大家食 (已搬遷) 新店位置

久聞其名, 以前成日聽人講佢個手攪麵好好食, 但我唔經常去深水埗, 所以一直都未試過, 今次咁啱行過搵食, 原來唔只深水埗先有呢間嘢, 於是入去試試~雖然係閒日, 但都算人多, 好在啱啱走咗班學生, 先有一半枱空出, 快快坐低睇下有乜好食? 原來除咗手攪麵夠特別外, 仲有個叫削搖麵, 都係老闆發明的, 咁就一於兩樣都叫齊試下~  狀元骨手攪麵  食完狀完骨唔通會變狀元? 但其實狀完骨只係炸排骨, 仲要係得3舊咁少..........不過佢熱辣辣, 仲分開上, 所以都唔錯, 又脆口~  手攪麵個樣似上海麵, 但口感彈好多, 當然唔及日本拉麵咁彈啦~ 但都算唔錯, 不過一定要快食, 因為浸得耐會變林, 冇咁好食~  清湯個湯底勁似胡椒豬肚湯, 可能係太多味料, 尤其是胡椒, 所有有錯覺, 覺得佢係胡椒豬肚湯~  絕椒肚削搖麵  仲以為個絕椒係超勁辣椒咁解, 但原來一d都唔辣的, 但個豬肚絲就好爽口~  削搖麵係大約1"闊薄薄地但又勁長的麵, 佢都係好彈牙, 浸得耐都冇咁易變林, 但有時有d未分開, 所以有d成2"咁闊..............  湯底一樣  凍奶茶茶味好

正步行往我經常去的茶餐廳午飯時，突然間又想食麵，轉軚去了大家食。逐樣餸點的價錢計起來仲貴，就要了個八寶聚，有豬肉、雞肉、豆卜、芽菜、韭菜、火腿、粟米及生菜的材料，雖然每樣少少，但加起來應該都會幾大碗，由於未病好，吃清湯底就是了。果真份量充足，手攪麵煙煙韌韌，口感不俗，各樣材料平平無奇，始終要有點辣的才過癮，尤其是吃豆卜，但佢至少不難吃，雞肉也算嫩口，以這個價錢來說，原要奢求太多了吧！還是想飲杯野，那就來杯熱檸茶，最穩陣。

發覺係大家食~如果分開叫~好似叫車仔麵咁~好唔抵~因為叫碗麵加2個好味d既”食送” 都已經 $16 + $9 + $9 = $34叫十三會都只係要$33~而十八會都係$41~就同阿媽一人一碗XD~ 就咁睇個樣~十三會同十八會無咩分別~而事實上十八會多左5個”食送”~其中肥五花肉超多~而碗都係削搖麵~唔好期待有刀削麵既口感~不過都好過普少通既油麵、幼麵、粗麵~不過因為佢地削搖麵好長好似一條過~本身又粗過出面D粗麵~一咬斷~跌落去D湯度~就即刻水花四濺~所以千祈唔好著白色衫去食麵~至於D”食送”~由於都係就咁滾熟~都無咩特別好吃~媽媽好唔滿意個魚腐好樣衰~食落去同魚蛋差唔多~十八會多左既黑椒牛丸~只係俾半粒我有好多豬潤，五花肉，雞肉，火腿~奇特既係有火腿~總係覺得唔係好MATCH~湯底方面，好肯定有味精~因為食完我好口渴~飲極水都唔掂~我無叫到D 麻辣酸辣個D麵底D~因有辣椒油提供~而D辣椒油仲香~仲可以因應自己需要落幾多~另外，為左營養均衡，而叫左9蚊油菜~真係好貴~落左D好稀既腩汁但食唔出囉~只係見到菜上面有細細舊腩肉~證明左腩汁既存在~講真唔係好好食~不過可能價格還可以先咁多人黎食~

上次以一張團購券吃了一份招牌炸醬撈麵餐，還有一張團購券在手，所以就順著要到有香港築地之稱的楊屋道街市，買買海鮮之餘，跟友人一同再來炸醬撈。未買海鮮前，先到來吃午飯。有一張團購券，招牌炸醬撈麵餐是「鐵膽」，這回配熱奶茶，另外又貪新鮮，叫了一客八會聚A（$27）。前者炸醬撈麵份量依然不少，炸醬味道香濃惹味，配菜有花生、青瓜絲和芽菜，麵條仍是煙煙韌韌的，沒有因為是團購粗製濫造。而後者八會聚A，選了上海粗麵，頗為大碗，兼且配料甚多，有豬肉、雞肉、火腿、豆卜、生菜、粟米、韭菜和芽菜，可惜普遍偏鹹，而湯底感覺有點是味精湯的，但還是覺得抵吃的。

