影片
營業時間
今日營業
07:00 - 21:45
星期一至日
07:00 - 21:45
以上資料只供參考, 請與餐廳確認詳情
《大師傅粥品 - 大埔》記得以前太和商場有一家粥店，屋企人成日收工都會買煎堆番黎比我食😍自從無左間粥店就無得再食啦😭不過幾年後既今日，太和又開番一間新既粥店，果日屋企無煮飯，我同屋企人就走左去試下佢啲粥，同埋大家都喜歡食既煎堆🤓以後搭火車番屋企既日子又可以買番去比屋企人食啦😎💁🏻♀️黃沙豬潤粥 $38我Daddy既至愛，豬潤處理得幾好無腥味，咬落軟身爽口無筋，入面仲放有薑絲癖腥，粥既質地算係較為濃稠，食落綿滑💁🏻♀️生滾粉腸粥 $38都係我Daddy既至愛，我地叫左兩個粥三個人share，再另外叫不同小食😜粉腸要處理好煩，所以我地多數到外面餐廳先食，佢既質地比較韌身少少，食落有粉感又唔會苦澀，都有幾多條粉腸架💁🏻♀️蝦米腸 $19媽咪每次必食，蝦米腸係蒸既果種，醬汁可以按自己喜好去調配，我就會落大量芝麻醬同甜醬啦，蝦米味幾香，如果係煎腸粉就更好啦😉💁🏻♀️炸兩(大) $20我每次食粥都會叫既炸兩，佢入面既油炸鬼係偏脆少少的，外皮唔會太厚，我都係喜歡狂落芝麻醬😉💁🏻♀️煎堆 $10煎堆大大舊夠曬脆身，個皮稍為厚左少少，不過如果鍾意食煙煙韌韌嘅感覺會幾滿足的，甜甜地又有芝麻香，不過食得多會熱氣啊😅但我地食左兩個😝
繼續閱讀
好似未訓醒就同屋企人食早餐我的早餐💜💜🫧艇仔粥豬皮、碎牛、魷魚、花生食材豐富而且新鮮見到屋企人食到好滋味🫧生菜粟米粥難得的素食粥生菜粟米，通常我會另加鹹蛋要再加$8生菜粟米粥，好似有個芡汁喺粥上面都好澀🫧豬潤粥甜甜地份量充足的豬潤粥🫧豉油王炒麵熱辣辣炒到十分香口大份抵食嘅豉油王炒麵🫧炸兩腸粉香脆可口的炸兩腸粉沾上豉油之後，炸兩仍然10分脆口腸粉都算滑🫧鮮蝦腸粉鮮蝦腸粉走韭黃因為我不喜歡吃韭黃，可以把韭黃走咗佢鮮蝦都算，新鮮爽口我全部有食的都推薦🥰推薦🫧豉油王炒麵🫧炸兩腸粉🫧鮮蝦腸粉🫧生菜粟米粥
繼續閱讀
和老公在太和踩完單車，經過這間粥店聞到香氣，就進去食碗粥。【皮蛋瘦肉粥】質地綿密，香滑可口。皮蛋的濃郁風味與瘦肉的鮮美相結合，加多些蔥花調味。【北菇滑雞粥】加配黃沙豬膶展現了細膩的烹調技法。，生滾粥有些薑絲令味道更香口，北菇的香氣與滑嫩的雞肉融入粥中，而豬膶的加入更增添了一層鮮美。【蔥花炸兩腸粉】外皮柔軟，內裡酥脆，搭配蔥花增添清新香氣，豉油香味撲鼻。【鹹肉粽】糯米的軟糯、綠豆蓉、蛋黃與肥鹹肉，沾豉油和砂糖都配。【豉油皇炒麵】麵條彈牙，味道濃郁而不油膩。
繼續閱讀
上星期到太和辦事，辦完事情都晚間視頻，看到太和商場內這一間性價比高的粥店，剛好想起自己很久沒有吃過粥品店員熱情招呼入座，看過餐牌，每一道菜色的價格不高每次吃粥品必點的煎堆，充滿芝麻香，外皮煙靭，$10價錢質素非常滿意炒麵，份量之多，而且豉油王味道十足，麵條煙靭有油香，配搭粥品一流滑牛肉肉丸生滾粥，牛肉份量多，另外粥底滑口重米香，而且份量之多，如果配搭炒麵，即使一個大男人也非常飽肚，是一碗高質素的生滾粥
繼續閱讀
話說我媽媽60幾歲個孫唔舒服去買碗粥怕個粥會凍，所以自備500L暖壺，從比錢到’不’粥個2位女職員不停話個壺咁大點裝粥，個態度仲要好差，重點係我媽媽已經解釋個壺因為可以keep 得夠熱你哋可以裝番同樣份量就可以，態度依舊咁差，根本係歧視老人家，一間餐廳唔好話服務態度，連基本專重都冇，你叫人點會再幫襯？
繼續閱讀