大滿足 (已搬遷) 新店位置

葵廣有多間壽司店，左諗右諗，始終揀左大滿足。叫左「大滿足山」先發現原來加左價了，由之前28變左30元，不過都仲食得過嘅。魚生同之前差不多，但今次食得出啲飯好硬，好似冷飯擺左好耐咁......希望有改善啦平日下午6點左右，等左十分鐘有得食。感覺上叫手卷等候時間會短啲。

好耐無黎葵涌商場行街~原來成個商場變左好多~2樓多左一個好多食野既地方~今日食左呢個手卷舖~舖頭外面有幾張枱~~ 有豉油同沙律醬提供~ 好多種配搭既手卷都有~佢叫大滿足山($30)有蟹子, 海膽, 吞拿魚, 三文魚,等等疊到高高, 真係似一座小山咁~用料都算OK~ 不過不失~ 食完一個都幾飽~這個份量這個價錢~ 幾抵食!三文魚海膽手卷~厚切既三文魚~ 鮮甜既海膽~不錯!唯獨紫菜不夠脆, 個飯濕左少少~乾身番D會比較好吃~

去葵芳行街5少得掃街早幾日終於試左大滿足既海膽手卷，本來想食半板個款但佢話冇曬，得加拿大海膽手卷，價錢貴20蚊左右，大概49蚊店員話份量同半板海膽手卷差5多，考慮左一陣都決定試下海膽味道幾好，大淡肉既感覺，但系飯太多同埋海膽淨系得表面有，食完面個d就淨食飯5太中意，如果下面既飯都有海膽會更好都系覺得價錢有d貴

去到葵芳，除左係女人購物天堂外，食都係重點活動！短短幾個月開左n間壽司鋪，但當中最多人買同食，應該就係呢間「大滿足」。之前試過海膽手卷，好食又抵食，最重要係食完無肚痛今次就想試另一人氣食品「大滿足山」即係迷你壽司丼。賣相很好，魚生果然係多到成坐山咁，不過師傅要等幾張單一次過做，我等得比較耐，都有20分鐘以上。有三文魚，青瓜，蟹子等，當然都有海膽。不過今次海膽有腥臭味，比上次差。另外又叫左「帶子三文魚手卷」帶子同三文魚都幾新鮮，飯都夠晒多，不過紫菜較淋。總括嚟講，以呢啲價錢(大滿足山應該係30,手卷就2幾)，食到咁豐富壽司，已經好好。

【算有用心的態度】葵廣不嬲多好野食，今次食尼間，專系食壽司，而且之前已經有媒體介紹過，認真試下先，門面很大個招牌，好易見到多款手卷任你選我最後系選左大滿足山，雖然細細碗，但真系好有份量好有誠意多款醬汁任加最後買醫盒靚既三文魚腩，攞翻屋企與家人分享

陪女朋友去葵芳掃街, 試左呢度既帶子海膽手卷本來想叫全板海膽, 但冇晒可能太多人, 做唔切, 拎上手舊飯仲係暖, 整到紫菜淋淋地帶子食落幾鮮甜, 海膽就冇乜味36蚊都幾抵食!唔洗排咁長隊就更加好

身為一個食客，葵涌廣場RealFoodie又點可以錯過呢，網上話大滿足平靚正，RealFoodie今日就黎試下佢。一去到就知佢生意有幾多，排隊嘅人多到呢。。。睇見menu, 真心好平，RealFoodie點左個海膽北寄貝手卷，都系23蚊炸。等左大概15分鐘左右就出黎啦！海膽同北寄貝真系好新鮮，海膽分量十足，北寄貝都有三片，23蚊真系好抵食，不過因為全部料都系面，冇啲技巧食最後就會食剩飯同紫菜

