大滿足 (已搬遷) 新店位置

手卷是一種會令我上癮的食物，至於系點解呢？第一，手卷有各式各樣既配搭，例如三文魚、帶子、蟹柳，基本上你中意點配搭都得，同樣都系刺身，配到難食都有個譜掛🤔第二，手卷系好多地方都有得買黎食，方便度高，不過就絕大部份都冇櫈坐，但如果系好味既話，食完戈下滿足感絕對可以彌補冇得坐既不足。呢間小店既手卷種類基本上同市面上既差不多，但我想講既系，佢show出黎既餐牌系幾清晰，除左收銀機下面既餐牌，亦有掛牆電視show左部份種類既手卷出黎，比客人一目了然。吾好以為一間小店細細間，睇餐牌既人多極有限，咁做冇必要，到繁忙時間戈陣系好多人擠系戈度，根本吾系個個都有機會睇到餐牌，咁做可以令大部份既客人都睇到。今次點左一個三文魚蟹籽手卷，叫呢個嘅理由十分簡單，因為我本身係好鍾意食三文魚同埋蟹籽。手卷份量適中，好多蟹籽鋪左係面，其實點解我咁鍾意食蟹籽呢，我鍾意咬落去嗰種味道同埋爽爽地嘅感覺，真不錯呢。三文魚就有一整舊，口感鮮嫩、滑身，三文魚嘅味道亦好鮮，＄20嘅價錢我覺得幾合理呀。順帶一提，自從葵涌廣場2樓翻新後，真係多咗唔少特色食店。有時我都會去戈度幫襯一啲唔係話真係好高人氣嘅食店，我覺得如果真係好食嘅，就算本

👫嚟到葵廣，見到呢間專賣手卷嘅人氣小店出咗玉子燒，就即刻同朋友仔買嚟試下啦😋 📢 想知邊到有更多好西食？ 吃貨情侶帶你食勻全世界🌏 每日不定時更新喔⭐️一一一一一一一一一一一一一一#三文魚碎玉子燒 <$30>▫️配芝士碎、玉米即叫即整，等左大約5分鐘就有啦～ 拎上手熱辣辣❤️ 雞蛋整得好嫩，一啲都唔老，一切開仲有流心蛋汁爆出嚟🙆🏻‍♀️ 雖然係芝士碎，但入面仲見到芝士拉絲😳 蛋同芝士真係絕配❤️ 三文魚碎係整熟咗嘅，估唔到都幾好味，完全唔腥😋 粟米粒比想像中多，口感好豐富😍 整體嚟講好好食，下次要試埋其他口味！一一一一一一一一一一一一一一👾驚喜指數：❗️❗️❗️❗️（5個❗️最高）一一一一一一一一一一一一一一💑提提你：▪️盒底有啲熱，最好鋪定紙巾係底😘

葵涌廣場嘅壽司手卷店非常之多，但對呢間大滿足情有獨鍾價錢中等，幾欣賞既係海膽手卷！唔腥幾重奶油味蟹子三文魚手卷-普通咗啲，所以都係會推薦食海膽或者三文魚腩！另外介紹嘅係，依度仲有調較好嘅芥末豉油！方便你拎住手卷嘅時候加上

呢間大滿足主要係賣手卷同埋燒玉子既，今晚就試左個龍蝦沙律玉子燒，佢真係有好多款口味，令人花多眼亂！價錢又唔貴！佢個拎野食位隔離仲有一堆醬任人後加！岩曬啲混醬人！😁😁等左幾分鐘就有得食啦！拎上手超級夠熱，直頭出煙！聞到好香既蛋同沙律醬味，相信一定會好食！果然冇令我哋失望，切開玉子燒真係有好多芝士流出嚟，仲有好足料既龍蝦沙律，有一粒粒既龍蝦肉，芝士有拉絲既效果，啲蛋超滑！原來龍蝦沙律同玉子燒可以咁夾㗎！簡直係perfect match下次要試埋其他口味！

大滿足一向係葵芳都好多人幫襯 次次都要排隊叫左個帶子海膽蝦手捲！好似$30蚊度！但入面d料好新鮮！😍😍😍特別係個帶子！個海膽都吾腥 愈食愈香口 ！ 但d飯就相對腍左小小啦😅

看著餐牌想了很久，本來想叫手卷，但最後改變主意點了這個滿足山。魚生堆成一座山，色彩鮮豔又豐富，很吸引。落完單，不消1分鐘，就聽到叫號。心想，咁快! 恕我由這裡開始用口語，實在不能文縐縐地描述之後的感受。行過去拎，見到枱面放左兜野，見到顏色沉沉，「唔係我嘅下嘛?!」拎完行去附近既空位，好疑惑咁望住手上既物體，「明明張圖有海膽嫁」男友指一指，「咪有海膽」係喎，唔好再少了，圖片與實物完全不符。見到佢既顏色，好奇係咩品種既海膽。試在一細啖，少少甜，少少酸，好彩佢比得咁少。再撩下堆魚生，賣相差到連我個咩都食既男朋友都話不如dum左佢。d魚生擺明係切剩既頭頭尾尾，壓實一堆。只見男友三扒兩啖不斷咁食，跟住比返我，「我夠啦，你食埋佢啦」原來佢食哂D飯。雖然D飯好硬，但醋味正常，而且最穩陣。唔想浪費食物，合埋眼吞左大半，已經覺得對得住d魚同八爪魚。本來都唔奢望佢新鮮，但食完之後只係希望唔好肚痛。

