大師傅粥品 (牛頭角道)

營業中

休息中

兩個人去食中午，叫咗瘦肉粥，魚片粥同埋一碟牛肉腸首先，望落個環境都幾暗，地下有唔少垃圾未掃。個第一印象已經麻麻，但係心諗，橫掂都嚟到啦，照食，或者啲嘢食唔差呢，如果唔得咪無下次。點知，我發現我真的徹徹底底錯了，佢跟住落嚟上枱啲食物真係顛覆我想像。瘦肉粥，係雖然個碗入面有好多瘦肉，但係全部都好鹹，應該全部都係用啲火腩燒肉去做，一啲鹹瘦肉都冇，碗粥鹹到頂唔順，從來未食過啲咁鹹嘅瘦肉粥㗎。魚片粥，呢個仲正，碗粥一上枱，攞隻匙羹一撈上嚟舊魚片係生嘅，唔係唔熟咁簡單，係全生，紅色㗎。我估計佢係啲粥滾咗，直接掉幾舊生魚肉落去，滾多兩下都費事，就直接上枱。唔食到肚痾算好彩。牛肉腸，呢個好快上，一叫，唔使1分鐘就上枱，我心諗，腸粉都要蒸，起碼都三幾分鐘先搞掂啦，使唔使咁快啊？食咗一啖，啲腸粉凍㗎，仲有入邊啲牛肉係生牛肉咁，係紅色，我覺得佢係未熟嘅，我唔敢博，我叫佢換過一碟俾我，個樓面話，幫我蒸多陣，我心諗，算啦，都唔會有下次啦，費事搞咁多嘢，萬一你響我碟嘢加料咪仲弊。碟牛腸返蒸完，出返嚟，係熱嘅，但係個質感就當然冇第一次整咁正常，不過呢個唔係重點，重點係我發現上面多咗一隻昆蟲，有一隻死蚊響碟腸粉上面，

好X憨x食個粥加個鹹蛋，比曬d蛋白我，少少蛋黃都無，連蛋黃味都無，食左一次唔會再食，五蚊係少事，但我比左錢，都係我自己買左嘅野，都係錢黎，唔建議。唔會再黎第二次。切一半少極都會有嘅，未試過少少都無，點X樣做生意的🙏🏻

入到去見到舖頭唔係話特別大有八九張枱左右 都算坐得舒服 有可能因為夜晚去所以人都比較少 冇遇到服務態度問題之類嘅事黃沙豬潤粥 $36佢一碗粥嘅份量啱啱好 佢豬潤俾佢份量都好足同埋好大嚿 碗粥唔會太稠亦都唔會太稀 食落去好綿 而且煮粥嘅時候應該已經落咗調味料或者湯水個啲 所以碗粥唔會係白粥咁冇味 都唔會食完之後覺得喉嚨好乾涸 所以佢滿足嘅味道係啱啱好叉燒腸 $20望落去佢嘅皮好薄 而且叉燒比嘅量超級多 唔知係咪因為碟腸粉唔係特別熱 所以個皮食落去冇話特別嫩滑 但佢入邊啲叉燒食到有半肥瘦 佢調味料區 都有豉油 唔夠豉油嘅可以再自己加油條 $11油炸鬼就還好啦 佢麵粉比較多食得出麵粉比較厚而且唔係脆卜卜 就咁咬一口都要咀嚼好耐 單食嘅話就一般般 如果浸落粥度嘅話就可能要浸耐啲先變軟 同埋比較易咬開豆漿 $11原本係叫熱豆漿 跟住佢直接拎咗凍豆漿俾我唔知係咪聽錯咗 問返佢 佢先話冇熱豆漿 豆漿都係普普通通一支豆漿有落糖都係甜嘅 飲到底都冇話特別沙

今天走過就進去食，先整體來說說今天感覺跟味道整體：一進去員工在刷地拖地，其實時間只是大概10分鐘，這都沒所謂清潔衛生，我都能理解我選了在店中間的位置坐下。抽風系統：重重的油煙味把你的味覺大大減少。味道：今天叫了艇仔粥，之前食的時候質地真水，這次有進步。味道：味道偏咸加上重的油膩味，頂不過10分鐘我就要放棄面前的食物，因為食物味道咸加上餐廳環境味道油重。另一個食物叫了蝦米腸，樣子好看，粉的質感在你口裡面還有是粉粉沙沙的，這是我這次食過的質感😐

早上9:30左右去到得二枱客，我叫了菜乾豬骨粥和炸兩。碗粥得1小嚿豬骨及唔好食，炸兩係凍嘅油炸鬼入面係林嘅，本人一路食…店員一路大聲說話及講粗口，完全冇心機做嘢及唔尊重。唔會再去👋🏻

其實都係想買碗粥食下，試過其他分店(葵芳)，諗住返工公司附近都有未繼續幫襯。粥就無問題，不過啲阿姐就好大問題。落單要A就填B話一樣，其實就多幾蚊，同佢講返就係度話個客嫌貴乜乜乜，其實阻住姐姐你休息未講咯！都明落單要你入機係辛苦事。唔想做生意可以出聲。睇嚟啲阿姐唔係老闆啲人就係店長啲親朋戚友，所以先敢咁做。粥再好食，比啲咁嘅阿姐係度搞，相信都好難留客。辛苦牛頭角鋪留意下！

