大滿屋日本料理 (已結業)

去左觀塘行街同食放題，大食嘅我都幾喜歡食放題，又可以食刺身都幾正！去到係晚飯時間，都好多人客，等左一陣就入到去，環境都幾靚，坐得都好舒服！刺身款式都算多，三文魚新鮮，厚切我最中意，另外特別欣賞帶子，係大大粒，好有光澤，食落都好有鮮味！壽司方面，我喜歡花之戀，好好味，中間嘅飯吾算太多，我喜歡多醬的，好味，食左幾件！熱食芝士焗蠔都吾錯，蠔吾算細隻，芝士好多，味道加了配料，蒜？等好香口，另外蟹粥都好好，真係有蟹，仲要有半隻咁多，所以粥都好香蟹味，仲有蟹膏，冬天食，暖粒粒幾舒服！

今日有朋友約我去食放题，去觀塘大滿屋食，去到環境装修得别緻用左好多金色既魚去布置，比一陣日式放题地方高雅，之后就開始攞紙點食物，見到有好多新出獨特既菜式，D寿司好有創意，賣相好吸引，如果想試新野既朋友就一定要來試下，刺身拼盘一到，D刺身好新鮮，同埋特别大塊，由其D帶子大大粒，入口啖啖肉，比起一般放题D帶子真冇得比，出面個D好鬼細粒，别外熟食方面天富罗大蝦炸到金黄色卜卜趣，重有一個蟹粥，真有隻蟹係粥係入面，鮮甜又好味，總总括來說是一間有質數既放題

今日請我生日同事食飯，去OPC.地下阿姐派傳單，話今日特價牛肉窩飯$48❗好，我們就上去試一下。上去吾洗等，一坐抵本想食牛肉窩飯的我們。竟被menu其他的吸引了。我一向鐘意食刺身，好就食豪d,三文魚腩黑松露飯$88。我生日同事見我請當然叫一份啦。個餐有罐裝食品，蒸蛋，沙律，湯，重有好大堆黑松露，好香好肥三文魚腩大大件六件。有海膽食完我成個下晝好飽好飽。重有原來阿姐派的傳單有coupon❗冇預訂每個餐都減$5.有一天預訂位每個餐減$10.

來到觀塘區完成手頭事後已9:30pm, 時間剛好碰上大滿屋最平的時段 - 星期一至三9:30pm後入座 每位$178 加一, 埋單每位也不用$200.  這裡款式很多, 刺身、壽司卷物、沙律小食、串燒，甚至飲品 、甜品雪條也有很多款選擇, 再加上每碟份量不多, 壽司size也小小的, 對女生來說最開心就是有quota試多點款.來到日式放題, 第一件事當然要試刺身, 刺身質素以任食來說還算可以.壽司的味道如賣相一樣也不錯, 最欣賞 這裡的飯量靠少, 對任食來講絕對吸引這裡甜品的的骰骰, 想嚐點甜才點一兩款吃吃.大滿屋已食了好幾次, 這裡不像其他的任食放題店坐得好擁擠, 所以試過一班朋友聚聚或是即興二人來吃, 輕輕鬆鬆放開肚皮吃吃.

觀塘又多間放題嚕😆呢間都算坐得舒服 環境乾淨👍🏼😇食物種類都算多😜講下刺身先 好新鮮唔會有雪味 要試下啲帶子呀😍另外啲炸物都好正😁尤其係紫芋波波同紫薯粒🍠叫左好多好多粒😂🤗燒物要推介大家食羊架🙆🏻仲有佢嘅甜品都好多款 有布甸、芒果糯米糍、oreo蛋糕等等😚雖然無啲大牌子嘅雪糕 但可以無限食韓國雪條(melon味最好味😝)🍧

總結: 可能因為午餐時間所以唔使等，座位寬闊，可以好快樂咁享受3小時放題。食物味道，但上菜時間比較耐，不過有咁多時間等下都無所謂。有2個櫃既飲品比大家揀。三文魚刺身厚切，帶子刺身大大舊。味道當然海膽好似溶左少少...不過味道軟殼蟹壽司唔使點豉油都正可能舊蟹柳太大舊，舊飯承受唔到所以變成咁。不過成碟野既味道係超正，其本唔使點豉油都得。帶子串燒ok啦炒牛肉粒不過有幾粒比較“un”，但基本既都係軟硬適中個湯好足料

好耐冇寫食評，突然想寫一下，其實呢個集團期下好多分店都幫襯過，但未去過呢間，於是上去看一下，我選擇時段係5:30至7:30，例牌刺身，壽司，其他燒物，炸物等，比我預期好，可能係價錢$198加一，尤其是我喜愛燒波蘿，正，好甜又厚，其他食物你填幾多件未必同你填嘅一樣，要填人數，呢個價錢你想要怎樣呢。

