大懶堂 (已結業)

呢期特別愛上飲生椰Latte & 鴨屎香檸檬茶😍 北角呢間新開既茶飲店, 就一次過滿足晒我既願望.呢間新店好方便又易揾位, 一出北角A4 mtr出口就見到. 飲品種類多, 而且款式仲要好特別, 例如仙人掌汁, 我都係第一次見😎不過今次我order 左至愛既<生椰Latte>, 咖啡又滑又香椰奶味, 真係會越飲越吸引.另外仲order左<仙. 鴨屎檸檬>😋 ～ 好fresh 又清新, 絕對係解渴首選推介. 飲完會好想再飲多杯.<冬瓜Latte>都係店長推介, 新穎特別既配搭, 飲落好match好夾. 而且性價比高, 飲品好飲獨特, 絕對值得回頭再飲👍🏻😎店舖: 大懶堂地址: 北角馬寶道28號華匯中心地下2號舖

今日去左北角搵人順便同佢去新開張嘅大懶堂買嘢飲～舖頭出面有幅顏色豐富幾靚嘅插畫，餐牌都有好多款式選擇，我同friend 就揀左以下嘢飲：-小芋圓奶茶-仙鴨屎檸綠-士多多綠第一次飲鴨屎檸綠🤣fd介紹原來幾好飲，有種獨特花香會聯想到係泰國，幾解渴，飲落我都好鍾意，個名好特別好易記呀。小芋圓奶茶就好似食緊無咁甜嘅芋圓糖水咁，邊行邊飲好方便呢！士多多綠係益力多+士多啤梨，入面仲有好多蘆薈增添口感，大大杯。

北角馬寶道開左間新台式飲品，主打檸檬茶同奶茶，之前行過試左杯苦瓜班蘭檸檬茶，班蘭幾香唔太甜，檸檬茶底香，而且有苦瓜粒同綠茶凍，苦瓜粒有咬口偏爽唔太苦，綠茶凍有啲似蒟蒻質地，整體好健康好清新同解渴，我朋友試左杯苦瓜鴨屎香檸檬茶，茶底濃同無苦味，茶味好出，另一個朋友試左青瓜檸檬茶，好清新，3杯飲品都有苦瓜粒，而且佢重有仙人掌汁，適合健康人士飲用，每杯價錢唔貴，維持$30左右，絕對抵過飲貢X，值得下次再試