大廚家餸

營業中

休息中

開頭睇佢有咩餸嘅時候就有啲驚喜，估唔到雙餸飯都會有炒蜆、聖子呢類海鮮選～條班都幾大條～🐟講返啲野食先～聖子唔會靭，夾埋啲蒜蓉係好食嘅～🧄估唔到食雙餸飯會有聖子食～有驚喜～蕃茄炒蛋啲蕃茄唔會酸～🍅甜甜地又係幾好餸飯～🍳另外個款豬肚雞嘅味道好似係出面食店食嘅雞煲咁～雞嘅味道係濃郁啲，豬肚就係爽口唔靭～後尾咁啱食到都有唔少香料係入面，似係有認真有心機煮嘅呢間野～美中不足係雙餸飯嘅共通點，啲野唔會好熱～如果咁啱遇到佢啱啱整出黎，相信係會再好食多啲～

一開始講左要三餸少飯個阿姐都覆左我一次三餸少飯，問我要咩餸但佢就拎左一盒預先裝好嘅飯，冇減返啲飯落去個兜，平時其他阿姐或者其他鋪頭都會減返啲飯，我真係唔想浪費食物！叫佢減返啲飯我食唔曬，佢又唔肯，態度又差但佢冇減到仲喺到催我揀餸。本身呢間野啲餸份量都OK今次唔知做咩比勁少餸。塊肉餅同菜嘅份量都係平時嘅一半，平時肉餅有手掌大，今次得半隻手掌都冇！！！！好失望。永久blacklist!以後都不會再幫襯！！！