大快活

營業中

休息中

又到星期六, 今次去已在旺角絕跡但在圓方出現的大快活. 食過炸魚炒蛋早餐.凍檸茶 - 要加$3, 冇走甜都唔甜及有苦澀. D冰有半杯.炸魚 - 夠熱不算大件 (比翠華), 味道尚可. 炸魚加上檸檬片好有心思炒蛋 - 有蛋汁, 都OK. 環境 - 本以為圓方環境不會差, 意料之外地有好多飛蟻死在近溜冰場座位下, 真係影響食慾 .圓方高消費地方, 冇咗大快活, 收入少D都死.

現在的快餐店, 很多時比起一些餐廳的價錢都不遑多讓, 大快活可算比較平的一間 (比起其對手)這天午餐醫肚, 就在工作的商場裡的大快活搞掂, 豉油雞肶飯, 又估唔到油雞幾好食, 件頭夠大件, 雞肉的肉都合理地多, 仲有蔥油都好有水準! 如果話雞肉又嫩滑又咩又咩就係亂講廿四, 但作為一個我這類打工仔小女子, 呢碗飯已合格有餘杯檸茶就澀左d, 始終係快餐店水準

對於成日都要一個人吃飯,但又勁中意打邊爐的人來說,根本無可能去酒樓/火鍋店幫襯。自從好多年前快餐店推出一人火窩之後,小妹每年一遇到快餐店推出一人火窩的季節時,就必會每一間都食過晒,即使有左伴侶,我都會拉埋對方一齊食一齊評!今年就在OPENRICE寫上食評,老實講,快餐店一人火窩真係一年不如一年,唉~2013年第一間品嚐的是 - 大快活(圓方分店)大快活今年用特色湯底同其他店鬥泰潮冬蔭功蝦湯(內有一隻連殼蝦, 3舊茄子)配肥牛(可選配肥牛+豚肉或者豚肉), 米粉(可選公仔麵), 娃娃菜碎, 兩塊生菜葉, 兩片魚片, 一束仔金菇...$58 (汽水+$5)份量來說,很少! 食埋個米線,都好似食完下午茶咁上下飽肚感,當然可以加錢買多點配料,不過無乜選擇,重覆返上面的配料。湯底來說,應該改名叫味粉一隻蝦湯,根本說不是冬蔭功味道,又無蕃茄無磨菇無香矛,加幾舊茄子做乜勁?最好食應該係個米線,其實和早餐/下午茶食到的湯米粉是一樣,連烏冬都無得擇,大快活慳返好多功夫。我每年俾大快活的火窩評分都係咁低,沒有希望沒有失望,不過今年仲貴左咁多,不求進步仲想賺多D,專心斬白切雞啦不如!

口裏吃著叉鴨飯, 眼睛也看著別人的冰上舞姿, 只要付上$37大元便可得到以上享受(雖然檯的位置是有點自閉, 尤其是在寒冷的冬天, 望著白雪茫茫的冰場, 不過這不是「孤單的浪漫」嗎!?)在水牌選餐時, 都聽到有不同的Bob the builder在交換情報, 通常都是讚燒味好掂, 大家都知揾得錢來志在食, 既然Bob the builder返工辛苦, 午飯時通常會食得好些當獎賞自己, 跟他們尾應該是無錯的!  不過最攪笑就是聽到以下一段對話... Bob the builder :「咖喱腩飯, 凍檸樂少甜。」收銀員竟然正經地回答他 :「我地嘅可樂無得少甜嘅喎~」哇哈哈...我點的叉鴨飯 ... 叉燒屬半肥瘦, 肉質軟嫩細緻, 有肉味但不臊, 醃料亦帶甜；燒鴨只得4丁件, 連皮帶肉, 鴨皮雖然不脆但竟有鴨味, 反而肉味就算淡；白飯與我不對胃, 因為我慣吃煙韌米飯而它則比較鋼條型；青豆多汁又爽脆, 驚喜位竟然是青豆是暖的。  整體大致良好, 職員禮貌又盡責, 抵讚!

到圓方睇戲，入場前醫肚，想食平d的話應該只有大快活。 看了餐牌很久，較吸引的吉列海鮮拼盤定食已售完，惟有轉食滑蛋吉列黑豚扒配珍珠飯$45。 無論相片或實物的賣相是吸引的，不過食落就好有問題... 最大問題是為何不似日本飯丼那樣將蛋及黑豚扒放在飯上面？這樣做未熟透的蛋汁便能混入珍珠飯中... 但望望這個「滑蛋」，因為放在熱鑊中，上檯時那滑蛋基本上已經全熟透，變成「一餅蛋」，而且蛋的面層放了太多鹽，過鹹。 相反那塊黑豚扒夠厚夠入味之餘，肥膏不多，幾乎是啖啖肉，十分好食！ 至於珍珠飯夠黏，是可以的。 那個「滑蛋」實在失分太多，與飯分開上實在多此一舉；幸好豬扒出色，仍能保住一個中評。

