大排檔小炒 (金豐商業大廈) (已結業)

之前朋友黎我家，我都幫襯過一次外賣自取，覺得外賣得黎食物都好有質素，今日決定晏袖再戰！我哋兩個人叫咗兩份午餐，分別有小菜跟湯跟白飯。作為招牌菜嘅拔絲咕嚕肉做得非常出色外脆內軟，生粉唔會落得太多，但又將豬肉嘅肉汁鎖住，加上味酸嘅調味，已經唔係一般大排檔可以做到咩水平。值得一題，夾起嘅時候，佢真係有拔絲嘅效果。魚香茄子煲係我其中一個最愛嘅大排檔小食。上菜嘅時候個煲仲係滾架！真係好大排檔！所以雖然唔係招牌菜，但係都值得一試！

天氣好熱，傳統大排檔搞唔掂，呢間完全室內有冷氣，又食到大排檔味道，都算係咁。雖然晚市要做兩輪限時，但d餸嚟得好快，食完都唔使2個鐘。野食唔係大碟，但雞、牛、茄子煲味道都係有水準。

我本身係唔鐘意食大排檔的，但食過依到就愛上左所有菜式都超惹味超有鑊氣！就算平日黎都一定要book枱，日日都座無虛席，而家基本上要一個月黎一次哈哈。仲要果到嘅員工好熱情，難怪咁多熟客。🧡最好食嘅椒鹽九肚魚！佢地拆哂啲骨架～ 超級酥脆香口。必食薑蔥魚雲煲！超有鑊氣， 魚卜外皮炒到香脆，肉身煙韌彈牙，每次都要嗌！超邪惡蝦油粉絲煲🤯雖然好肥但係食唔停口🥲後面係餐牌冇嘅毛血旺，川菜都一樣咁出色！所有都好好食原能盡錄啊😛

我首先講我係呢頭附近住嘅街坊，我上星期4月9號晚上7:00打電話落order，叫咗土魷蒸肉餅，魚湯雜菜煲，菜甫煎蛋角然後我跟住問佢有冇美國桶蠔，佢話有跟住我就叫咗一個薑蔥桶蠔，再加一個白飯佢跟住話20分鐘，我就7:30到達然後入去攞外賣佢話未得我眼見舖頭裏面大約得四至五張枱每台兩至三個人外賣就只有我一單，我跟住同佢講我話喺出邊門口等你然後仲要等多10分鐘先有，返到屋企打開啲餸，發覺個薑蔥桶蠔一陣燶味，包括薑蔥同蠔都係燶啡色，我跟住打電話落去問佢點解啲蠔咁細隻，佢話佢哋都唔知要打開先知都算，我話我唔係第一次幫襯點解啲蠔會咁大浸燶苦味，佢同我講話要沾粉炸，我話炸會有浸燶味嘅咩，佢跟住問我想點我話我只係想你哋跟進跟住佢話你攞返落嚟退錢，我跟住答佢我話唔係個個客走咗都可以返轉頭退錢，跟住佢都係嗰句想點我都係嗰句要你哋跟進，我再講我哋係街坊唔係第一次幫襯，跟住佢答我你唔嗌咪得囉，跟住我同佢講你打開門做生意係咁嘅服務態度嘅咩跟住佢冇出聲收咗我線，我只係想喺度講一間舖頭咁嘅服務態度如果有人睇到我依一段文字請自己衡量

最近發現新「大陸」繼「楚撚記」後成為我同老公既新寵飯堂🤣🤣 -我哋試過一個星期幫襯三次 真金白銀比錢架 唔係收錢賣廣告😂 鐘意小炒夠穫氣 蒸嘢火候剛剛好 大排檔風味 茶餐廳格局 感覺乾淨d 坐得舒服d 食得安心d咁啦 😉 而且呢度係無收加一服務費架 但侍應們服務都很不錯 尤其係肥哥哥 好盞鬼 又會介紹正嘢食 😜 溫馨提示 每檯都會有一碟餐前小食 滿滿既花生🥜都係ᴴᴷ$5 算係平 不過我哋麻麻哋花生 -瑤柱肉碎蒸水蛋 ᴴᴷ$88呢個蛋真係滑過初生嬰兒既面🐷done啊 🥰 兩字記之曰：「嫩滑」‼️-豆腐魚頭湯ᴴᴷ$138唔好睇佢要成百幾蚊 其實成煲湯好大煲 可以飲到6碗 而且材料都唔少 有滑滑既豆腐 鮮嫩既魚頭魚雲 新鮮白菜仔 菇類 見相都知湯係奶白色 味道非常非常濃郁👍🏻👍🏻👍🏻👍🏻👍🏻 唔鐘意咁重胡椒味既 可以胡椒粉另上 我覺得咁樣原汁原味最正 唔會腥 😋😋-西蘭花炒鮮魷🥦🦑ᴴᴷ$108鮮魷好好味啊 炒得熟度剛剛好 口感彈牙但一d都唔韌啊 仲有唔少西蘭花 韮黃 青紅椒 菇 紅蘿蔔 等等-鹹蛋蒸肉餅ᴴᴷ$88先講價錢的確係比茶餐廳小菜貴 但味道好好 送飯一流啊 豬肉碎選用肥瘦相宜 仲有d冬

叫了三個菜要外賣，結果等了接近一個鐘頭先可以拿走。其中小炒王等的最耐，一路話冇蝦乾要等緊炸蝦乾先可以開始炒....真無語....等度d菜都快凍晒先可以拿走...

