大快活

營業中

休息中

裝修完好耐末去過,現在裝修比前靚,冇咁老土,早餐選了滑蛋加雞扒加碎牛腩上海幼麵,一杯正常味道奶茶,隻蛋好滑,揾機會要偷師先得,雞扒略細,上海幼麵唔知咩味,因為末食己經比自己倒翻了,怎知待應小姐給我另一碗來,而家知道係人情味+幾好味^^....環境比較多內地人,有Ｄ細路好嘈,唯一可惜.

24.3.2007 (Sat)我揀個紅燒斑塊套餐，包一個粟米羹、一個白飯& 一杯中國茶。估唔到大快活小菜都幾好味，成個套餐份量好勁，我一個人只食到一半，下次可以2個人share。粟米羹唔錯，都夠材料，唔會太稀。白飯夠香軟，且好大碗。紅燒豆腐斑塊好夠味，又多配料，有肉絲、豆腐，好味，又係好大碟。不過，喱間大快活唔係好大間咋，服務一般啦！

之前經常幫襯呢間. 但係近來覺得越0黎越差. 上星期食0左個北菇滑雞臘腸飯, 返去勁肚痛. 星期六又試排骨菜飯, 舊排骨竟然有三分一係生0既. 離譜. 唔會再去.

其實只係想試原茄沙律，但係又一定要跟餐先有，唯有妹仔大過主人婆，叫個餐啦。叫o左一個波菜三芝雞扒意，一般快餐水準啦。至遊原茄沙律，我就覺得幾清新，個汁好好味，應該係芝麻加醋，好香又開胃。其他菜就少d，同埋雪得太凍。如果食快餐又想有3+2(蔬果) 的話，呢個沙律唔錯﹗

如果係簡簡單單食餐飯都Ok，不過價錢方面就貴左D。我建議下午茶時間去最適合，價格Ok 、味道唔錯。

大快活全面禁煙啊, 以後不用怕再被煙霧煩擾.其實喝過大快活的即磨咖啡不下二十次, 發覺間間分店的味道差不多, 可能是機器磨出來的關係吧..拿著即磨咖啡, 兩米範圍內家必聞到那香味,喝下去很舒服,很醒神,味道不差但價錢平更三分二, 你會選starbucks 還是大快活?

呢間大快活，係我去過咁多間之中最最難食既一間！入面ｄ野簡直唔係比人食，人整薯仔佢整薯仔，佢可以整到舊薯仔仲爽過舊蘋果！未到世界末日都唔好再入去食野！