大橋頭餐廳 (已結業)

老公約咗我去觀塘食飯，佢話觀塘泳池旁開咗間大橋頭餐廳，食物種類多，今期推介一人火鍋套餐，叫埋我過去試吓，餐廳裝修簡潔，燈光明亮。半自動形式，去收銀處先購買食物，之後會有職員為客人送上食物。一人火鍋，多種湯底中揀咗豬骨湯，湯底濃度適中，火鍋料都好新鮮，肥牛肉質鮮嫩、雜丸爽口彈牙，蔬菜都有幾款，配埋個彈牙烏冬都只係68蚊，好抵食！鐵板雜扒飯配黑椒汁，第一次食飯係用鐵板，上枱熱辣辣，雜扒有豬扒、雞扒、午餐肉、腸仔、薯餅和煎蛋，所有材料都煎得很香，啖啖都係肉，配咗黑椒汁好惹味，重有濃郁嘅羅宋湯餸送。試咗幾款車仔餸：瑞士雞中翼嫩滑，滷水豬腸乾淨冇異味，滷得都好入味，鮮蝦雲吞皮滑餡靚，隻隻都有蝦，爽口！荔枝沙冰、芒果沙冰：口味清香，冰涼口感。鳳梨玉露：同菠蘿沙冰差唔多，只是多了一些新鮮香甜的菠蘿。

今晚陪朋友及佢仔仔係觀塘泳池操水後, 我地去左 觀塘泳池的] 食晚飯。係觀塘泳池出入口旁邊, 十分顯眼。以前的印象, 觀塘泳池的小食店主要小食多, 朋友話我知, 原來雞煲, 火鍋樣樣有, 仲有不同種類的特色食物。真係有驚喜。餐廳光猛整潔, 6點幾入去都有不少食客, 以為大部份都係泳客, 但都有唔少中學生, 甚至附近街坊的, 未入餐廳前見到佢有特餐, 價錢係$30,真係無睇錯, 真係$30(仲包湯),難怪除左堂食, 仲好多人外賣 !餐牌選擇真係多, 有火鍋, 雞煲, 鐵板餐, 台式, 車仔麵, 仲有香港懷舊小食等等……我地最後點了 :1人火鍋 $68車仔麵 (3餸1油麵) $42益力多沙冰 $10 (跟車仔麵餐加錢)荔枝沙冰 $28豬扒包 $28炸薯條 $18西多士 $28等緊食物期間, 見到不少街坊同職員有傾有講, 相信一定係熟客。職員態度熱情, 食火鍋期間不停為我地添湯, 好細心。1人火鍋$68用上豬骨湯底, 有辣汁或唔辣都得。配料好多, 真係唔止一人的份量。牛肉夠新鮮, 菜類都唔少, 仲有彈牙烏冬。車仔麵 (3餸1油麵) $42我地選了韭菜餃, 唐生菜, 芝士牛丸及油麵。3款餸最中

以前去泳池，總會去旁邊的餐廳吃個小食；時移世易，原來現在去泳池過後，旁邊就可以打邊爐！大橋頭餐廳侍應推介一人火鍋，只需$68，於是點了一客來試試看。以一人而言，份量相當不錯，包括多款肉丸、蟹柳、肥牛、蔬菜和烏冬。火鍋內亦有粟米和蘿蔔等配料。火鍋煲容量夠大，肚餓的話，一口氣把所有配料放進煲中，亦綽綽有餘。各款肉丸之中，我最喜歡這款有蛋黃香的肉丸，非常特別，坊間亦很少見。其他肉丸質素亦佳，一次過可以吃到不同種類，大快朵頤。肥牛有幾塊，以性價比而言屬於可以接受的質素。配搭烏冬和蔬菜，這晚吃得真香。另外還點了一客鐵板雜扒飯配蒜蓉汁，附送羅宋湯。雜扒餐用料豐富，包括豬扒、雞扒、煎蛋、餐肉、薯餅、香腸和粟米。上碟時，蒜蓉汁已淋在鐵板上，方便適合免受油煙撲面。這個組合肉香吸引，香氣四溢，再加上白飯，也是一個非常飽肚的選擇。兩杯飲品很有特色，分別是鳳梨玉露的木瓜沙冰。前者甜美可口，後者清新爽甜，當中還夾着果肉，和火鍋及鐵板餐均是絕配。