放工去到葵涌廣場，有好多食肆，淨係壽司鋪都好多間，真係好難選擇，花多眼亂，最後去到大滿足，見到個海膽雙拼皇，實在太吸引，真係忍唔住啦。＄39由加拿大海膽同馬糞海膽組成。海膽嘅份量都幾多，都算抵食。通常朋友都話"北海道馬糞海膽"的價格係"加拿大海膽"的兩倍左右)。手卷上兩種海膽嘅份量都差不多，絕對冇將貨就價。馬糞海膽睇落去都幾飽滿，色澤也較深。一啲都唔腥。但係本身個手卷嘅份量，比其他壽司外賣店稍為細小左啲。

葵涌廣場越嚟越多人，多人、多鋪頭更加多食店，每個星期六日都擠滿晒人潮，但嘢食多元化，都係一個行街的好地方。今日試了大滿足山，雖然不是太大杯，但入邊什麼海鮮也有，有蟹子、青瓜、蛋、三文魚、吞拿魚........都算係幾大滿足嘅

味道唔錯不過個蝦有啲腥海膽鮮甜啲飯仲係暖 不過個紫菜好林唔脆口甜蝦比想像中大隻我以為係好細隻鋪頭方面剩係得企位價錢合理旁邊有個雪櫃可以買嘢飲整體來講都唔錯滿10分我會比8分

同朋友去左葵芳行街，而我朋友又想食玉子燒，禁岩行到二樓個陣就見到買玉子燒既店大家要留意，買玉子燒係要去旁邊既大滿喜，買手卷個到比錢嫁大約等左三個字，終於有得食啦我地叫左個明太子玉子燒仲提供多款醬料比你添加，不過我覺得佢本身都已經有沙律醬，所以就無再加啦明太子份量真係幾多，玉子係半熟狀態，再配上沙津醬，每一啖都好正，食到停唔到

大滿足除左手卷，旁邊就係玉子燒，注意俾錢都係去返手卷果到排隊嫁。雖然即叫即整，但因為12點幾人流不多，所以等左五分鐘不到，就拎到手啦 旁邊亦有張抬方便食客，抬上提供醬汁俾客人自己加料。今次叫左個鰻魚玉子燒，玉子燒好滑，不過啲醬汁好濃味基本上蓋過左玉子燒既蛋味。鰻魚包左係玉子燒內，另外仲有少量玉米粒，雖然足料，但唔太感覺到鰻魚存在，另外亦唔明白點解咁“多汁”（見下圖）。份量方面兩個女仔share岩岩好，因為仲要留肚掃街，不過個人感覺試過一次就夠可能食手卷會正啲

拍拖去葵廣掃街!!第一站係手卷當LUNCH~! XD食D澱粉質先~去過葵廣都知人好多, 小食店都多啦!!淨係呢間手卷都已經聚左好多人等緊,有等order既小人龍, 又有等拎食物企到東一忽西一忽既人群~由於地方好窄, 又同其他鋪好好集中,所以order左既人都聚晒一齊, 都幾逼....講番食物先!! order左 海膽三文魚籽手卷$30, 三文魚帶子手卷$22即叫即整連排隊都算快, 大概等左10分鐘豉油已經準備好大大枝, 有已經溝左芥末, 有唔辣夠晒方便快捷! 抵讚~!味道尚算OK, 海膽唔係太甜, 不過好在無臭味!三文魚籽細粒左少少, 但整體都係好食既~帶子三文魚都算新鮮~ 收貨啦!! 

同女友share左個海膽花之戀手卷，一拎上手三文魚放到滿哂。雖然只係得面果層都覺得好滿足。有少少不足既係個飯煮得太軟太粘，如果個飯做番硬少少性價比會更高，不過咁既價錢係可以接受既。

經過依過賣壽司手卷既店有好多人排隊！見到好多人都係嗌手卷，同嗌三文魚海膽既多！因為見到太多人就行過圈先再返尼睇，的確少人左，排左幾分鐘這到！落完單都好快這有得拎，我就嗌左個軟殼蟹手卷，落豉油時唔小心擠多左，搞到個底係咁滴d豉油出尼，搞到好狼狽，建議大家要小心d~講返個手卷味道先，軟殻蟹會放左半隻係個手卷上面既，味道幾好，都夠脆，不過可能預先炸就只係暖暖地，如果熱d會更好！而d飯就偏暖既，但塊紫菜係比較軟，正常黎講應該要脆！呢度要扣分！但個手卷平民價$28，有咁既質素都ok既！

28/06/2017第二次來幫襯我就食過饅魚同吞拿魚小卷個人認為鰻魚個個會比較好食可能係因為汁既關係(??吞拿魚個個都等左一陣佢先整好呢個就比較淋唔太食到吞拿魚既鮮有少少筋所以扣左分但overall都ok而家比之前冇咁多人排隊了