大尾篤燒烤王 (已結業)

十二月十二日 (星期五)大伙去燒野食，因為大部份都係北區人， 諗都唔諗就梗係去大尾篤．　先行部隊由粉嶺直接坐的士去，一人廿五蚊，OK啦都算．第一次去呢個燒烤王，環境唔算好好，但可以接受啦，我地最後一行九人坐低左，四圍好多一大班學生哥，隔離係一個不停食煙不停飲酒老師帶住一班十四五歲學生囉 =_="星期五有任食時段58一位，但考慮到唔係人人咩都食，又想試下其他野，於是叫左一個五人餐（跟埋五罐汽水，叉，紙碟，蜜糖，面包，紙巾），再加羊，鱔同火雞腎，加埋比起九位任食貴左廿蚊，正！羊羊係賣飛佛，點可以唔食！　燒起好香，燒燒下麥師傅仲親自黎教我地叉同幫我地燒左一舊，麥師傅教落：1.　大舊肉果邊要向出面，條骨指住自己2.　燒果陣要貼火燒，最大火果度燒有少少焦就最正好好味，肉又夠厚又半肥瘦，讚呀！鱔第一次BBQ食鱔，唯一係唔係好sure佢幾時熟，我女友就覺得9成熟好食d，我就覺得well done爽d，蒜香燒鱔，讚！五人餐仲有豬牛羊雞腸丸翼，全部都有水準，加上唔會雪到"實的的"，但最後呢個餐都只係食左九成，所以我會推介唔一定要叫任食，試下其他野食啦！再加埋飲左差唔多廿枝大藍妹，圓滿結束！

一行十八人入大尾篤燒野食，叫左15人套餐再加腸、丸之類既食物首先講下環境：d地方不錯，但係d爐好密，同隔離個爐太貼了服務：好差，自己搵檯、搬椅，差d要我地自己執上手既野。成個場無人理咁買野食及取飲品：每次排隊超過30分鐘，工作效率幾差食物：d腸仔唔知點解可以咁難食，一定唔係太x牌或者廚X牌丸類又食口粉，扒類咬唔開~好利害係d 雞翼，凍到叉唔到之如，仲整難埋隻燒烤叉！我地去問可唔可以買左幾隻燒烤叉，佢竟然話唔可以！有無攪錯！無叉點燒？以後我地唔會再黎！去其他地方都無咁既情況！

今日見天氣好，就同仔仔一行人搵個地方去燒嘢食。今日諗住去大埔大尾篤揀個地方燒，咁係網上見到呢個場，就諗住試下啦。首先講交通方面，坐火車到大埔墟火車站轉小巴入去，勁方便。落車後行入去唔駛五分鐘。不過，今日一到場，吓！成幾百個小學生係度攪旅行？正擔心無位時...算啦，橫豎嚟到都入去睇下啦。問完後原來都有位燒...好彩！揀咗個位後，發現個燒烤爐夠大，張枱亦夠大張，附近Walk in 客唔算多，然後就去買飛...今日$58一位任食，小童$35，重每人包一罐飲品，雖然話任食，但第一round都係由佢地照人數執俾我哋，個盤食物份量OK，種類亦多，有什丸，腸仔，雞翼，豬、牛扒，金沙骨，多春魚同鮮魷。開始燒啦，食落啲丸同腸仔都OK，不過，啲醃制食物先至好味，夠味道而不咸！我個人最愛金沙骨及鮮魷。一直燒咗四粒鐘先燒晒啲食物，重要係食晒嗰種，非常滿意！下次一定會再嚟！

買完票等取食物等了差不多1個鍾頭才有。服務員態度奇差。完全幫唔到忙。食物貴，可能任食時段就抵。食物味道ok。但整體唔值得推介。

前幾日去o左呢到 bb蕉 ~ 係朋友介紹o黎既 9 點幾等齊人就開始lu ~ 我地簡o左個位係有部電視係到 ~ 一路睇一路燒 今次燒左好多雞翼 ~ 因為太好味 !!! 仲有燒魷魚~ ~~ ( 我淨食呢 2 樣都已經夠 ... 因為食到上引 ) d 男性朋友仔好食得 ~~ 鐘意食乜去拎就得架啦 !!! 好好彩 ~ 食得晒 ...無浪費食物 友人話得閒入o黎燒下野食都唔錯 ~ 我都同意佢既講法 !!! 仲可以遊車河 ~

一早計劃好同成班同事禮拜六放工後入大圍踩單車去大埔再燒野食.佢地星期六冇任食,有最低消費,每位$60.可以叫套餐或散叫,總之有10個人就叫($60x10)$600就ok.我地叫左一個6人set $398 西汁雞扒 1磅 蒜茸雞中翼 1磅 洋蔥豬扒 1磅 黑椒牛仔扒 1磅 咖喱魷魚翼 半磅 芝士腸 半磅 玫瑰紅腸 半磅 廚師腸仔 2包 什丸 1磅 獅子狗卷 半磅 方包 1包 汽水或蒸餾水 6罐/支 再加左---6支綠茶($10支),黑椒牛仔扒 ＄62/磅 , 雞全翼 ＄40/磅,西汁雞扒 ＄50/磅.野食睇落唔算多,一盤裝哂,但都差d食唔哂.有亞姐幫你開爐,又唔使拎餐死.食完拍拍羅友就走得.80蚊,都ok嘅.