差唔多2點開始食飯，星期六日無ABC餐，變左小炒，三樣都幾好食，送既老火湯唔係味精水，小炒王入邊嘅魷魚絲好爽口好脆好似食緊薯片咁，牛仔粒就有蜜糖有甜有咸，三杯雞正常但可以在多啲九層塔。埋單$300有找。.如果第一次嚟可以叫晒比較出名小菜先，晚市好似同午餐個小炒menu 一樣，唔想多人迫，可以星期六日黎試。

雖然個名叫大排檔，但其實入面好骨緻，又乾淨而食物品質就真係keep到大排檔個種獲氣同職員亦超有人情味💛2條友叫左4樣，職員都問食唔食得晒😂由碟前菜花生開始，其實把口就無停過係咁japjapjap放入口，見我地食得咁快職員都問有無咁欣賞使唔使黎夠碟，原來碟花生都係佢地自己出品架！！！！4碟餸分別如下：菜💛唔會太咸，平時唔食菜既我都忍唔住塞左一半入口。硯：幾大隻喎衰鬼 又惹味 骨：招牌野，無得挑剔蠟味煲仔飯：有飯焦，好食啊媽咪啊2個人真係食得晒，明明樣樣都幾大碟下，食到個肚都漲出黎最後食完已接近10點，伙記們係隔離枱開飯，見最香望左下，原來都係食呢個飯不過加左料有鱔🥰 見我眼甘甘伙記比左舊鱔我食😂wa都好味！平時唔揀魚唔食菜既食肉獸表示呢間野係乜都好食，正💛

最初以為「大排檔小炒」係茶記Feel，但去到，原來門面同格局都係小酒家感覺。意想不到還有侍應我的服務態度很好👍🏻前菜已經有驚喜，埋單仲發現原來$5咁平😂，早知叫多碟嘆吓接下來點了胡椒蝦，勁香口，蝦頭都可以食埋，雖然貴左少少，但都值得試一次🥳第二道菜選了頭抽豉油雞，味道適中，雞肉嫩滑，不錯忍唔住試埋個瑞士汁乾炒牛河，炒得乾身唔油膩，又大碟😍👍🏻，最後食唔晒要拎走😂總括然而，鑊氣夠，味道好，值得回頭再食👍🏻👍🏻

小菜系列 – 大排檔小炒🔥前身為深宵酒,主打高級韓式燒肉🥩後黎擴張業務,做埋中菜小炒🥘------------------------------環境: 中式古調設計,以木為主角🌳有圓枱同方枱,適合一家或一班朋友聚餐🎉整體都好整齊乾淨,唔會有油煙感🌝------------------------------食物: 午餐大約$60左右,跟湯同熱飲😲沙爹金菇牛肉 – 香濃味美😋份量十足,牛肉新鮮,唔係一啲劣質肥牛🐮蜜薯牛柳粒 – 超高分之作💯薯仔外脆內軟,再包一層蜜糖🍯提升脆度牛柳鮮嫩無筋,份量又多,CP值爆燈💡蝦乾蒸肉餅 – 肉餅都係大大份😱夠厚身,食落好有口感🌝------------------------------服務: 好主動埋黎落單,因為即叫即炒🔥上菜慢左,都好好禮貌地主動道歉🤭午市咁忙,都唔會催埋單走人🤗------------------------------環境: 7/10食物: 9/10服務: 7/10地址: 灣仔天樂里2-4號金豐商業大廈地舖人均消費: $60 - $100

