影片
電話號碼
26131811
開飯介紹
大欖涌燒烤樂園提供任食自助BBQ。由於老闆之一是廚師出身，所以對食品製作特有要求。
繼續閱讀
附加資料
*港式燒烤 二至五 燒烤時間：14:00 - 22:00 全日：成人 $198 特惠* $128 爐費 $80 六日及公假 燒烤時間：13:00 - 23:00 全日： 成人 $278特惠* $168 爐費$ 80 *特惠 身高100-139cm之小童 * 價格於特別假期或節日有所調整，請直接向我們查詢 *泊車平日會員免費 六日假期特別日子$50/全日 *帶紅白酒開瓶費每支$50/750ml以下
營業時間
今日營業
14:00 - 22:30
星期一
全日休息
星期二至五
14:00 - 22:30
星期六至日
13:00 - 23:00
公眾假期
13:00 - 23:00
以上資料只供參考, 請與餐廳確認詳情
相關文章
琴晚同一班朋友三五知己去屯門大欖燒烤場燒烤！Halloween後一天帶埋小朋友👦🏻 派糖，一早喺網站book咗位，每位大人188, 100 cm以下嘅小朋友免費，小朋友就自備餐具啦！有BB餐椅👍🏻性價比幾高⭐️⭐️⭐️⭐️⭐️食物種類豐富，基本上所有肉類都有滿足晒食肉獸嘅要求（我）火爐中間仲可以打邊爐🍲非常啱小朋友食啊！打邊爐食材都好豐富蔬菜面類齊全，湯底係豬骨湯底，可以加其他醬料搭配！場內仲有啤酒吧，特定時間都會有啤酒試飲真係surprise ～環境⭐️⭐️⭐️⭐️⭐️裝修完之後第一次嚟，環境闊落咗好多！啱晒小朋友跑跑跳跳～場內一片綠色草地，有小朋友自備球類活動。天上嘅燈光好似星星咁！非常浪漫～風扇設備同埋廁所設施都非常乾淨！周圍都有大型風扇👍🏻冇噴蚊怕水都完全冇俾蚊咬！場內設有兩部小遊戲機$10一局，啱晒小朋友飯後活動！
繼續閱讀
之前成日去大欖呢度bbq點知有排突然close左好彩最近又重開返襯住開始有啲涼意就約朋友黎燒野食❤️呢度有重新裝修過地下鋪過 爐都全部換曬二合一真係懶人福音😂😂😂😂飲品變左有幾款汽水同果汁係可以無限暢飲仲有茶包可以沖岩曬唔同人士食物方面選擇多左淨係雞翼已經有六款味道仲有不同肉類，丸，菜我個人最鐘意食咗豬頸肉❤️麵類都有幾款個爐依家咁設計真係好方便中間個煲可以打埋邊爐tim不過個火好猛 比較易燒燶
繼續閱讀
今日嚟到大欖嘅燒烤場，上網見到佢係重新裝修過，地理位置都OK，有唔同嘅巴士，落車後行5分鐘就到達場地😆呢個燒烤場會幫你起爐，比起出面有啲燒烤場自己起爐方便，同埋佢有包埋個架比你放食物上去😝而且中間仲可以打邊爐！我諗冬天嚟會更加正 🍲食物區都非常乾淨，我見到職員都不停會清潔，主要都係以雞翼雞扒豬扒燉肉類同埋大量嘅丸類，肉類味道正常，反而食得出佢嘅丸類係高質嘅！有時燒烤場啲丸都幾難食🤣重點係廁所都好乾淨 冬天我會再黎
繼續閱讀
開始有d涼意，星期二收工想bbq就試下呢個場😊 環境真心好正好chill，爐與爐之間距離好闊，地下佈咗假草好靚又好乾淨，整齊又光猛，地方仲好乾淨添，日頭同晚上影相打咭都真係好靚👍 枱面網燒bbq 中間又可以打邊爐，枱邊夠位放小碗同快子真係幾方便，燒嘢食到乾乾地時，滾返個菜，金菇等濕濕地平衡一下都幾好👍係枱面燒烤同打邊爐，個地下都好乾淨唔會踩到d 鞋底有蜜糖痴痴笠笠👍比完入場費就帶餐具用品去選爐，嘢飲方面係汽水機出汽水綠茶，亦有水機出冷熱水，可能係平日關係食物方面覺得種類偏少，數量都不多， 加上剛開爐火勢很猛，食物放底落網好快就燶咗，很難控制，眼明手快要同個猛火鬥快咁😑 要燒到炭火細返才能唔再燶😅
繼續閱讀
餐具按你人數限你，碗、筷子跌左要攞張單去攞過一套，想要個大啲既盆裝食物都冇。攞個時好似當你小偷咁，小朋友手腳論盡跌左兩套，去攞多套仲話要比兩蚊，驚你偷野咁。（仲要你攞個跌左既餐具去換。）汽水唔凍，格離有冰櫃，打開啲冰溶溶地，唔敢比小朋友飲。野食就普通燒烤店啲肉囉，唔係因為屋企人就腳同中秋唔想霸爐，以後唔會再去。綿花糖35 蚊一包，我冇買，唔知自己帶入場得唔得。爐唔好揀最出面，行好遠先到個自助水吧，未去過啲咁既場，同我計兩蚊個紙杯。
繼續閱讀
您可能會有興趣的...