2008.10.12(日) 是次活動目的為慶祝 i 小朋友三歲生日，與主既家族成員出動去BBQ。交通算方便，由大埔站搭20C小巴約廿分鐘左右到達仲响正門口落車。平日都算底 $58 任食，假日續樣計。第一回合HK$700幾 / 11人食物+飲品，第二回合加了些肉丸﹑多春魚﹑雞全亦等等(不知价)，飲品最底消費$6 (水或罐裝汽水)，各款啤酒由$8 至 $23不等，最貴是大樽庄藍妹。食品味道算不錯，夠味而不太咸，食物種類也不算少，不過可能味精多食後感口渴。燒烤場內不但有兒童遊樂設施，而且有兔仔及羊養飼場，有興趣餵飼小動物，得先購飼料(每包$5)。然而此場地有一缺點就是場內地面較多小沙石，令小朋友行走容易跌倒。

30幾度燒野食............不過好在係夜晚, 已經吳見太熱啦個度既環境就一般啦, 去到既時候都已經有吳少人係度我地要左任食既餐, 送一枝/罐6蚊既野飲, 咩都有, 都算多選擇比左錢, 佢會執d野食黎, 如果我地吳夠就再叫野食都算係咁啦, 肉呀, 丸呀, 魚呀咁啦, 佢居然連包心蟹籽丸都有!! 不過冇我最鍾意既棉花糖, 呢度如果要帶自己既野入黎食就要收錢。除左野食之外, 餐具, tissue都有齊, 仲有專人起爐, 服務都ok, 而且50幾蚊任食就真係抵。唯一吳好就係個location麻麻, 吳係太多車去倒相同其他食評可以去我個bloghttp://hk.myblog.yahoo.com/food_talk2008/

之前同女友試過隔離既 紅樹林燒烤場今次... 又同女友再加2位靚女同事入大尾篤燒野食 上次既經歷不太愉快... 食物選擇太少... 服務態度差勁...... 所以今次決定行遠少少... 就黎左呢間大尾篤燒烤王呢度既收費比起隔離仲要平少少添... 任食PACKAGE只係65/HEAD同埋... 呢度既食物選擇都比隔離多一點當中牛扒,雞翼同埋燒魷魚直頭係好味添... 之但係... 呢度D電視多數係壞既... =_=同隔離既紅樹林燒烤場比... 隔離就係勝左多左一部大電視..........哈哈... 就睇你如果取捨......看你重視食物和價錢多一點... 還是喜歡看電視多一點..... ANYWAY... 這裡好像熱鬧一點... !!

是日公司活動,地點選了<大尾篤燒烤王>,個場都真係幾大. 有小型兒童遊樂場,我見到又有人買煙花仔玩,有得打麻雀,當然要比錢租啦,但係ｄ爐好迫熱到爆,但係野食又真係唔係好得.又係個d,好似冇咩特別野食,多春魚,雞翼,豬排,腸仔,雜丸,金沙骨,咖喱尤魚,但係放埋一堆好似好核突同唔係好衛生咁,見到都唔想吉呀!我地遲左去,我見冇咩野食咪出去睇下有咩野食啦.(個時我冇取個盤的),點知佢話要取票先可以取的?咁我唔知公司點安排的.咁咪算囉.唔取!!但最好笑係我地有個同事見冇野食咪取個盤出去取囉.點知佢返黎時得返勁小野食,佢話冇曬啦喎?下..個時7:00幾ja wor,,其實間野係點家?但我又見有人可以一盤盤攞的?公司攪同埋又唔洗錢的,咁咪算囉,如果自己去的就一定問清楚啦,金菇牛肉成$20包,雪糕要$9支,貴到爆!可能因為任食個d每人都係$58,所以食物選擇唔多.但係佢又好得意,聽說好像唔係個個都任食的..有分幾多個人的套餐買的.仲有可以一磅磅賣,如果唔係食太多的人就啱曬!地點都幾唔方便,有車會好點囉!