今日叫咗個鹽局雞湯米線，米線幾好食，起碼唔會林屁屁，有兩條菜，起碼唔會黃咁咁，至於碟雞，一粒鹽都冇，啲油鯨埋一舊舊，啲皮林到一撩就爛，啲肉霉到一個點，仲有幾舊骨，好似前幾晚啲客食剩咁嘅款，嚟晒普，冇影相，冇同佢哋反映，算啦，＄45，以後冇下次！！！

平日下午時間去開附近大樓上堂，就過左對面觀塘游泳池有間幾新開大橋頭餐廳。位置都幾方便下次游完水去食下野先晚上仲可以揀雞煲食下精選推介一人一鍋地方夠闊夠大，而且環境地方好乾淨燈線夠光猛呢的職員好熱心又有禮貌都會同客人傾下計飲品款真係好多..台式都有有車仔麵，都好多選擇兩餸一麵 $38三餸一麵 $42招牌麻辣汁要試下呢個鐵板早餐 $48真係非常性價比高有煎蛋、香腸、薯餅、雞扒、豬扒同餐肉仲有碗湯蛋下面有埋飯，份量真係好多架豬扒雞扒都夠淋又夠入味香芋珍珠奶茶 $30荔枝玉露 $24味道唔會太甜,,但非常好味道仲有粒粒煙煙靭靭珍珠$25 /2隻外層炸衣得金又鬆脆，內層嫩滑惹味可口$18 炸薯條即點即制夠晒熱又脆口食完一條又一條車仔麵$42有3款餸揀了雞翼、尤魚、牛柏葉米粉個湯底好清新$12/6 粒燒賣煙韌口感仲有魚肉味道+$3 仲有糖水食今期係紅豆沙$68一人一鍋蟹柳、肥牛、丸、菜及烏冬調味有鮮辣椒、豉油呢個最岩天氣冷冷就食絕對是性價比高配合清湯底甜大橋頭餐廳觀塘翠屏道2號觀塘泳池

觀塘友想食一人火鍋⁉️可以唔駛淨係去大X樂喇～～可以有更好嘅選擇呢間位於觀塘泳池附近，有車仔麵、港式小食，仲有雞煲、火鍋食添而且雞煲係有質素的「麻辣雞煲」首先要讚一讚呢度嘅店員❤️服務勁好，🍲雞煲一嚟到，就即刻過嚟幫我哋處理，雞煲滾起，先炒勻，令洋蔥芫茜炒淋，然後需要焗一分鐘，令所有材料更加入味呢度嘅雞煲唔會有唔多麻辣湯汁，而係用乾炒嘅方式去整，所以味道更香近濃縮而且性價比極高❤️只係$8️⃣8️⃣真係諗唔到咩理由唔嚟食今次我哋叫左小辣🌶如果食得辣的，建議可以叫中辣🌶🌶另外，如果想打邊爐都無問題，仲有一人火鍋㗎價錢都係$6️⃣8️⃣‼️湯底都可以揀辣or唔辣～～可以食完雞煲再食一人火鍋份量唔夠，都可以額外加份量最驚喜嘅係有多款台式飲品