砵仔焗魚腸 $98 係香港食過最好食既焗魚腸 做法正宗👍🏻有油炸鬼、粉絲等 蛋🍳入口嫩滑 魚腸份量十足 每條都有一定既長度 魚腸處理得好好 無腥味👌🏻有用陳皮同胡椒粉辟味 份量恰當，唔會蓋過魚腸既味道 哩個餸即叫即做 食左一陣都仲熱辣辣♨️好驚喜🤩蜜薯牛柳粒 $118 牛柳粒🐮肉質軟淋不失咬口 啖啖肉會好滿足 可惜牛味欠奉🙅🏻‍♀️ 薯仔🥔無得輸 外脆內綿 口感層次豐富😋外皮炸過後沾上蜜糖🍯甜度偏高 減少少甜度就更正啦 薯仔先係主角🌟乾燒蝦油粉絲煲 $98 成煲主要都係粉絲🍜有少少蛋碎、青蔥🥗係面頭作為點綴 蝦油味道唔算好出 粉絲炒得唔夠乾身 欠缺應有既鑊氣 粉絲質地爽彈👌🏻長度適中、唔會啃親 個人認為粉絲煲整體比較油🍾味道未至於好好食 不過朋友就覺得做得好出色 好睇個人口味🤔招牌水煮桂花魚 $198 魚片嫩滑🐠無骨唔腥 但品嚐唔到魚既鮮味 魚片大細適中 不過份量唔多 只有十數塊  水煮湯底 十分惹味🤤辣味十足🌶麻勁後上 有種越辣越過癮越想食既感覺🖤 配料有豆卜、豆芽、青瓜🥒雲耳等 味道口感均正常 金牌煲仔飯 $256(大) 性價比極低👎🏻餸好少 得面頭既臘腸、潤腸同椰菜仔🥬全部都係飯🍚臘

今次到灣仔吃有大排檔風味既餐廳，一來到店員問我地有冇訂位。我地冇訂，但好彩還有一張枱比我地，叫我地吃快一點，好吧你上得快時，得吃得快呢。我們點了佢地較出名的餸菜，有金牌臘味煲仔飯，拔絲咕嚕肉，小炒皇，黃金鮮魷，金銀蛋白菜仔。仲叫了三支啤酒，買2送1，一定要啤啤佢全部菜都好夠獲氣，夠哂惹味，雖然比外面吃得貴左少少，但呢度裝修好，坐得舒服，都值得食食既，食物相當有水準個人感覺評分：食物味道 - 8/10食物賣相 - 9/10餐廳環境 - 8/10店員服務 - 8/10性價比 - 7/10

呢間位於灣仔天樂里2-4號，金豐商業大廈地下嘅店舖叫＂大排檔小炒＂，餐廳環境乾淨、坐得舒服，侍應服務態度good👍🏻，食物好味，熱辣辣，今日我地叫左兩個餐，一個拔絲咕魯肉👍🏻，另一個蜜薯單骨雞翼😋，一個餸跟一個湯、一個飯、一杯飲品。見到隔離枱食魚香茄子，煲上、熱辣辣，真係無得頂。梅菜蒸海上鮮，碟魚夠份量，一個一定食唔哂，下次我一定要試下，見到都覺得正。每星期會轉午餐餐牌拔絲咕魯肉，送飯一流。蜜薯單骨雞翼，薯仔好好味，雞翼夠入味。👍🏻

💛 大排檔小炒 💛..............................南瓜話平日嘅午餐好抵食 仲有儲印仔計劃🤤不過星期六日就有得給印但無得換 大家留意翻同埋星期六日係無特價午餐menu🤤.🔅想知黃店原因請Dm💛..............................🍽蜜薯牛柳粒 $88（👏🏻8/10）.蜜薯牛柳粒嘅主角一定係薯仔 正到癲🤩薯仔有層脆皮 加上蜜糖同黑椒味食到停唔到口有好多牛柳 南瓜好開心 佢鍾意食牛柳多過薯仔牛柳好腍 不過我覺得有好輕微嘅鬆肉粉味( ･᷄ὢ･᷅ ).🍽鹹蛋蒸肉餅 $78（👏🏻8/10）.肉餅好厚睇落好吸引 有少少好碎嘅冬菇同馬蹄肉餅係走彈牙路線 好似有啲蝦膠咁嘅口感調味啱啱好唔會死鹹 撈埋汁好好食🤩鹹蛋都係正常味 鹹鹹香香果然同肉餅係絕配！...............................🎈 大排檔小炒 (灣仔)灣仔天樂里2-4號金豐商業大廈地舖..............................

雖然我好鍾意食西餐，但同朋友食飯我都好鍾意叫餸share嚟食。大排檔小炒嘅晚市好出色，午市套餐一個價錢已經包左一碗湯、一碟小菜、一碗白飯同一杯嘢飲，平均$70就買到單。今日嘅例湯係花生眉豆雞腳湯，煲得好入味，雞腳都煲到好林。蝦干蒸肉餅嘅肉餅好有質感，唔太肥亦都唔太瘦，我特別喜歡上面嘅蝦乾，夠大隻又有鹹鮮味，而且肉餅本身調味已經足夠，所以都唔使落豉油。黑松露西芹炒蝦仁都炒得好食，而且有菜有肉食起上嚟好健康，亦都唔會好似出面啲酒樓咁吵完就加生粉水落去。蜜椒薯仔牛柳粒，甜甜辣辣，薯仔係炸過先攞去炒所以好香口，反而牛肉我就覺得一般一般因為用嘅牛肉比較瘦唔夠油香味。響呢度食飯仲可以儲印仔，儲夠12個就免費一餐。