今次一行14人入去bbq,由大埔再轉巴士入,真係幾偏僻...我地叫左個9人餐,再加左一磅羊架,一磅鱔片,半磅多春魚,一磅腸仔同雜丸,d野食唔錯,起碼冇雪到硬晒結晒冰比你,個餐已經有埋bread,粟米,番薯比你,小女子認為鱔片,芝心丸同咖哩squid好好食.總結係野食唔錯,環境唔得,好似一個棄置地方,又遠,toilet係冇得沖既,可以諗下有幾乾淨,但價錢好低,仲要係已經係咁買野飲同野食,仲可以買埋煙花同雪條都,係大概70蚊一個人...最大最大既問題係有蚊,咬到成隻腳都係,可能o個日落雨啦,如無意外,唔會再o黎...

唔知點解：沒招待、沒座位編排──入到門口，無人招待；搵人我地一行十二三個人要成隊人跟住個職員搵位。地方狹小而亂──BBQ爐比較密，其實無乜空間俾人打麻將，要「迫」d 位出黎，坐滿哂人，去拎炭加都幾有問題。枱枱櫈櫈自己搬啦，爐，催左十幾廿分鐘都有人黎開既……咁當然，d枱櫈又係好「乾淨」囉，一手摸上去就feel 到「好甜」！石地0個d 我都唔同你計……廁所，我知燒烤場人多，個廁所好多人「光顧」，但係，你都唔駛到「令人卻步」的地步吧？touchwood 講句，有人係度跌倒，你都要賠架喎！服務差勁、效率奇低──個場未爆，但係收錢已經出現人龍（後來繁忙時間……我唔知d人要等幾耐），等四十五分鐘，我地兩三個去拎野，問佢拎紙箱，佢話：「紙箱留返俾一個人黎俾錢0個d人啦，你地咁多人拎，一人拎d 啦！」阿姐你唔係咁樣答我下嘛？問佢俾左d 咩我地，態度敷衍語氣差：「你地咪拎哂囉！冇架啦，俾哂你地啦！」；拎汽水都要排半個鐘，分兩條隊。俾完錢拎野食，又要等……但係佢個音響，唔係全場聽到之餘（即係聽唔到）0個個人講到好「清楚」囉！拎野食0個陣，明明話有幾個1磅幾個半磅(9人餐)，但係，我一個女仔都拎得哂……咁…

一月六日(星期日)我地入到大尾督會合男朋友仔既朋友仔喇!去到,個位都ok,唔算太辟既!同埋有位,有野食唔錯啦!!d野食都唔錯呀!牛排好食幾林豬排就ok啦!牛柳最好食,又林同埋有黑椒味~有個芝士丸都唔錯呀!我地係叫9人餐既,不過都食唔哂!仲有袋麵包lor-.-!!!同埋有野飲賣唔算貴既都!!平日60蚊任食,不過都係唔arm我地喇!!!太heavy!

4/11/2007 黃昏呢間野真係唔易搵，個名就大尾督燒烤王，但竟然唔起大美督，個牌一d都唔明顯，攪到我搭多一程taxi入到去，係個碎石地，所以大家唔好wear涼鞋或拖鞋啦~唔果唔係好易爆腳野食都係果d啦~多春魚同雞翼唔錯，仲包埋rock mountain 綿花糖~不過d野食無用個包冰發泡膠箱比你盛住，只係用個大blue盒用鍚紙蓋住，如果天氣熱食物一定好易變壞~廁所睇落唔係好乾淨，所以我唔敢去~仲有好多人掛隊買food~攪到我杯雪糕比完錢後溶左1/3~p.s~呢到d設拖都唔錯，有兒童遊樂場，又有神仙捧(煙花仔)買，香港真係好難買到ga啦~$10，$80就有麻雀打，想試下露天打就黎呢道啦~又可bring dog in~，有間玩具店有好多野buy~又有酒buy~仲要係冰凍~如果天氣涼一大班朋友黎燒真係唔錯~不過交通就唔係好方便，同埋對我呢個港島人黎講太遠了~我一來一回成3個鐘有多...20幾個人位位$70

11.4 (SUN) 愉快既一晚4點入到去。對於一個住o係港島區既人，呢度係超遠。我地廿幾人有三個爐，三大盤野食。下晝真係好熱，雖然宜家係秋天。夜晚就爽好多（有點寒涼）。野食都係丸、腸仔、扒、雞翼、麵包、棉花糖。想食ｄ時宜野係冇，例：蕃薯。秋刀魚最好食。想食金菇牛肉o個ｄ特別野當然要另計啦。不過佢只包每人一罐野飲就太少喇！有人打羽毛球、踢毽。要小心石仔地啦。打牌$80。如果plan黎呢度就一定要天黑前出去紅樹林影下相喇，難得黎到咁遠嘛。好似冇人知可以出黎咁(冇乜人)。如果個天更清會更好;)