今日突然想食粥，有皮蛋瘦肉粥同艇仔粥，速度非常之快，不過唔算好熱，油炸鬼都唔算太熱太脆，都算幾平價，同埋服務態度都幾好喎…鐘意食平價嘅朋友可以一試，粥鋪都坐得舒服😌

現金。服務態度：一般，無特別。環境方面：地方細，約十張枱，坐到30左右，但不會覺得迫，有空間感。食物質素：炒面好食，味道適中，但比較油，所以不乾身，肥膩感偏高。豬潤粥厚切，有咬口，有味道，我就覺得好鐘意這種厚度，質感。食過回味。性價比：29蚊豬潤粥，有咁高質係物超所值。總結：有機會，一定要光顧，回味指數高。但留心番雖然佢個名係黃沙，但千其唔好以為起晒黃沙咁跨張，足夠了。下次要再試其他野。好味指數😋

這家粥店的內部環境狹窄，幸好冷氣風大，最適合吃熱粥。鮮鯇魚片粥23元，生魚片以滾熱辣的白粥淥熟，魚肉不會過熟，魚肉鮮甜，粥味清淡。皮蛋瘦肉粥24元，皮蛋白爽口，皮蛋黃惹味，豬肉味道咸肉質硬，粥美味。韭黃鮮蝦腸19元，腸粉滑，蝦肉彈牙，韭黃味道和蝦味道很夾。總結：冷氣風大，食物味道可接受。

看圖.. 外送.. 沒辦法給提醒remark. 店家也竟然不給任何醬油.. 點吃這腸粉. 炒麵是很乾， 只能是合格。瑤柱粥加生菜完全沒味道，以為我問題，叫了朋友幫吃，也覺得完全沒味道

是日星期六夜晚，由於個胃吾太舒服，所以叫粥食，我選左窩蛋碎牛肉粥加生菜絲，送到黎見到隻生蛋打左係上面，生菜絲有d少，但估唔到有好大舊皮蛋🙈份量都足夠嘅，但食到有味精味。男朋友叫左狀元及第粥，都好足料。粥嘅感覺比較稀。我地另外叫左份炸兩，都幾大份，有三條咁多，包起入邊嘅油炸鬼送到黎都仲熱仲脆，腸粉皮都唔算好厚，另外有一袋豉油，一袋麻醬，同一袋甜醬。呢個幾好味😋但係有d可惜,匙羹同筷子都係得一份😂😂

呢間粥店一向客似雲來，皆因食物有質素，好味道。生滾粥、腸粉、油器類選擇好多，啱曬唔同客人嘅要求。今日又想食粥🫕，就再幫襯😆今日order左生滾鮮牛粥，&牛脷酥。生滾鮮牛粥一如平時嘅水準，牛肉嫩滑，唔會韌，醃到入味，有7-8塊。粥煲到好棉。加埋羗、蔥，好好味。粥熱辣辣嘅，而家天氣凍食就啱曬我喇🥰牛脷酥好大件，好香脆，啱曬我口味喔😉

開業咁多年，粥品越嚟越退步，材料少味精重！（但keep住加價） 之前都值得一試嘅炸兩，今日簡直不知所謂！成碟炸兩彷彿放左全日先賣俾你咁，又凍、又林pat pat,極度難食!! 最抵死嘅就係同阿姐講，佢完全冇比回應，好似聽唔明廣東話咁！根本費事睬你～ 同佢講兩次、兩次都完全唔理我，望都廢事望～ 好明顯就係平日接受投訴實在太頻密，佢都費事處理！咁樣做生意，真係好難會返轉頭再幫襯～何況食物質素差到咁，唔回頭一啲都唔可惜！

半夜十點幾，放學身處觀塘，想話買外賣俾女友小熊，望哩望去，得大師傅比較吸引，於是買咗個碎牛粥，皮蛋瘦歸家，加多條油炸鬼同咸肉糉.優點：1) 成夜晚十點幾都重開門營業，辛苦哂啦！2) 油炸鬼仍然脆口.3) 咸肉糉無咩扣分地方, 份量正常, 豉油帶甜唔會太咸.4) 碎牛粥牛肉份量足，依家好多時食碎牛粥，牛肉少得可憐，所以要獎勵一下大師傅.有待改善：1) 叫佢多蔥，無特別加多.2) 我自問重口味,都覺得粥底過咸, 所以... 俾唔落滿分.

我想講服務態度超級差 夏天入店舖超x熱， 幾個客人一齊同店員講 都無用！話自己覺得咁就夠！ 我想問你間舖係開俾客食定店員，真係笑左服務態度勁串！ 老闆好心留意下la 淨係開一邊冷氣 另一邊熱到hihi🥲 定係想夏天執笠，冬天先開返啊！