看到大家食做了團購，只需$14，即享「大家食」招牌炸醬撈麵餐包餐飲（原價$28），而且可於8 間分店自由兌換，不用揀定要去那一間，任何日子任何時間可用，非常方便。雖然一次過要買兩張，但又可以分開使用，超讚。因為是指定麵款，所以入到大家食沒有任何懸念，只是考慮喝甚麼。話說回來，眨眼之間就送來招牌炸醬撈麵，炸醬確是頗香濃惹味，而麵條帶些煙韌，有咬口，口感不錯。近廚房位還有調味自取：辣椒油、辣菜莆、冬菜，不吃辣得，要了一些冬菜試試味，可是十分之鹹，伴撈麵就不太行，放在湯麵可能應該不錯。另外，所點的熱咖啡變了一杯暖啡，有些可惜！環境是快餐店格局，但座位又出奇地寬敞，不太「密質質」，坐在後排的位置，因為可以對著電視，邊吃邊看電視，香港人的飲食文化之一呢！

大家會問,大家食,好味嗎?坦白講,如果你是區外客,我建議你不要來這裏吃.去麵棧,或者去魚魚魚吧.但作為一個區內客,吃得多都會悶,我們間不時也會來這裏吃吃.這裏的招牌菜是絕招肚與過山雞,至於為什麼個名如此有氣勢,這層我不是太清楚,你可以問問老板,雖然我從未見過他在舖內.問姐姐的話,你大可以慳返啖氣,這裏服務員不多,能夠點到餐,你巳是萬幸了.這個價錢,請不要奢求太多.絕招肚都幾爽的,過山雞也很入味,富豐富的香料味,不過也頗肥膩.有很多人喜歡跟飯,我就覺得跟飯太肥了.麵食方面,我比較喜歡點搖削搖麵,較粗和挺身,比較特別,也有很飽肚的感覺.手攪麵比較稔,不是我杯茶.湯的話,酸辣比較靠譜,始終荃灣區麻辣高手雲集,怎數也數不到大家食.如果不好辣,點清湯也不錯的,也不會淡而無味.喜歡吃菜甫的話,可以自助到麵bar取,有辣有不辣,辣菜甫是超辣的,如果不是吃辣狂人,建議不要下太多.也加了$6要了菜,坦白講,誠意全無,純粹是看你有沒有須要在無益之中吸收點纖維.檸茶不過不失.現在百物騰貴,這裏也起了價,一碗麵兩個餸巳經要$28,而且比以前細碗了很多.不過在今時今日,巳經是十分化算,難怪這裏夜一夜也全店滿座.

今日同男友七點幾去食晚飯，原本諗住食隔離既'譚仔'，但知道呢間都有米線所以想試下新野就揀左呢間我叫左個腐皮小辣米線+豆漿，而男友揀左黑椒牛丸中辣米線。 落完單之後五分鐘左右，所有野到齊晒，好有效率麻辣湯底: 我覺得五夠辣，冇一種麻既感覺系口裡面腐皮: 我覺得五夠'淋'，有D硬，不過還可接受米線普普通通，冇咩特別。我都有食男友既黑椒牛丸中辣米線黑椒牛丸我覺得好食，黑椒味好濃，牛丸夠晒彈牙好後悔自己個晚五系叫呢樣呢間都值得一試

昨天晚上又再來到荃灣的心臟地帶搵食了, 唔知點解, 昨晚的食肆好多人, 可能是有些店鋪還在收爐當中的關係吧!! 最後見這間無咁多人, 便決定來這一間食!! 好了, 坐低, 看一看餐牌, 便order了狀元骨手攬酸辣麵. 由於看到之食的食家說, 可以自行取辣菜甫, 便又去拿了一些. 好了, 麵來到, 依然都是一如以往, 以大碗取勝. 吃了一啖, 便加入辣菜甫, 自問都算是吃得辣, 便加了相當份量的菜甫, 譙知一吃, 嘩, 乜辣得咁緊要!!!!!!! 辣到真係不得了!!!! 繼續食下去, 就愈食愈辣, 嘩, 真係頂唔順, 但又不能浪費食物, 唯有速速叫一杯檸雪來解辣, 檸雪一息間便到, 立刻便喝一口, 嘩, 前所未有的透心涼!!!!!! 經過這次之後, 以後都是不要隨便加上辣菜甫了!!!!! 而且也由於叫了一杯檸雪, 令我大大的失預算, 因為本來碗麵只是$21, 但是加一杯檸雪卻要加$8, 白白加多8元, 肉痛死了!!!!!!!但畢竟這是一個食評, 點都要評一評這碗麵的, 大家食的麵素來都是以大取勝啦, 基本上都是無甚特別, 不過個人覺得我吃的那碗手攪麵, 麵質是淋了一些, 好似之前吃的是

