大戶屋

營業中

休息中

因為朋友推薦，第一次來試大戶屋。環境舒服乾淨，因為想試多幾種菜式，分別叫左燒牛扒拼牛俐定食，同埋五花腩定食。 睇人地食評果然無介紹錯，除左主食，每一樣配菜，包括薯仔沙律，味增湯，蒸蛋調味都非常出色。感受到餐廳嘅誠意同認真，有返日本嘅感覺！五花腩肥瘦適中，每一啖都有油脂的香味，非常下飯。 份量對女仔來講非常足夠。而牛扒係半生熟，入口有牛味。 睇來呢間要成為我地日後嘅飯堂啦，諗唔到食咩都可以上來隨便解決吓。

估不到星期四放工時間這麼多人！朋友先到，拿了號碼票，排排坐等位。等了約20分鐘便有位。店員帶我們到座位，一路行、一路行，還未到，原來這裡的地方超大，座位多，所以看似多人，但其實等一會兒便有位。晚市套餐甚多選擇，大部份都可以單點一個餸，或加$20轉做定食，而我又覺得大部份顧客都不會單點！朋友點了的燒魚定食，賣相不錯。我點了的燒豬腩肉定食好得！雖然腩肉看似油膩，但其實豬油應該是在煎的過程中被渣了出來，香脆的肉，可以說是佐飯一流！順帶一提，這裡進餐限時90分鐘，合理。

This Japanese restaurant always has a broad selection of lunch and dinner set which means you'll always find something that you like.The grilled mackerel is mildly seasoned that it didn't cover the taste of the fish and i like how it's not full of bones and doesn't require much effort to consume it.The sets come with a miso soup, steamed egg and a bowl of rice; the grated yam rice is my all time favorite, the slimy texture mixed well with the rice; i can probably have three of those without orde

走去銅鑼灣滿足購物慾之後，梗係要滿足埋食慾啦，當然係要去我至愛嘅日本食堂滿足下先。依排好多餐廳都有優惠，振興經濟呀，此店當然唔例外有個超值嘅特選燒肉拼盤二人餐。套餐包括有薯仔沙律、黑醋鱈魚雜菜、同埋主角燒肉拼盤同每人一杯飲品。我哋仲追加咗一個刺身拼盤(五點盛) 刺身極新鮮鱈魚唔腥，新鮮，好有魚味，醬汁酸酸甜甜好醒胃見到咁多肉已經非常興奮，因為之前一段時間大多數在家煮食， 以清淡為主。呢個燒肉拼盤有串燒牛舌、串燒豬腩肉、雞肉、燒肉 同埋牛肉。 樣樣都好味，好juicy，特別是牛舌， 勁有炭燒味，一啲都唔un其實呢個燒肉拼盤實在太豐富， 勁抵食，三個細食嘅人士都適合呀！呢餐食到我同老公都好爽呀！

大戶屋係銅鑼灣Midtown 5樓，門前放左一排木櫈，之前諗住黎食真係要等位，但今日好好彩，好快有檯☺️餐廳裝修都好日式，以木色為主，空間感大，唔會太迫，坐得都幾舒服☺️仲可以望到銅鑼灣既街景－－－－－－1. 鹽蔥汁燒醬油麴雞扒定食 4/5燒烤完既肉真係好香，雞肉肉質好嫩同埋多汁，加上檸蜜汁一齊食，非常開胃😋但我覺得份量如果多點會比較好🤣2. 燒醬油麴牛扒定食 4/5牛扒大約7成熟左右，如果客人覺得唔夠熟可以係石板上輕微燒一燒，但我就覺得岩岩好🥰中間仲有少少粉紅色，薯仔沙律都好好食，成個雪糕球咁，好飽🤤

哩度既燒五花腩質素唔錯! 個火候控制得幾好, 有少許焦香味, 但又唔會話好油膩, 而且切開得細細塊, 方便入口, 份量亦都算幾夠另外個沙律調較得唔錯幾有薯仔香味奶亦落得岩岩好, 唔會搞到太漏, 整體黎講唔錯的！

I have heard of this restaurant for a long time but never get a chance to try the food because there are always a long queue outside the shop . Because we went there about 3pm so there is no queue and we were able to secure a seat finally. But there were only very limited choice and we were surprised how little choice of sashimi on the menu. We ended up got something we doesnt really want. Grilled fish and a pot of chicken rice. Both were not impressive at all. I can even say they were a little

// 燒鹽麴熟成五花腩壽司卷 🥓 //流經灸燒過的五花腩帶有少少花椒味 好香口入味　肥瘦分佈平均　油香配埋壽司飯同新鮮清脆嘅青菜🌱完全沒有違和感啊！.// 滑蛋吉列豬扒飯 🥩//吉列豬扒外脆內嫩 隨餐配茶碗蒸同迷你烏冬好滿足呢　燉蛋好香滑出色👍🏻值得一讚🥰.// 角切魚生飯 🍣 //充滿鮮味嘅厚切魚生舖滿整個飯 珍珠飯粒煮得剛剛好.每款定食都只係百零蚊　算係性價比幾高的日本定食～　而且環境清幽　員工有禮貌又坐得舒服👍🏻　可以列入飯堂之選呢😍