這天我用非常期待的心情，再到此快餐店吃一份美味的早餐，結果都沒有失望。每次早上到elements，我都會自然地要享受這裡的早餐。因為，有暖暖的炒蛋很香滑，新鮮香脆的多士，還有軟硬適中的米粉及通粉，當然也不少得金香，濃滑的奶茶。加上，這裡服務員有禮貌，工作效率高。早上客人多時，他們都會不停工作，盡力用最短時間送上食物。享用食物時，有時候更可欣賞到流冰場的花式流冰。相信，只有此間了！希望為這間快餐店打氣，做得更好，員工開心，客人滿意！

這間大快活是圓方中絕對不能少的餐廳，事關它是最經濟實惠、快捷方便的唯一選擇，加上旁邊有一條直達戲院的扶手電梯，是我看電影前快速填飽肚子的好地方，所以說它是圓方中的必需品！是夜我們又到大快活吃鐵板餐，全都是肉類，最適合我和朋友這對無肉不歡的食肉獸。兩個鐵板餐都有：珍寶腸，外層皮很脆，少許油膩；雞翼很大隻，肉質嫩，味道不錯；豬扒有些嚡，豬味不濃，幸而不算很韌；配菜很「頹」，哈！兩個餐的分別在於一個配炸魚柳，另一個配牛扒，炸魚柳比牛扒好味，外脆內軟，而牛則屬一般以下，頗韌，較難嘴嚼。另外有很大碗羅宋湯和餐包，兩者都普普通通，羅宋湯偏稀。整體而言，我不期望大快活的食物要有很高水準，五十元加半小時便吃得飽飽，算是合格喇！

在圓方認真地逛了一圈，有提供下午茶的食肆極少，而有的亦不便宜，臨近糧尾，實在沒錢豪吃了，唯有到最經濟的大快活吃一份茶餐。$22，價錢合理。西多士上有很多奶油，雖然麵包不厚兼略嫌太軟，但味道不錯；咖哩角則不夠脆，只屬普通；低糖綠茶比預期甜，正合我意。整體而言，這頓在大快活的下午茶簡簡單單，經濟實惠。

　　今天來和媽媽在這裏看電影，於是便在入場前吃飯，商場裏似乎只有這一家比較平民化，於是便來這裏吃飯。　　這裏的環境不錯，收銀處和座位隔了頗多的空間，雖然是吃飯時間，但座位仍頗多。而座位的一邊情調十分優雅，有微暗的燈光，而燈泡是蓮蓬型的，若不曉得是大快活的座位，以為是高級餐廳，環境四常安靜。　　我們分別要了咖喱薯仔魚柳飯配熱奶茶以及焗豬扒飯。　　先說咖喱薯仔魚柳飯吧，咖喱汁夠多和夠濃，用來撈飯實在十分惹味，夠辣，吃得出有濃烈的薑味，但薯仔不夠多，魚塊是雪藏魚，因此我並不期望它有魚味，但勝在夠滑。至於白飯方面，勝在夠熱，有西蘭花伴碟。　　奶茶方面，因為太濃，顯得有點苦澀，我喝了一半都喝不下去了，胃部承受不了。　　至於媽媽的焗豬扒飯，首先是夠大碟，而且也夠熱，因為放了芝士，又有豬扒，醬汁有點膩，並且頗鹹。　　以平民價在高檔商場內享用晚餐，雖然稍嫌不足，但我個人感覺還是可以接受。　　

當日同個同事落去大快活食lunch~不過找2人桌也不是太易~呢間大快活幾開方式,可以邊食邊望住個溜冰場.別有1番風味,不過餐廳溫度因隔黎o既溜冰場低溫影響,所以比較凍呀!! 其實個場都幾大,不過桌椅就擺埋晒一邊,我覺得可以擺放得鬆動d,或者再加多d桌椅,望落去餐廳實用面積更加闊落,咁就更好~我點左1客「唔點落味精」的 鮮百合什菌滑雞飯 $32~ 雖然話唔點落,即係點都會落左少少啦..鮮百合什菌滑雞比想像中好吃,食落口唔覺得多油o既 配熱好立克 見出菜o既職員都幾忙..佢地將d餐盤飛來飛去...哈~但我扲碟飯埋位,見到係咩豉油都無... 真係好dry呀.....碟餸都幾細碟....幸好層層疊疊,都唔算少o既.... 除左有滑雞,仲有節瓜,豆卜~滑雞唔算大件,仲有冬菇粒~還不錯吧.....