聽朋友講, 觀塘泳池地下開左間新餐廳, 竟然有打邊爐, 車仔麵同小食, 啱晒一班游水客, 游完水超肚餓, 食餐好的。入到餐廳, 見到好多啱小朋友玩的遊戲同扭蛋機, 老闆真識做, 知道游水客大多是小朋友。見到餐牌有一人火鍋, 只係$68, 而且份量好多, 超抵食, 有肥牛, 大量, 雜菜, 仲有烏冬, 老闆細心介紹, 加$3 仲有甜品, 今日係黑糯米, 唔會太甜, 好滿足呀! 另外叫了兩碗三餸車仔麵, 因好多選擇, 不如一次過叫晒, 叫了生菜底、雞翼、牛腩、牛筋入味好淋。第二碗叫了加麻辣醬, 超惹味, 因為配了鮮魷魚、好入味的滷水豬大腸、牛柏葉, 同通菜底。飲品都好多選擇, 叫了荔枝玉露, 有蘆薈粒, 另一杯叫了芒果沙冰,超大杯又解渴。

和朋友們參觀完在觀塘翠屏道的香港歷史檔案大樓，朋友建議一起吃晚飯，並謂在附近的觀塘游泳池有新開業「大橋頭餐廳」十分抵食。看餐牌果然是街坊價，選擇也不少，由於新開業和配合時令，多款雞煲在凖備中，我們嘗味雞煲要下次再約聚。先嘗：小食~$18薯條，香脆！$68一人火鍋~蟹柳、肥牛、多款肉丸、蔬菜和烏冬，還跟調味的鮮辣椒和豉油。材料很豐富所以是夠飽肚，味道也好，湯底清甜沒有濃濃味精，是超値一人火煱。$45鐵板雜扒飯配黑椒汁~煎蛋、豬扒、香腸、餐肉、椰菜和羅宋湯。又另一款超値鐵板套餐，豬扒肉質很鬆軟，雞扒則厚肉，黑椒汁香濃微辣很開胃。$45鹽焗雞米線~很有份量的鹽焗雞和菜心配羅宋湯，鹽焗雞不太鹽沒有蓋住鮮味是十分可取 。台式特飲：珍珠奶茶、益力多冰沙，我的木瓜牛奶很原味，沒有多添加糖分，質感綿滑。人均消費$78晚餐，多謝好友介紹。

游完水唔想走到咁遠順便食個飯就離開，見係新開特別嚟試吓。未到晚飯時間所以冇乜人，試咗個三餸車仔麵，預期之內。本來想叫豬紅冇，結果轉左牛柏葉。叫咗三個餸，個湯同辣汁其實幾好食，不過餸嘅份量比較少，魷魚只係得三條，牛百葉得兩片，最穩陣嘅雞中翼，竟然有啲唔新鮮嘅味，定係佢用咗啲腐乳嚟調味？唔肯定⋯⋯勉強食落去，希望冇事🫠唔知有幾多人真係會你食火鍋，呢個煲好似幾吸引，下次再有機會嚟游水，俾多次機會佢嚟試吓啦～

游完水，大概7點倒試吓格嚟呢間餐廳menu上有好多小食可以揀，不過好多都暫停😅仲有飯餐可以選擇，唔係幾吸引到我就叫咗粉果同腸粉腸粉即刻俾到我，而粉果佢建議我買兩粒，話蒸要等10分鐘😂😂😂Ok,原來$6係一粒粉果，睇嚟我搞錯咗少少嘢唔緊要，就試兩粒啦腸粉所謂嘅3條，係一個碗仔都裝唔滿嘅份量…可能我期望過高啦🙈醬料好味，但份量真係爭少少而粉果都係用一個碗裝俾我，令我有啲疑惑呢間舖頭係咪冇碟仔裝嘢食，全部都係碗嚟嘅😂😂一啲要求都冇（可能又係我期望高咗啦）而個粉果正常水準，應該係即食包裝嗰啲整熱（見到底嗰啲印痕）Errr，我嘅感想係，不如我去7仔叮即食嘢😂😂😂又平又大份可能租貴，要慳喺啲份量度🤷🏻‍♀️

