大快活

營業中

休息中

頹頹地懶得岀街，去大快活食快餐，點咗佢哋嘅鮮茄焗豬扒飯同粟米肉粒飯，但整體感覺都唔算太好，味道一般，份量普通，價錢亦都唔平。鮮茄焗豬扒飯嘅豬扒煎得有啲硬，而且鮮茄同芝士嘅味道都唔夠香濃，焗得有啲乾，飯粒都好糊口，味道平平。粟米肉粒飯嘅粟米味道都唔夠香甜，而且肉粒都有啲硬，飯粒亦都好普通，味道一般，並無什麼特別之處。餐廳嘅環境都算舒適，座位間隔適中，不會太擠迫。總括而言，大快活嘅鮮茄焗豬扒飯同粟米肉粒飯味道一般，份量普通，價錢有啲貴，服務態度亦有待改善，唔太值得一試。

大快活食個晚飯，叫咗一個酥皮麻辣雞鍋$57蚊， 睇圖片就酥皮焗到好金黃又好厚既高度， 好似塊酥皮包住個煲咁，點知現實就一塊酥皮放係個煲上面就完事，成個感覺勁馬虎。賣相真係扣晒分，個餐應該改名叫麻辣雞鍋（送酥皮）。味道還可以，雞有調味有5-6舊，醬汁麻辣但又唔會太辣，易入口。

我喺嗰邊返工所以成日食呢間大快活，但係個收銀成日㩒錯嘢，fine我唔計較，當佢係新人所以間中打錯掣，不過佢知道左都會即刻道歉同幫我改。到去水吧攞嗰時，有兩次好有印象嘅不愉快經歷，一次係去食火鍋（要牛），個經理就比左豬肉，我同佢講返比錯嘢我，佢就成份牛肉掟出嚟，好在我避得開先冇比佢整到成身污糟哂；另一次係食其他嘅餐，嗰次係出漏左我張單，我要走去催單先至出比我，仲要藐嘴，不過隔離嗰個水吧姐姐就好好人係咁同我講唔好意思。食物方面，大快活嗰啲預左放得入口就算，但係有幾次食到嘅咕嚕肉就嗱喉嚨嘅，而每次食嗰啲白飯一係超似食漿糊，一係似生米。不過都有嘢要讚嘅，有個執枱姐姐，每次見到呢個姐姐勁好笑容，令我覺得佢好似想當所有客都係VIP，但係呢幾個月都冇見到佢喺度做，不過佢嘅服務態度真係好好，有機會見到佢好想喺佢面前讚下佢。

早餐唔知食咩好，就去屋企附近大快活！$37.5都幾豐富餐肉火腿通，火腿有兩塊，餐肉一塊，通粉份量適中，個人認為個湯底有d咸多士，返到屋企都仲有小小脆魚柳腸仔茄汁豆！打開個盒望落幾靚仔，係塊魚柳薄左少少，但好脆好好食，腸仔係脆皮腸，正👍🏻茄汁豆都幾多！沙律醬唔係好夠我用黎食塊魚柳，可以附返小小奶茶唔錯

早餐去買左個特價餐$30，再另外加火腿通粉$7.5！出餐位得兩個員工，可能唔夠人手，所以都要等耐小小時間多士因為紙袋焗住，返到屋企已經唔脆！腸仔有兩條，好好食雪菜肉絲米有塊餐肉，雪菜肉絲都幾多！火腿通正常，有兩塊火腿！不過外賣碗細，所以堂食份量會比較多...感覺外賣會無甘抵食奶茶還可以

由於呢個禮拜日日都出街食飯，都諗唔到食咩，所以就喺屋企樓下食大快活。今晚我叫咗咖喱牛腩飯食，估佢唔到有幾好食喎，佢嘅咖喱係有跌跌啦，而且薯仔又好入味，牛腩亦都好淋😍

附近嘅食肆食到悶悶地 ，今日個人又頹頹地 ，最後同阿媽去咗食快餐， 本身打算去美心，最後因為美心冇位去咗大快活。叫咗兩個小菜share食， 椒鹽肉排同埋野菌炒鴕鳥肉。椒鹽肉排好香口亦都好乾身， 以一人小菜嚟講非常大碟，除咗肉排仲有炸茄子， 仲有好多炸蒜蓉可以撈飯食非常惹味！野菌炒鴕鳥肉 有驚喜嘅係竟然仲有翠玉瓜！ 上菜嘅時候熱辣辣， 叫得野菌本身期望佢仲會有雞髀菇，點知淨係得本菇同香菇， 有少少失望。 不過鴕鳥肉炒得幾淋幾香，睇落似牛肉， 但係食落完全唔係牛肉味，感覺新鮮。 不過本人都係鍾意食牛肉多啲以快餐嚟講都算係咁 碟頭夠大唔使50蚊一個餐都已經食得好飽！

以早餐而言，我個人覺得大快活較它的對手好。其他時段，則相反。贏在起跑線，未必有用。我最喜食魚柳早餐，它的對手的炸豬扒則煮得較好。最該讚是麵包，比對手的方包片好，較有鬆軟咬感，原因是保持剛出爐（我光顧的數間分店均是如此）。麵粉質素亦較優勝。我常常會加錢升級為豬仔包，好好享受早晨，好的開始。炒蛋濕潤，亦遠勝對手，份量亦很大，放在豬仔包內食，比豬扒包更好味，蛋香麥香交融。魚柳亦佳，有一片檸檬可滴汁，添鮮味。配上熱咖啡，十分濃郁，提神。好滿足。