有張券同好彩我問一問，加個米粉好啲，但其實我覺得呢度係30蚊先係正常都好快手，可能整好左的，所以5分鐘返到去其實飯落都凍凍地（雞翼），不過米粉有熱，都可以。但有個問題，如店員或執外賣問下客要唔要糖或餐具會好啲，我拎得外賣，係堂食到早就堂食，使咩拎走？都有可能返家，自然不用要餐具⋯⋯或者飲品可能唔使額外落糖，一慳返之如二環保。不過讚一點，店員收銀姐練返嚟，手快到不得了👍👍👍

老實講，少去。咁岩有券先去，其實都係貴。有一張焗飯減5元券嘛，去試下，明明我alipayhk都有5元券，過40用得，但又話時間唔岩⋯⋯算亦非重點嘅講返個飯，就數量係算多，但好食就麻麻，我覺得波仔29蚊32蚊嘅大盒飯比呢度飯口感更好食，餸因為唔同無得比較，但最貴牛腩飯都係38蚊，呢度個牛脷焗飯47蚊，券減5蚊都42⋯⋯其實我用埋券之後都無乜機會買，或者唔再用券算了⋯⋯聽講好出名啲焗飯，可能疫情佢哋都攰了，辛苦晒另外最好電子券都寫返午/晚即幾點，又唔敢手動喎但店員又講咩2點半前5點後⋯⋯有乜理由有限時間我真笑死😆唉150日剩返6日就知道我係幾少食大家樂不過，要多謝一班店員努力工作，都辛苦日日處理咁多人買野

今晚阿媽唔煮飯，於是乎就去屋企附近商場間大家樂鋸扒！有人會覺得，寂寞就是一個人鋸扒扒！不過我唔認同，雖然我係一個人去，但我唔係一個人坐，我坐係四人檯，每個位都有人><哈哈，你想係星期六夜晚食大家樂唔同人搭枱幾乎係無可能嘅。我對面坐嘅係一個小朋友，佢都係鋸扒，啱啱攞到個餐好大煙，佢就對住d煙吹氣，將d煙吹到我度……（笑喊）佢阿媽就話佢，叫佢唔好吹d煙，哈哈，我就覺得好得意。我隔離坐住一個靚仔，見到佢坐我隔離真係有d怕醜。我專心咁將每塊扒切好一塊塊，細細啖，慢慢食。（平時唔會切，係直接叉一塊扒咬一啖）覺得自己好扮嘢，其實人地根本就無望我。最後我都無食曬，剩低好多，其實我覺得大家樂鉄板餐可以兩個女仔share食，因為真係太多肉啦，又係扒，又係腸仔，仲要主食同湯……真係食唔曬。我係推薦揀牛扒，意粉配黑椒汁。一個人想食好d，又無咩錢，咁大家樂鋸扒都係一個唔錯嘅選擇，或者你還會遇到可愛嘅小朋友同靚仔一齊陪你食。（哈哈XD）

大家樂📍黃大仙正德街103號黃大仙中心南館UG樓UG5-UG9號舖平價下午茶Kay Gor 今日無出去食下午茶反而朋友帶左個外賣過來講講先大家樂不嬲都唔係講咩美食啦反而係睇佢既勝價比高唔高今次點左個西多士燒雞翼餐西多士全份炸過頭可能係外賣關係所以唔太好食燒雞翼燒得岩岩好但係肉比較少唔好食跟餐配奶茶可接受

臨近新年晨咁早去行個大運嚟到黃大仙中心南館餓餓地就去食個早餐🍽不嬲都好鍾意呢度既牛扒（其實雞扒都好好食）只係唔係度度既大家樂都有之前去沙田就冇牛扒呢個餐了反而有銀針粉所以應該間間大家樂都唔同嚟到果然不錯 水準依然牛扒與汁岩岩好飲品足味冇加稀推介！

今年大家樂經營不善 😒， 又不時爆出飲食醜聞，股價又不斷創新低😫。但各大中式快餐店集團已經喺香港深入民心 😯。嘢食水準唔會太高😮，座位唔會太好坐，環境唔會太舒服😌 ，但係香港人日日都照去幫襯😥，尤其是係喺擠逼嘅lunchtime期間，四五十蚊就有一餐😏，完全係香港人特色又要恨又要愛🤑。白切雞飯🐣，大家樂燒味其實畀好多茶餐廳都要差🐷，不過勝在去啲顧客流量多嘅大家樂， 都叫幾新鮮，食落都有啲雞味，有啲肉香😎。撈下啲薑蓉，加下啲豉油，都叫食飽一餐🍚，不過不失啦。

終於都試食大家樂新出嘅豚腩鍋一個餐, 有着住火keep住溫度嘅主菜+白飯+燉湯+飲品, 而且湯料&餸嘅份量都算好足料, 算值回票價味道方面, 蘋果燉唐排湯好清甜, 多蘋果+唐排, 燉到好淋, 好滿足~ 胡椒銀蘿豚腩鍋, 夠胡椒味但唔會太重太過龍, 白蘿蔔好入味, 仲有啲生菜木耳做配菜, 加埋有大蔥&香葉, 成個餸都好惹味! 主角豚腩啖啖肉, 有肥有瘦, 都係好淋又入味, 真係唔錯~ 以咁嘅份量同質素, $54都算得上係值得嘅, 不妨一試!

黃大仙食野真係好方便，快餐店都有幾間選擇。今日食左一間，明天又可以揀另一間，重點係全部都喺附近，行過少少就搵到。通常去到大家樂食早餐，十居其九都係揀依個餐...就是「牛尾湯通粉」。我地二人都愛吃這個湯底，有微微胡椒味，好似羅宋湯咁。雖然就唔似火腿通有咁多肉，但也夾雜住dd肉碎。（或者係這個原因，多人喜歡火腿通粉多d，食落飽肚d掛）我地由初初$27，食到依家$30.5😶。除左通粉好食之外，餐包都唔差嫁。成日食方包都悶喇，餐包夾上鮮牛油，簡直是正呀～

哈哈，今晚想食平d,行過黃大仙大家樂做推廣$88有2人餐加$10有2個紅豆西米糕，於是走入去試。講真我覺得好抵食，有2塊脆薯餅、有一隻燒雞，2支粟米，一盒海鮮蕃茄飯，有2杯檸樂，一心好開心。食第一口，薯餅係脆，但麥當勞薯餅好食d,有薯味d,但佢係脆！之後食雞，吾錯、吾鞋，有檸檬他他醬俾您點，個炒飯有炒底，粟米無味，整體ok la，仲有個甜品，吾駛加啦

今晚有人請打邊爐，下晝就唔食咁飽喇，嗌左個碗仔翅套餐，有一碗仔翅，一個生煎包同咖喱豬皮蘿蔔魚蛋，生煎包凍冰硬實，裏面粒肉勁細，咖喱豬皮蘿蔔魚蛋個咖喱汁係上枱前先淋落去既，好明顯仲有好多豬皮蘿蔔同魚蛋都未能夠俾咖喱汁沐浴到，咖喱汁淡而無味，夠哂健康，個翅，都算係咁喇。竟然能夠所有食物都係伏，唔怪得大快活漸漸崛起啦。