食物好新鮮 服務好 裝修都唔錯 唯一不好的就係個雪糕係雀巢 總括來講都是不錯的👍🏻加油 繼續改進 相信你哋會長做長有！好少一間自助日式料理 我會留言讚嘅！！！食物出的很快 由落單到出餐 不用5分鐘就到 認真有效率 我哋係食20:30後

今次俾朋友帶黎呢間位於觀塘的日式放題，一入到黎見到第一反應系呢個系酒樓，燈光被一般放題店光猛好多，位置都夠寛。識出煙的魚生船，十分漂亮吸引人，影相打卡必備，夠仙氣！除佐個樣好睇，食落都夠新鮮，三文魚又大又厚。炸物就叫左南瓜同蕃薯，兩樣都甜。仲要左燒雞腎同燒羊架，味道不過不失。蟹粥入口清甜，同埋大大蟹鉗，份量足，食完炸物同燒物可以點黎清下腸胃，解解膩。仲有依家好得人鐘意既海膽手捲，唔大，一啖就可以ko左佢，黎多幾個都無問題。啊，差點唔記得講，呢度啲燒菠蘿都好捧，清甜多汁。

今日收工遲左，成九點鐘！反正都甘遲就唔爭左等多一陣食宵夜放題，第二位只需八十八！諗住甘夜應該無咩人唔洗點等位啦，點知上去去人頭湧湧，啲人塞滿成條走廊！不過好彩大部分人九點半就離座，一次過可以放晒啲人入去，等左十零分鐘姐。 內觀：場內都幾大，職員都多，好快就有人黎收order, 梳化灰白色，好大張同林林地，坐得舒服。第一印象幾好，唔錯唔錯！刺身：去食放題刺身當然唔少得啦！雖然同一時間好多人入座，但交單後好快就上枱！刺身紙上有過十款刺身，有啲未食過，唔知咩黎。所以免得浪費，剩係叫左自己會食既刺身。只刺身船好精美，又有乾冰冒煙，好吸引。刺身幾新鮮，凍凍地，有三文魚、希靈魚、鮑片、大只甜蝦等，因為本身唔多鐘意食魚刺身，都係朋友食多，話魚刺身切得厚身同爽口。飲品：呢度飲品幾多款下，除汽水，啤酒，連麥精，維他奶都有！炸物：叫左芝麻雞全翼同榴蓮炸彈。雞翼好熱，咬開仲有煙出，入味，外脆，好香口。仲有紫芋波波都幾好味，香芋頭味，甜甜地，外脆內軟。青魚黎時有個諗法係，無檸檬既？食落魚有少少酸，應該已落。其他煎炸物無咩大驚喜，都好味既，唔特別講。壽司：叫左幾件，幾鍾意佢料大飯細，一口一件。炙燒三文魚係我至

難得來到觀塘~食大滿屋~梗係要食到大滿足啦！一坐底 tick左自己想食 ge野先啦~wow!好多選擇呢！交左紙，話咁快d野食就黎喇！先來。。刺身！幾件都裝飾得咁靚~個口仲識噴煙呢 lol刺身好鮮甜，味美~仲好冰涼，好爽，好滑！之後就來。。壽司！火炙類的都燒得可口~入口好香，熱熱地好開胃！三文魚新鮮，加上面頭的少少黑松露，好配合，好有香味！元貝加上醬油，更吊起了香味，一啖食好美味！之後來炸物喇~芝麻雞翼炸得香，好正好脆口！蕃薯波波炸得金黃！蕃薯蓉淋淋的，好味道！來到炒物料理~蜆肉炒得香！配上洋蔥，青椒，醬汁。。加起上來好滋味呀！！炒雜菜都不錯，沒有很油，還有菜的清新~加上郁郁下的木魚絲，美味！最後當然要來點甜點啦~當中最值得推介的是牛乳布甸！用上牛牛紋就夠晒心思喇~食啖，好香好濃牛乳味！仲好白好滑~還有其他的芒果卷，泡芙，木糠布甸，布朗尼，拿破崙等都好好味！細細件，不會太飽~可以食好多件呢！

好口痕想食下放題，不過唔單止食刺身，仲有黃金蝦食，出面食一碟閒閒地都七八十，今次放題竟然有得食！香脆口味，全隻蝦被咸蛋黃包圍得好均勻，絕非hea底！仲有泰式鳳爪同生蝦，一次過可以食埋中泰日既菜色，絕對唔會乏味沉悶呀！當然，都有大大隻刺身船啦，畢竟食放題都為左大啖大啖食刺身！刺身爽口之餘仲有返咁上下要厚度，完全唔係薄切！鍋物仲可以揀埋壽喜燒，甜甜既醬汁好開胃！一次過食晒係唔同食肆先可以食到既野，一次個滿足晒咁多個願望，真係冇改錯名！