今次黎食第二次，想試下招牌菜，所以選擇了五花腩飯的套餐。套餐非常豐富，有一窩飯+1個蕎麥面，仲有一個蒸蛋😀五花腩飯一到，賣相已經超吸引，原來仲有蕃茄和糖心蛋🤩五花腩肉燒得十分香口，肉不會過瘦或過肥，係靚肉！不要看小飯的威力，飯整得好唔好食都係重點之一，飯微微起飯焦，不會過軟身，送五花腩超正！值得一讚，依然係這裡的蕎麥面，面身夠凍兼彈牙，過足冷河。而醬油都不會過鹹，所有食材配合得天衣無縫！男友就叫了另一個套餐，滑蛋雞扒飯，味道和賣相都不錯喔！不過要比選擇的話，都是會選擇五花腩飯哈哈。👍🏻週末時間都多人排隊，早少少嚟就可避免人群。值得一讚，隔離枱倒瀉水，我地將枱都濕哂，侍應反應都算快，立即幫我們轉枱。

環境4分：正常日式連鎖餐廳格局，地方都幾大幾好坐，可以畀四分。衛生4分：枱面乾淨企理，個豉油樽又冇話黐立立，一樣畀四分。服務5分： 聽到服務員講日文，好似好專業咁，落單上菜夠爽手，唔囉唆，態度好，心情好畀夠佢五分。味道3分：大戶屋味噌醬煮烏冬個湯底非常之濃郁，爭D想加D熱水落去溝淡佢，烏冬煙煙靭靭，其他D蔬菜同肉類配料唔算太多，好快就可以食完，味道還可以，三分貨。抵食2分：九十蚊個烏冬一Ｄ都唔平，個問題係食完唔夠飽，所以抵食要扣佢一分，畀兩分。

＄110黑醋鱈魚野菜定食：鱈魚味道一定好，加上黑醋來烹調可以提升鱈，魚的鮮味，但魚的份量不是很多，可以一試。＄120 鯖魚定食：價錢比黑醋鱈魚貴$10 ，但魚的份量十分大，鋪滿整隻碟，魚肉也一梳梳的，非常好味。感覺非常抵食不得不提，日本米非常有咬口，份量亦足夠，如果男士們不夠食也可以叫侍應添飯，正呀！　

大戶屋係香港具質素而價格又合理既日本連鎖餐廳（雖然顏色不詳），之但係次次晚飯時間黎都要等位，真係令人又愛又恨。由於真係太想食日本菜，坊間好多鋪都唔食得，唯有無限翻兜大戶屋黎解引。今次坐低就見到有新既期間限定餐目，鹽燒沖目鯛定食。友人因最近天氣反常作感冒，簡呢個餐就最好不過，清清地食個美味烤魚。不過上菜見到塊烤魚既size就真係一額汗（放心，絕對乎合商品說明條例，只係我地冇為意張圖原來得一舊仔），雖然味道唔錯，魚味非常重，不過略為多骨（係大骨，怕骨朋不用擔心），冇得大口大口送飯，而且上完菜我地十分擔心唔夠飽，好彩我叫左個壽喜燒，大大份兩個女仔可以再share食。新菜色總括而言味道不錯，不過下次要再追加d串燒刺生會穩陣d先夠飽！

依間餐廳晚上就食咗好多次，未試過食lunch, 因為感覺上會好貴。今日因為想食個間揾唔到位，就去試下。原來佢有set lunch, 未計加一，大約$90一個，係銅鑼灣黎講都算ok。同埋，佢d set 同晚市一樣，都好大份，可以3個女仔叫2份都得。迷你吉烈豬扒飯加烏冬:烏冬可選熱或凍，依度凍烏冬一向有水準，當然揀凍果然同夜晚一樣彈牙。吉烈豬扒飯正常，洋蔥夠甜，夠入味。雜菜豬腩肉: 個menu 話係蒸嘅，初頭見到個買相好似有d 伏 ，不過一食，好好味，好有菜嘅鮮甜味，豬腩肉係薄片，一d都唔覺肥，肉質好 嫩滑。菜嘅份量都好多，依嘅菜有驚。可以encho。炸雞翼有少少南乳味，炸得夠火喉，唔錯。味噌吉烈豬扒定食: 豬扒炸得唔錯，不過如果厚返d更好。三文魚生飯加烏冬: 魚生新鮮，呢個價黎講，魚生份量都唔錯，雖然簿咗d。味噌雞件鍋:買相好靚，非常惹味。炸雞，菜，半生熟雞蛋同個味噌好夾，佢地吸收咗味噌，變得非常鮮甜。味噌湯就算就咁飲，都唔咸，依款餸，送飯一流。

朋友介紹話大戶屋食lunch幾正Ummm.... 食左依次，我未必會再嚟...真心，冇乜興趣🤷🏻‍♀️🤷🏻‍♀️價錢又唔係平又唔係特別好食但午飯時間都幾多人排隊，幾好生意可能環境舒適，坐得舒服掛😅😅😅左睇右睇，叫咗個滑蛋豬扒飯餐牌上唔同嘅飯 或者便當，配有唔同嘅小食/湯等等可以參考返餐牌下面嘅圖示個豬扒飯，普通吉列豬扒外層唔算鬆脆一pat野咬落囗感實實地 好寡 成碗野好咸整體來講 係一個又貴又好無聊嘅午餐

今天刻興和朋友去吃午飯，想找個好地方閒聊一下，選了一間坐得舒服的日本餐廳。餐廳空間感大，有自然光照入，感覺舒適。Set lunch十分化算，我點了一份套餐－迷你豬扒飯配蕎麥麵 (HKD88)，低熱量的蕎麥麵，感覺特別的健康， 適合怕肥的我。蕎麥麵味道還滿不錯，麵質有微彈感。小編略嫌豬扒口感乾乾的，有點柴，不建議大家選豬扒咧，整體味道還可以，下次再來試試他們的魚生飯，哈哈。