大少燒味茶餐廳 (新康街)

營業中

休息中

今日去咗上水買嘢 見到呢間新開咗冇耐嘅燒味店 價錢實惠 而且明檔外既燒味靚靚仔仔 即時買咗幾款返屋企加餸佢自己價錢經濟實惠而且都新鮮 款式選擇多 有我平時出邊好少見嘅乳豬😍😍叫咗個乳豬燒鵝腩骨湯米粉 足料又大份 兩個人share都夠飽🤣🤣🫶🏻乳豬爽口皮脆 肉質嫩滑唔鞋 瓦洛仲有啲脆骨燒鵝方面我要左下庄 食落肉質細嫩 而且皮香肉唔會膩 屋企人都大贊好食😋最後仲叫咗梅頭肥叉燒 蜜汁味濃郁 而且叉燒有嚼勁 返屋企加餸嘅首選！！有興趣快啲去睇吓啦

雖然平唔可以要求太多但呢間垃圾次次都係咁要求肥叉，你比唔到唔緊要唔係比呢啲人呀…態度差都唔理你丫唔係差咁遠呀…燒鴨要醬料 又要另外加錢我食雞要求你比酸梅醬就話加錢合理我食鴨要求比醬料都好正常呀你一係收貴d 比返d人食既野人食丫

樓面員工過多，年紀較大的男女樓面態度很差，起初以為他們是老闆和老闆娘，原來握住雞毛的在呼喝客人和指指點點其他樓面。食物質素一流，但真正的老闆可以考慮減少趕客的員工。

響附近寫字樓翻工，由大埔分店食到上水分店，從未遇過燒味師傅咁樣斬燒味飯。今日12:30去斬個叉雞飯，個師傅專揀最差嘅材料同部位俾人食。好聲好氣反映，斬啲叉燒渣都算數，雞都唔好全部雞胸丫？嚡熠熠。其實我都係想叫師傅，溝兩件其他部位嘅雞俾我。我都未趕得切講，出餐呀姐劈頭第一句就話退錢。表現完全無心服務客人之餘，仲極度唔耐煩。最尾斬料師傅都真係換返兩舊雞胸，但就話特價飯係咁樣質素，然後再叫呀姐：換左兩舊，打發佢走！打左成日工都係想簡單食餐飯，搞到好似想撩交嗌！賺緊客人錢仲要歧視客人，話打發人走？平時收銀有個後生女都好好態度，間中都有帶客去幫襯，經過今事件，無下次！香港服務業多得呢啲人，真係搞臭哂！

之前買過幾次淨叉燒/燒骨/乳豬/燒肉，斷斤計嘅話，佢嘅水準真係唔錯，真係幾好食。今日買佢個$30雙餸飯，叉燒燒肉飯，叫佢半肥瘦叉燒，返到屋企，全瘦嘅叉燒仲要係柴叉，燒肉皮唔脆，硬飯

見佢門口話下午茶$38幾抵食，就入去試下油雞飯加例湯油雞岩岩熟，好嫩滑，份量都唔少例湯都好飲，無味精又大碗，仲有啲料係入面食完見都幾有質素，諗住買多個外賣外賣飯盒$30，叫左叉燒燒肉返到去一打開，比起堂食個下午茶，有啲失望叉燒燒肉份量都少啲，同埋睇落都唔太吸引不過食落叉燒都ok既，雖然瘦叉但都冧，唔會好似乾柴咁燒肉正常普通

今日係第二次來大少，兩次都係點乳豬飯。水準依舊，口感一流，一咬d肥膏溶喺咀內，回味無窮，絕對有酒樓水準。皮肉不分離，唔會硬，乳豬必食，68蚊價錢是合理價。見d人留言係講燒肉點差點差，叫人唔好幫襯，我未食過就唔作評論，但乳豬真係推介。

本來極小寫食評，但今次呢間餐廳俾我嘅經歷真係不吐不快，極度唔掂。下午茶時段經過大少燒味，已經專登唔買特價餐，俾貴啲買正價餐，點知返到屋企一打開，中曬伏，份量少得可憐不特止，指明要雞胸，俾左雞亦位我，本來都唔緊要，打返電話同佢講返成件事，點知個男人一出聲已經態度奇差，講數咁款，仲叫我成碗留返，等將來經過先拎返去換，叫我千奇唔好掂碗嘢，嘩，咩事呀？真係成肚氨，以後無幫襯，唔怪之得其他店咁多人排隊，呢間拍曬烏蠅。

見呢間大少燒味茶餐廳平時咁多人排隊，諗住都唔會太差啦，咁就買個外賣雙併飯試試佢...已經專登望下邊款燒味靚仔先嗌嗰款...掛喺到嗰啲燒肉係幾靚呀，脆卜卜咁，咁咪嗌個「叉燒燒肉飯」囉一返到公司打開盒飯都已經打個突燒肉得嗰5舊咁大把，變哂好似樓上講的咁樣，皮唔脆、肉鞋口叉燒乾爭爭，又韌都乜咁，我自己屋企整好食過佢原全有掛羊口賣狗肉的感覺，佢賣嘅同佢掛出黎嘅完全兩個樣真係冇下次，我比多$8 食附近另一間燒味好過-_- （上到黎openrice先發現其他人嘅食評）

見到無論堂食或外賣都有幾多人排隊,所以買咗$110燒肉返屋企加餸. 返到屋企打開見到嘩一聲,見到十幾嚿燒肉頭頭尾尾一盒,食咗一二嚿之後啲皮好似半熠豬皮吟,跟住倒晒垃圾桶.

行過經過  , 見未試過呢間就買左D燒肉加餸啦 , 60蚊得幾舊 , 價錢黎講貴過太興 , 不過如果佢係整好食都算啦 , 點知皮又唔脆 , 肉又粗又嚡又無味 , 食左兩舊都覺得浪費Quota , 請垃圾桶食算 , 肯定冇下次 , 未食過咁差既燒肉 , 好心佢唔好用燒味做主打 , 整出黎自己都試下味先啦                                                       

海蜇燻蹄例牌，短短碎碎的海蜇爽脆，但味道怪怪的。燻蹄偏咸，無豬肉鮮甜味，怪怪的味道似雲尼拿。燒鵝下庄，價錢高昂但只得細細件，大量白色肥膏極油膩，食到滿口油淋淋，肥膏比肉還要多。厚厚爆油腍啤啤的鵝皮，黏著結實略咸鵝肉，還有幾舊只有肥膏要丟掉。叉燒例牌，份量少得利害，貴價貨品啊！厚切半肥瘦，少少韌韌少少硬，帶焦香但咸味蓋過一切，沒有叉燒應有的鮮甜味道。明明係同一間集團，點解大埔堂食好味過上水外賣百倍呢？