大快活 (已結業)

留意到大快活新推出了「美國牛肉黑松露溫泉蛋意粉」，雖然都知道快餐店的牛肉質素好極有限，但基於好奇心下，都找一個中午來試試這個慢煮牛肉。由於午市時間太多人堂食，所以只好買外賣回公司吃。打開外賣盒見到有5件牛肉，一隻溫泉蛋，少許黑松露醬及配菜。一開盒時，未食就先聞到黑松露醬的味道。先試一口牛肉，的確是比普通煮法的牛肉軟滑，肉味是有少許但不明顯，始終只是40元的意粉絕不會用上靚牛肉。溫泉蛋稍為熟了一點，若能多點流心就更好，加上鹹鹹香香的黑松露醬吃也不錯。意粉當然不是al dente，但也不會過淋，依然有咬口。可惜是整個意粉沒有其他汁醬，在吃完了牛肉之後，變成「乾啃」意粉，這一點要改善一下。

又係放工後的晚餐.本身想吃泰國菜, 可惜見要等位 ( 仲要岩岩入哂唔覺有人埋單...)我們一向偏向唔駛等位,最後決定去大快活打邊邊!見佢新出左個火鍋拉麵, 決定一人一鍋。1個要牛1個要豬, 另外加多碟豬、餃子同生菜,以每人$6x 呢個價錢黎講佢都不過不失既,不過最後食個拉麵就一點都不特別. 我寧願佢比番包烏冬我喇...

星期日同友人行完山時間尚早就去食埋個下午茶先各自回家休息.友人叫左個蜜汁燒雞翼+迷你餐蛋即食麵我就叫左香脆豬扒包+碗仔翅見到友人既食物都幾對板, 起碼餐肉唔會好似紙咁薄又略為煎過, 賣相都好吸引.我份茶餐都同樣做得唔錯, 豬扒包既麵包有烘過,所以帶微暖脆口而且豬扒亦醃得相當入味, 反而碗仔翅只能說中等不算特別討好.此店地方都算大就算星期日客量都算多既時間, 搵位都算容易.

下午四時，店內顧客頗多，我們二人看到近收銀處的梳化位有吉桌椅，馬上去坐。店舖設計實在不太理想，每張梳化相距甚少，感覺非常擠迫，要坐下來都要很小心，否則很易碰撞到旁邊的顧客。我們吃了～迷你燒豬頸肉湯金邊粉：豬頸肉味道一般，金邊粉份量不多，好像浸了很久，有發漲的感覺。湯底主要是那堆酸菜的味道。迷你叉燒飯配陳皮紅豆沙：叉燒肥瘦均勻，可惜只有數片。那個碗非常細小，飯極少，雖說是迷你，但也要$22，份量實在太少，感覺很昂貴。至於紅豆沙，不會太甜，有陳皮味，味道尚可。