大快活 (偉利商場)

營業中

休息中

長腳蟹意粉呃錢,又唔好食!什麼長腳蟹, 將一條幼幼,短短的蟹腳斬成幾小段,就化身成幾支蟹腳, 意粉已經麻麻, 蟹腳又冇咩肉食, 以三十幾蚊既價錢, 又唔包野飲, 又唔係好食, 認真呃錢!

2007年7月10日。大快活。知道有新出，與另一半馬上來試試。1．長腳蟹意粉($37): 意粉真的做得很出色，蟹腳都有蟹味，咁價錢咁質素，好多高級餐廳都比唔上。2．菠蘿咕嚕肉套餐($37)：另一半未食過，所以再叫。菠蘿咕嚕肉飯:今日的咕嚕肉賣相不錯，但有一些則不夠鬆化，有點乾硬和汁有點太甜，但overall都OK。粟米魚肚羹：很足料，可以減一點鹹度。

(7/7/07)美國炒蛋早餐(配魚柳),炒蛋極滑;吉列魚柳大片,仲很有魚味!多士亦頗厚~即磨咖啡,都好香啊!整份份量o岩o岩好!等待期間見到一罐罐的「阿活專用淡奶」,感覺很用心呢!還有見到,長腳蟹意粉等等的廣告牌,實在吸引。大快活進步得很快啊!

餓冧生熟牛河餐配青檸soda,唔錯,牛肉都幾tender,個湯都ok,不過係外賣,返到office已變熟牛. 下次想食生熟牛河時我會行上D去明珠食!

試了新的粟米魚肚湯餐.作為主打, 粟米魚肚湯著實不錯. 粟米是大大粒的, 魚肚也像樣, 湯也做得不錯, 不是普通跟餐的西湯, 值得一試.反而餸較為失色: 紅燒班腩太油, 班腩很細; 沙薑雞是超級雪雞, 雞肉完全入不到沙薑味.大快活的水準, 是如此了.

真是太喜愛食海南雞飯,所以逢有地方賣,我都會揀黎試,未食過大快活的,當然又要試一試其實我不愛吃雞,只愛吃油飯,但大快活的海南雞很好食,又香又滑又有雞鮮味,真是太意外,但個飯就真係唔得,無香味,可以話幾乎乜味都無,見佢黃黃地色重以為好好食,真係有點失望!

間唔中lunch都黎呢度食，尋日叫左個豬柳菜飯，真係好唔得，全碟野都好油，d豬柳好多肥糕，連d豆卜都超多油，唔知點解連個菜飯都好似好油...上次食過佢既擔擔面已經出事，都係佢既焗豬扒飯，以前有開既野比較穩陣！不過大快活既凍咖啡係好好飲ga！

去大快活食Lunch，叫左個黑椒汁雞寶牛柳火腿扒飯(連飲品)，見佢咁多餸，緊有一樣食得啩～～～從未食過雞寶o既我，第一次食，原來係由雞肉碎加少少豬肉碎撈成，唔知係咪我unlucky，食正件好大"jum"雪味o既雞寶呢？其他餸都OK,食倒。不過想再試呢個Lunch都幾難囉！

有一天早上公司水靜河飛，沒有急的事務，我的靚太老闆，「殺有介事」的致電問我午餐的安排，其實我是橡皮肚，吃多幾餐又得，唔食又得，她問到我便答怎麼樣也可以，她說十時許吃一個早餐，午餐便不用吃，又可省錢，又可減肥。我從來也相信如果你越想減肥，便越肥。女子如我，終日說要減肥，但見到美食，又不能忍，簡直「踄氣」。我回答說沒有所謂，怎樣也可以。所以我們便到了公司對面的「大快活」吃便宜早餐，我點了普通的腸仔及煎雙蛋，加奶茶，老闆點了火腿雙蛋及奶茶。我很少這個時候吃早餐，也怎少到快餐店吃，要吃都會到茶餐廳吃，因貪奶茶比較濃及好味。拿了兩套早餐，到了坐位後，看一下兩份早餐幾乎一樣，看旁邊的人吃的也差不多，只是多了通粉。我先吃蛋，是半生熟的炒蛋，不像其他的地方，蛋老是炒得太熟，太硬。蛋是嫩及有蛋汁，看看其他人的也是這樣，不是偶然啊！吃起來，跟大酒店的1百圓以上的炒蛋早餐有得比。厚多士也不是放了很久，已經不成多士的那種，好呀！吃東西及煮食是一樣，要有心才可以煮得好食，食得有心便可以吃得開心，很欣賞一份10來圓的早餐有這樣的水準，當然今天的快餐店的奶茶已經比前進步了，咖啡也下了不少功夫。這樣的價錢，有這樣的水

牛腩好好食,但薯仔好生,肯定是冇比咖喱炆過,好似用咗滾水煮熟再加上咖喱汁,一點都唔好食。

放完大假返工超多野做,lunch都草草了事,去食快餐,喱個鮮原茄系列o既煎焗雞扒飯都唔失禮.雞扒為開邊雞脾肉,失望.肉質較硬,但都算皮脆.最正算係個原隻蕃茄,超大個,去皮,食落相當新鮮可口,唔算太酸.個汁亦好正,蕃茄味濃,雖然應該用蕃茄醬整,但都ok,送飯一流.尼個餐淨係食蕃茄都值回票價.

今早同朋友來食早餐，自己叫了個糯米雞加熱奶茶的早餐。其實自己不好奶茶，不過見人人話好飲咪試下囉。加了包糖試飲了一啖，幾滑，不過個口鞋。好勉強先至飲完，下次都是飲檸水好過。個糯米雞亦都麻麻，糯米好一般，冇味。食到料時，就見到好似叉燒飽的顏色，味亦一樣，不過淡左少少。料有一隻薄冬菇、半條短有好多肥膏的臘腸、一隻冇味雞中翼、一些碎豬肉和冬菇絲。整體只可以講食得好飽，不過下次來一定不會再食這個餐了。

茄味算濃，個汁好味不過份量太少啦，飯或意粉都係得少少，女仔都未必夠飽。而且偏貴，廿七蚊又冇野飲唔可以成日食

我已經愛上左呢排大快活既鮮原茄~我係去cwb果間,今次食左雞塊~同跟意粉,個意粉好驚喜,因為佢唔軟身,仲有咬感,唔錯~個鮮原茄都係咁好食,個汁好好味~而d雞呢,我唔食皮,所以切開左入面d肉黎食,好嫩滑,好食~食完好滿足~^^~

尋晚一條冷走去試, 真係成個茄比你, 個茄好完整好鮮紅,仲好甜呀. 配意粉, d意粉唔會浸到肥晒, 仲好爽口同香. 我揀左原茄炸雞, 係即炸架. 配埋杯咖啡真係無得頂.以前好憎食大快活的,但係見住佢有好明顯改善,生意都好似好左.證明肯用心做真係有回報嫁!