這天和老公兩口子難得來到圓方，逛完一圈後，看看腕錶，嘩，原來已接近晚上八時半，決定先去吃飯才看電影。原本一早已做定功課，挑選了好評如潮的「稻庭烏冬」或「丼丼屋」，心想這天是平日，應該不難找到位子吧，豈料這兩間食肆都其門如市，店外人龍不絕，就是連網評內喊臉比笑臉還要多的「夏麵館」，竟也同樣擠滿了輪候的食客，真令我倆大感意外。老公向來極不喜愛等位，於是提議到 ThreeSixty 內的 food court 一試，但醃尖的老公又嫌棄那兒座位沒靠背，坐得不大舒服，最後竟然被他發現地下層溜冰場側有間以橙色人形公仔做標誌的「大快活」，食客不多，而且景觀一流，可一邊進食一邊欣賞場內顧客的溜冰英姿，好，就決定在這裡開餐吧。由於這晚沒有甚麼心水，就請老公代為點選食物。與兒子同樣是食肉獸的老公，先點了客份量十足的黑椒汁鐵板什扒餐 ($50)，其實所謂什扒，原來內裡只得雞扒、豬扒及香腸各一。雞扒外皮煎得色澤金黃，咬下肉汁雖然不多，但肉質尚算嫩滑，口感不俗。而被雞扒壓著的那塊薄片豬扒，肉質就較雞扒來得硬實，入口沒預期的鬆軟柔嫩，咬落更有點嚡口，只屬一般貨式。至於長長的脆皮腸，外皮相當有靭勁，要花上一點力

百物騰貴, 要想經濟地吃一餐飯, 談何容易? 不如聽聽我的好介紹, 大快活如果去翠華食同樣的食物, 要差不多九十元了, 不要談扒王之王罷, 我去過美心mX食, 簡直不可入口在圓方找到了大快活, 沒有猶豫就買了一客黑椒汁好味, 不比翠華差牛柳軟熟, 夠大塊薯菜都不錯, 要記住係四十八元一客, 但薯菜很鮮了吃完有點感動, 慶幸香港還有快餐店, 且有水準

{ 給先生投訴左一輪唔寫食評... 的起心肝__寫下大家一生人一定會食幾廿次o既大快活!!這兩年越來越多人去西九龍睇煙花__結果原本諗住會有好多位剩　ｏ既大快活都要等位了呢一日係圓方有史以黎最多人o既一日..=="去大快活基本上唔駛睇餐牌都知自己會食咩 哈哈 先生未坐定就已經同人講要焗豬扒飯~ 我再去睇一睇餐牌......好地地一個粟米肉粒飯都要 35蚊!! 新年冇計啦~結果決定叫2個加定最少o既餐__焗豬扒飯同 咖哩厚切豬扒飯排左成3個字終於有得食 ~~先生係咁餵佢個焗豬飯俾我 ..可惜我出盡力都咬唔開塊豬扒...又會咁硬o既不過個飯勁多茄汁 同大家樂比 就係少左兩o舊波羅哈哈 都算好食__保守之選至於另一個 咖哩 件豬扒就好食多了 就係幾厚唷!!! 可惜o既就差左d 咖哩___點解會咁杰o既~~ 如果稀留少少就好極啦~2個人食左80蚊到 圓方真係最平架啦~

今日放假,做了很多事情,其中包括約了阿MING & SHIRLEY去 Element食晏...阿MING提議去大快活,他說這間大快活的東西算好吃了.而且..我想價錢算是這個商場中最低價錢吧.其它動輒 六七十元...太貴了,但間中一餐半餐也半沒所謂.其實...快餐店的東西算是最平,但一個咖喱牛腩飯跟湯也要40大元,...也不算便宜...不過也沒辦法,物價高漲,什麼也加加加..咖喱有大辣,中辣和小辣,阿MING幫我買了中辣,中辣奇實也很辣,我看如下次再叫,小辣就夠了.白飯方面,份量算少得可憐,而這裡環境舒適,地方算大,容易找到位置,是不錯等候朋友的地方.

在等一口子的時間，很餓　蜜汁雞脾　很惹味，雞皮乾身有點跪，怕肥的一口子也要連皮吃肉質一般，不鞋也不嫩，正常尺碼的雞脾。　紅豆冰 雞脾好朋友，紅豆蓉和椰汁的比例ｏｋ，冰塊不多所以不會沖淡椰汁的味道。紅豆大大粒，紅豆蓉攪拌後會椰汁融為一體 ,好味=)!!!!!　辣肉碎米粉肉醉不辣，肉醬也夠多，不會太淡。但碗太平面太闊了，很難用叉去吃啊好野　$27 !食飽去睇戲但elements 這間選擇較少，沒有奶油豬豬ｓｅｔ