大滿貫 (已結業)

上星期日去jusco, 因為爸媽話呢度d燒肉都幾好, 所以來試下.點左义燒切雞飯, 燒肉飯, 同埋魚旦河配小籠包.义燒切雞飯 - 义燒較嚡口, 切雞就冇咩雞肉味燒肉飯 - 燒肉皮都幾脆, 燒肉肥瘦相間, ok魚旦河配小籠包 - 魚旦話係自家製造, 都算彈牙; 河粉就較粗, 不滑; 小籠包就真係好一般, 而且偏鹹, 不過只係賣$17就唔可以要求太高!下次再幫襯都係點番燒肉飯穩陣d!

Dinner 食扒餐都係$38....可以跟飯/意粉/薯菜....有餐湯或飲品我食鴛鴦扒拼薯菜朋友食牛仔扒飯味道好ok....好過市面food court..fast food shop...環境好大眾化....同大快活、美心...差唔多

17/9好似好耐無黎過,又諗唔到去邊度食,一於大滿貫啦!今次都係叫咖喱牛腩,今次的咖喱辣了好多,薯仔好大件,只是炆得唔夠淋.牛腩就夠火喉不錯,今次的餸和飯都勁多,兩個人食都足夠啦!因為想飲奶茶就加了2元飲凍奶茶,奶味多,茶味唔夠,所以都係幾一般啦35元吃個飽很抵呢

襯夜晚未夠鐘食晚飯,嚟呢間醫住肚先,叫兩個下午茶餐;肉鬆碎蛋三文治($15) -- 肉鬆都有唔少,碎蛋亦做得幾好味,可惜麵包比較硬.魯水蛋火腿米粉($18) -- 估唔到隻魯水蛋幾入味,火腿有兩塊,米粉幾爽幾好味,同埋都幾大碗.值得一提,這裡的熱奶茶,頗有茶餐廳的味道,值得推薦.

我係樂富街坊，大滿貫光顧了很多次了．食物質素一般．但樂富現在己被領匯搞到冇啖好食．間間食肆相繼執笠．．．大滿貫最好食的，竟是早餐時的皮蛋瘦肉粥，粥綿綿的沒有味精．配上蘿蔔糕．係每星期六早餐必食之選．但要早去才有．遲起身冇得食

星期三又黎開飯,見到新出的清湯牛腩煲,貪新的我當然又試下啦!蘿蔔無試,芹菜不錯,雖然牛腩整得幾乾, 唔太好食,不過,湯都幾清,唔會好油.中式湯係粟子煲瘦肉,唔覺有味精.茗茶一杯 這個牛腩唔啱我口味, 下次再試下其它款色了

21/5/2008好耐無黎呢度食海南雞飯,一於再試下先.今次加左價要$36.今次雞好有雞味,最弊就係多骨少肉.湯係冬瓜湯,感覺唔到有味精,三種醬都唔錯,碟菜正常.36有咁好的質數真係好滿意了

13/2又到此晚餐今次可食到咖喱牛腩飯.咖喱甜甜地唔太辣,薯仔粉量幾多,又夠淋.牛腩又係雪蔵貨色,勁淋.以前有羅宋湯或者飲品,現在只係得番飲品,咪即係變相加左價,唔抵自己以往的食評也唔知道呀

晚飯時間去光顧『大滿貫』，不知何故，埸面頗為冷清，主人與奴隸獸，很容易就找到合心水的座位。而我們揀選了：1. 揚州炒飯配熱咖啡（HK$32）：揚州炒飯是即炒的，但沒有鍋氣。炒飯內加了溫室豆苗，主人覺得比加生菜、洋蔥好。總括來說，味道是唔錯的。2. 海南雞飯、中式例湯及香片茶（HK$36）：海南雞令人失望，雞皮不夠爽脆，肉不夠滑，還有少少霉。至於雞油飯一樣令人失望，奴隸獸還以為自己食的是白飯。滿意的是菜心的份量頗多。中式例湯（冬瓜黃豆蜜棗煲豬骨）夠火候，是這個套餐最好味的食物。

原本想食咖喱牛腩,點知今日改左係咖喱雞,都照食.個餐有羅宋湯,咖喱雞飯和飲品,可以揀汽水或奶茶羅宋湯,好普通,又唔多夠味道咖喱雞,好明顯雪蔵貨色,仲有薯仔.個汁無乜辣味,反為重花生味,我覺得個餐唔係太難食,還可以啦　

下午茶：食物ｏｋ嫁！份量唔會太少，一定食得飽。（女仔）不過最鐘意都係果度Ｄ奶茶，凍同熱的奶茶都好有茶餐廳feel！配埋份三文治／西多士．．．總之就正啦！得閒落去食個tea飲返杯簡直係人生一大享受！！！員工服務態度好親切呀！去過好多次，每次都會有嬸嬸主動來收拾，收拾之前都一定會問清楚Ｄ野仲要唔要，唔會亂收野走，仲好好笑容-^^-不過間鋪Ｄ裝修就真係麻麻地．．．仲有場內比較多老人家．．．唉。

味道一般，服務奇差。每次叫外賣一定要即時check一check，試過要飯俾左意粉，要咖喱汁俾左洋蔥汁，投訴好多次都冇改進，今日仲衰，叫個外賣等左二十分鐘，追左幾次都話就得，最後先知原來漏單。總之一肚氣，只可惜樂富選擇唔多，不過試過今次已後我都唔會再去。

if we don't want to cook, then I will go to there have breakfast with my husband luo! it is home feel and reasonable, it taste is also ok ah!

比其他連鎖快餐用心，味道明顯好過同一商場的美心，份量亦很多！更多相片請參考：http://hk.myblog.yahoo.com/samuel-cheung/article?mid=1003&fid=13

佢背後集團幾乎包哂呢度D食肆做，競爭少水準自然差D，所以好少幫襯。今朝行過隨便間食早餐就入試。$17個早餐有薄牛扒、煎旦、多士及奶茶。雖然唔係好正但樣樣都ok，比預期好。