今日游完水出嚟已經好攰🥲見到呢間餐廳，近近地入去食完再開工！入到去見到都有好多款小食，同埋有車仔麵揀。可能太攰無嘜胃口，本來想叫下小食就算。點知我見到車仔麵原來有菜底可以揀，$35 有3餸（如果3餸麵係要$40嘅），見咁抵就叫咗呢個！我揀咗牛肋條、水餃同埋雞亦。份量都好足夠，唔會hea比兩嚿就算，牛肋有成6、7嚿，雞亦有4隻嫁！🐣加埋菜底同野飲，真係好夠飽。而且呢到唔會迫人走，我食完再坐下休息下都唔會不禮貌對待，侍應仲有時會行埋嚟傾兩句，整體感覺都好好！

觀塘泳池出面開左間新餐廳🍴，本黎無咩期待，有日番工見到門口餐牌有車仔麵好似抵食，35$蚊兩餸，40$蚊三餸，心諗下次可以試吓……咁啱今日轉左3號波11:20前要番到公司，時間太趕又塞車，買唔切午餐見近近地咪過去試吓新嘢，點知有炸雞翼，一份$25蚊有兩隻。叫左外賣一份炸雞翼+三餸車仔麵（生菜、肥牛，豬腸），拎到番公司忍唔住啦，出奇地幾好味，竟然拍得住我自己煮咁好味😋雞翼香噴噴，一啖咬落去有肉汁，炸得啱啱好唔乾身，肉質算滑；車仔麵有驚喜，味道唔太濃啱曬我口味，滷水豬腸炆得好淋味道都唔錯，肥牛又唔’銀‘，菜又灼得啱啱好，下次搵到我既食堂啦，最緊要好味價錢又便宜！另外有碟頭飯好似都幾便宜，3-40就有一個餐，又有鹽焗雞飯手撕雞飯，下次都可以試吓嘅。呢間店夜晚好似係食雞煲，但呢邊咁靜🤔唔知多唔多人食呢？夜晚經過又真係覺得好香噴噴。

真係唔係好明白肚餓想坐低食嘢入到去見到個餐牌正正常常咁一個萵筍絲$52，我諗佢應該都幾多下如果$52嘅話點知大家有眼睇啦份量仲少過譚仔嘅黃金皮蛋，甚至係拍青瓜大家真係要三思先好去呢一間餐廳（侍應擺低碟菜果下我個心真係離一離）我相信李嘉誠有錢都唔會咁樣食….之後仲有$10.3條嘅腸粉，腸粉質素完全係仲衰過snack express ，啲嘢食凍我都唔理佢啦，重點係啲腸粉硬，我真係冇眼睇….我明白大家都要做生意但係唔好咁過分

諗住游水前食d野，見到有呢間餐廳本來入去想食車仔麵🍜同小食🍢點知原來夜晚係無嘅🙅🏻夜晚只有雞煲邊爐，咁既然嚟到，就同個fd叫一個大雞煲大係一隻雞細就半隻雞仲有包一個小食、兩支野飲同甜品等咗大概15分鐘就上煲喇😀煲嚟到時，職員會幫手加熱，大概5分鐘左右之後就食得喇🎉雞煲味道係多麻，辣度適中偏辣❤️‍🔥但好食嘅！因為外邊果d所謂麻辣會麻到你咩感覺都無。反而呢到除咗辣，仲食到其他材料同香味。一隻雞份量都好足，我同個fd食完都飽了，無再叫其他野打邊爐。我地叫大雞煲，埋單$328，雖然唔係話特別平，但總括嚟講都係優質之選嚟😁

觀塘泳池有一個餐廳位，早前易主開了間新店，無意中經過見到都幾多人，而且有很多款雞煲，於是叫了花膠雞煲外賣自取。份量足，起碼最少食到5至6塊花膠仔，而且雞很嫩滑，肉汁鮮味，雞煲湯味濃郁入味。自己在家煲番滾，非常惹味推介！下次可以嘗試堂食或者叫其他雞煲食，估唔到店舖細細食物幾正以後食雞煲唔一定要去太子以前一直食開果間，都可以食這間啦