最近聽朋友講有間麵鋪又平又好食,個名叫大家食,聽落好似大家樂咁,朋友話D价錢同大家樂都差唔多,所以好想試下,一入到鋪頭,有個阿姐即刻上來招呼我哋，坐落睇下個餐牌,咦!又真係唔貴喎.十六蚊一碗都有得食.最貴一碗都唔過$35,餸菜仲係任你自己搭配添,原來呢間鋪是廿四小時都開啲.咁又幾好喎.有時行完夜街都可以搵到自己想食啲嘢.即時叫咗個茄蛋牛肉手攪麵$18,另加一個冬菇时菜$5,再加一杯凍奶茶$5.我朋友就叫咗個老闆新推介的八會聚酸辣削搖麵,所謂八會即係碗麵入邊仲加有八種菜,价錢係$24一碗.果然好抵!呢間出嘢都算快，不到五分鐘，兩碗熱辣辣的麵就出來了，我個碗茄牛麵D味好濃郁，酸甜度配合的非常好，佢是用新鮮番茄整啲，所以吃起來感覺更好D.杯奶茶濃得來唔苦，又好香同滑口，仲好飲過我以前飲過個幾間．我朋友話佢個碗啲味道都唔錯，酸辣度啱啱好，菜又多，麵又依依韌韌，又有麵的香味．而且又大碗喎．ｈｍｍ．．．果真唔錯，冇介紹錯！

朋友 叫左個米線我同老人~叫左個合和飯~同雞翼~同cola3個人~ 埋單~ 好似7x?? 大家食~ 仍然係平~ 不過味道....好似差左~記得第1次食合和飯 ~ 係mk~ 呢度~ 真係唔掂~ 下次反mk試多次先~

同朋友又一個下午係荃灣行街街lunch時間猶豫左好耐食紅薯粉定食呢間，最後比朋友拉入呢間，佢話梗係試新野啦，哦~熱奶茶: 先上左飲品，茶味比較薄，一般削搖麵(鹵牛肉, 狀元骨):我要左雲貴酸辣底小辣，有小小配菜既，削搖麵似寬條麵，有一點厚度，咬落去有嚼勁兼有麵粉香，讚!!!鹵牛肉即五香牛展，夠軟腍同入味，不錯狀元骨即炸排骨，同樣入味而且炸得又香又脆埋單30蚊，好味又抵食，有機會再食。

一個字....平!平就幾平下既真係, 叫左個手攪麵+雙餸都係23蚊!不過牛腩蔔白得兩粒牛腩....豬扒得4條仔...仲要勁薄, 麵既份量就好夠既, 仲之就食得飽人好似好矛盾, 份量夠, 餸唔夠...食到後尾好似食淨麵咁,食慣多肉...有d 唔慣,不過總的來說23蚊有咁既份量都叫平既

這間麵店不知道為何咁少人寫既呢???? 我這個荃灣人, 偶然都會到這兒幫襯的, 很認同其他食客所說, 價錢不太貴, 但卻大碗, 可以讓你吃得飽飽的離開, 絕對是當你要勒緊荷包時的首選. 這一天, 我又再次到這兒了, 跟這家麵店闊別數個月, 發覺內裏的椅子不同了, 沒有了從前不舒服的坐椅, 換來了有 i pan的, 不知道是不是因應人客反映說之前的坐椅讓人坐得不舒服呢?????好了, 廢話說完, 說回正題, 這一天叫了一碗茄蛋牛肉手攬麵, 等了不太久, 麵就送來了, 嘩, 又是一如以往的大大碗, 真好!!!!!絕對0岩我這個大食的人, 麵質有咬口, 這也是我喜愛這兒的地方, "送"也不錯, 事實上, 茄蛋牛這類家常菜, 也很難煮得不好吃了, 只是牛肉略嫌太少, 不能滿足到我這個食肉獸. 吃過一碗大大的茄蛋牛手攪麵後, 肚子也飽了!!!!! 另外, 這兒吸引我的地方, 是若叫麵吃, 只加六元就可以有一碟菜, 不錯呀!!!!! 有機會的話, 都想嘗試埋其他類型的麵呢!!!!!!!!!!!!!!!!!!!!!

食物唔駛多講啦，一貫大件夾好食，想講係服務態度好有問題 !我入到去都未坐底, 有個四眼阿姐就好悔氣咁催我落單，我話轉頭先, 佢就真係轉一轉頭就又催我 ! 我話蕃茄蛋走牛肉，佢好惡咁話無得走，跟住碌大眼咁"bilibala"一大堆廢話，煩到我求期叫d配料併手搞麵 ! 佢寫完一大輪，好悔氣咁問我食乜麵 ?! 哎 ! 我講個時你又唔聽 、掛住响度嘈 ! 哎 !食物質數好，但俾四眼阿姐嚇到我食乜都無味啦 ! 唔係淨係我話佢架 ，後尾搭檯果位小姐都話佢勁趕客呀 !

一早放工，與同事吃早餐，有人介紹到大家食吃，貪其大大碗又好味，很久沒吃了便去一試。在門口，看見裝修與從前吃過的分店不同，又乾淨又光猛，還有大電視。到了點食物，同事建議茄牛蛋麵和豬潤麵，於是點了這兩款交換餸來吃。茄牛蛋麵：賣相、顏色不錯，份量勁多，牛肉不會太淋，番茄亦算新鮮，麵幾滑、幾多、而且有咬口，不會太淋，不過個汁甜了少少。整體不錯；豬潤麵：豬潤多，沒雪味，不會太靭，個湯底亦不錯，幾甜。一餸麵連凍飲只需21元，飽到晚上才肚餓，真是超值！