大快活

營業中

休息中

Jan 10, 2009 (Sat) ~ Breakfast今早天氣好寒冷 10C左右 , 所以又嚟試吓第款粥暖吓喇 !記得上星期有柴魚花生粥 , 不過今日無得賣 , 見到好多人食炒米粉 , 所以今日都想試吓 !於是 CK 買咗份皮蛋瘦肉粥配炒米粉俾我 , 佢要咗一份糯米雞配熱檸茶 .今早個粥好多料又夠味 , 好明顯改善咗 ! 但碟炒米粉就好硬 , 真係無辦法食 ! 好似綱線般 , 好明顯浸唔透 , 有待改善 !集團式糯米雞跟上次一樣 la , 杯熱檸檬一般餐廳咁 , 不過不失 !一間連鎖快餐店 , 唔會期望太高 , 不過質數應該可以 Keep 得好 D !!!

Jan 3, 2009 Breakfast自從買過幾次外賣晚餐 , 上到樓發覺慘喇 !!! 唔喺唔記得俾呢樣就俾少嗰樣 , 班員工態度又惡劣 , (包括 : 扛錯單的收銀員 , 入單叫咪藍色制服既主管 & 派餐的姐姐)唉... ... 就無再幫襯過 lu !!!因為昨天睇完醫生嘅關係 , 好想早餐食碗粥 , 所以同 CK 又去試吓啦 !反正無試過呢間嘅早餐 意外地發現 2 個驚喜 : 1 . 員工唔知係換哂或早班 , 晚班嘅關係 , 完全唔係嗰班人 , 個個面帶笑容 , 又怏手 , 仲唔會俾錯 tim , 值得一讚2 . 皮蛋瘦肉粥 + 糯米雞早餐 , 粥大大碗 & 糯米雞餡料豐富 , 因為病病哋無咩胃口 , 今日兩個人食一份, 超值不過 ... ... 碗皮蛋瘦肉粥淡到好似食緊白粥 , 咁大碗粥只能好辛苦咁先搵到5~6粒皮蛋碎 & 10粒8粒碎肉 , CK 就話個糯米雞唔及美心MX , 不過都OK !可能知我唔舒服 , 要食清淡D , 所以碗粥好夠清(又無味 , 又無料) , 真係咁貼心嘅服務邊度搵呀 !!! 唔該哂 !!!

終於試到這裡馳名的豬扒包了！可能期望愈大，失望愈大！實在沒有甚麼驚喜！不知是否外賣關係，麵包不太夠脆．．．．．．豬扒是薄薄的一片，是一片而不是一塊。全靠生菜絲和沙律醬，否則便沒舍味道吧！配有蜜糖雞翼，例牌不夠甜．．．．．．＄２２一個下午茶，一試無妨！

２００８／５／４下午茶要儲儲能量才去跑步，簡簡單單要了份炭燒豬扒包走醬﹑蜜糖雞翼及凍綠茶。麵包烘得卜卜脆 + 鬆軟，又夠大個；第一次吃走醬豬扒包，豬扒薄薄的，肉質軟軟的，雖然剩下它擔大旗，味道並沒有遜色到，真的既好吃又健康。蜜糖雞翼夠肉地，蜜糖味很弱，而且好油，如非跟餐上，也盡量避之～人潮和早上的一樣，一個墟。

２００８／４／２０早餐星期天這裡例必人頭湧湧，吃早餐的話，沒有兩人(或以上)來是不可能的，除非外賣…和媽媽分配式去買早餐，差不多20分鐘才可以安坐吃東西。我吃魚柳炒蛋多士拼腩肉米粉，媽媽吃雞扒脆皮腸多士，妹妹就吃牛扒火腿多士。多在市中心分店吃大快活早餐的我，覺得味道是標準的啦，不用多說，不過每樣食物份量都很大啊，魚柳啦﹑牛扒啦，連米粉也很大碗﹗OvO整餐中，媽媽和妹妹狂讚這樣好﹑那樣好，我問為何﹖聽她們’苦訴’後才知道，原來她們每次閒日過來吃，不論份量還是味道，和今天的是完全相反。orz

過了十一點多了，但也提供著早餐。今次吃了蕃茄豬扒通，蕃茄湯濃濃的，很好味；配菜是一大舊椰菜花，還是配椰菜絲更為適合；豬扒很細塊，但以健康早餐來說，份量是剛好了。一心和媽咪及妹妹來吃早餐，怎料媽咪又發癲，在餐廳內大罵﹑大哭...令我尷尬...唉