同fd慶祝生日，大家都想食放題。旺角既日式放題餐廳雖然好多，但之前去過幾間既質素真係一般，尤其係啲魚生唔係好新鮮，肉質霉霉啲，食幾舊已經唔敢再食所以今次想去間價錢貴少少唔緊要但魚生一定要新鮮。聽朋友介紹觀塘呢間唔錯就黎左試。間餐廳好大，環境非常舒適，座位又以卡位為主，好適合朋友聚會。一坐低我就瘋狂劃n咁多件魚生(通常只會黎一半)，上菜既時候真係好surprised，望落好新鮮！點既件數都黎齊不單止，仲係用好靚既盤加乾冰一齊上，可惜我食到一半先醒起未影相，所以得張準備擺落口既帆立貝(超級厚！！)  Tempura我揀左蝦，外面層粉唔會過厚，咬落卜卜脆，可以食到好多件。  燒三魚鮫相比之下就無咁出色，因為入面既肉無咩味得出面層皮有調味料，不過肉質都好滑。  最值得一讚既係竟然有黃金蝦揀！！出面既鹹蛋好足料，食落好香口，比得上係出面食既小炒質素，完全值返個價！仲有點左例牌既各款壽司，中規中矩。甜品方面，我揀左奶布丁，好滑好香奶味，而且就算食完咁多野再食呢個都唔會覺得好滯。  另外仲食左燒菠蘿，落單紙寫住係有機菠蘿，我唔識分，但好甜好香菠蘿味，我本身麻麻地菠蘿，因為好多時食完條脷會好痕好唔舒服

好朋友正日生日，作為好姐妹的我當然約她去食放題慶祝🎉 因為好朋友晚上要同男朋友慶祝，所以食中午市放題 (係咪好識做呢😌)，仲有二人同行第二位88蚊的優惠 ! 無論環境或是食物質素，大滿屋確是令我對放題加了不少分✔入到去餐廳比我的感覺是裝潢富麗堂皇，好像新開不久，不像外面一般放題燈光偏暗，加上中午食🌞 陽光照射入來給人一種朝氣勃勃的感覺!急不及待地點了五款前菜，分別有泰式生蝦 ，泰式鳳爪，八爪魚，螺肉，海蜇撈，個人推介必點泰式生蝦 一般放題很少有泰式生蝦，而且做得出色更少之有少，對我這種去泰國餐廳必定會嗌生蝦的人來說，簡直是一大驚喜，生蝦爽口新鮮，酸酸辣辣，是道不錯的開胃前菜😍😍😍刺身款式很多，第一輪每樣叫少少試下，有北海道鮮帶子，千島玉子，大甜蝦，三文魚，希靈魚，珍珠黑鳥貝等，重點是刺身擺盤有心思，利用乾冰做出仙氣的視覺效果👀整體刺身質素高，三文魚厚切肥美，有溶於口的感覺😋 ! 而我個人最愛的是北海道鮮帶子刺身😍😍😍 每粒帶子很大粒，粒粒中間夾雜青檸片，入口時不會只得醬油味，食落有種清新的感覺🍃另一必試的是其他餐廳少有的珍珠黑鳥貝刺身，而且標明「季節限定」，原來幾爽口 ，感覺類似赤貝

自從食過上次之後一直都想再黎食過，今日卒之有機會喇。唔知由幾時開始，日式放題竟然有泰式野食，由原本得啖笑做到依家越黎越好，越正宗，呢度個泰式生蝦個味道做到同九龍城啲泰國菜館分別不大，亦都算新鮮彈牙，果然係必點推介。 海蝦天婦羅，唔好以為食放題就俾啲炸蝦米你喎，呢度啲海蝦天婦羅隻隻都成五六吋，炸得甘香可口，如果再熱啲一定更加好食姐。玉子天婦羅，蝦啊，南瓜啊，蕃薯啊呢啲天婦羅就試得多，玉子都有得做天婦羅真係未試過喎，不失為一個 good  try。吉列蠔，繼生蝦之後既第二最愛，炸得鬆化，隻蠔又夠飽滿，個炸漿又唔會話太厚，點少少沙律醬真係正到無朋友。芝麻雞翼，繼吉列蠔之後既第三最愛，雞翼醃得入味，皮薄餡靚，加埋香口既芝麻，得左。花之戀人，都係 mini 版嗰吓至得我歡心，三文魚同舊飯既比例黎講..真係前所未有咁多餸。