自勁回味強勢之後，開始有不少手卷的小店湧現，在葵涌廣場已有數間，大滿足就是其中之一，人山人海好多人幫襯，好奇有幾滿足?試下就知了。 螢幕不停播放詹sir來幫襯的片段。 好多選擇，睇下一陣先決定到。 店子隔離有個小小的單位，提供用了醬油及枱椅，方便食用。 海膽北寄貝手卷，$23，賣相不俗，海膽份量適當，味道上不算濃烈，普通，三片北寄貝也是正常水準，壽司飯太多太實，唔多覺有醋味，總覺得，食材鋪晒係面，食晒面層後剩下硬實的飯，不像"卷"的感覺。 燒法國鵝肝手卷，$22，友人的，據聞味道不俗。 整體上味道普通，不過有海膽、鵝肝等食材，廿幾蚊算幾平，試下又冇妨呀。

d朋友成日問我有無食過葵廣嘅海膽手卷。今日終於去買個黎試下，睇下係咪有咁正。順便話埋個食後感俾朋友知。一如以往，葵廣係爆多人。。。買野食嘅地方更爆多人。。。左穿右插先去到手卷鋪。可惜的係竟然無得買淨海膽手卷😞一定要海膽拼另一樣野。。。無得爆多海膽。。。so sad結果叫了個三文魚海膽手卷。塊三文魚超厚。我都係比較喜歡薄切三文魚。厚切太流了。三文魚尚算新鮮，但就沒什麼鮮味。主角海膽，沒有想像中那鮮甜味。但亦沒有不新鮮嘅臭味。只能這說就是普通的一個手卷。但咁平一個，又大個，都算係不錯了。一個手卷都應該會有滿足(飽肚)嘅感覺。

來到葵芳，怎可能唔掃街？最近在葵芳大熱既小食，莫過於海膽手卷。幾乎日日在facebook被瘋狂洗板講左好耐，今晚一於去試試。店舖葵涌廣場2樓的小食區內，見有人龍便知道是大滿足了。排隊買飛不算太耐，之後再等叫#。等了大約5分鐘，滿滿的海膽手卷便出現在眼前了拿到手上急不及待先咬一口，海膽creamy且鮮甜美味，沒有怪味，但略嚴紫菜不夠脆。這個海膽手卷，只賣$32，絕對超值，難怪推出了一段日子仍然keep住要排隊

大滿足 去葵芳除左食野 其實重有指定動作夾糖 係葵芳廣場夾完糖 見近排好hit既板海膽手卷唔洗排隊 所以未食飯既小妹又要試下啦 由於朋友唔太好海膽 所以就叫左三文魚籽拼海膽手卷 三文魚籽頗新鮮，但份量不多 海膽雖然無苦味,係亦海膽味欠奉 可能鋪頭岩岩開門所以壽司飯是溫的 28蚊 可以過下口癮,呃下like既但食完唔會滿足囉

葵涌廣場內不乏小食，今年由其進駐了多間日式壽司手卷店，試過幾間，覺得大滿足都算其中一間最好食嘅，海膽新鮮，味似本地海膽，因為海水味不濃，份量夠多，有一小板海膽，加少許壽司豉油食更好，更帶出鮮味。甜蝦較迷你，鮮味口感正常，質素似平民壽司店食材貨源。壽司飯唔錯，但很少珍珠米，似普通口感，酸度適中，份量算多。紫菜夠脆口，令人驚喜。很多人排隊，流轉快，廚房簡陋，但透明度高，感覺衛生。

橫掂去到荃灣線個頭，就落去葵芳搵食，因為葵芳廣場出名多野食，行左個圈，見到有間特別長人龍既去睇睇，係食手卷刺身日本野既，就排隊試試。買左個海膽全板手卷同海膽帶子甜蝦手卷。賣相其實同餐牌張相係好似既，份量足，不過太大舊，我個人認為其實食落去係困難既，因為d刺身好容易跌落黎。講下味道，首先d飯係暖暖地既，d刺身都算新鮮，冇咩雪味，個海膽正架，冇臭味同苦澀味，帶子都新鮮，反而略嫌甜蝦麻麻地，唔夠鮮甜，但係以呢個價錢食到呢個質素我覺得唔錯喎，仲要夠飽肚。可以再黎食😋

見到好多人都黎食過食評有好有壞終於自己黎試其實平時自己唔多食海膽但哩個 真。好食好甜，完全無腥味或者平時我接受唔到既味道但飯係暖既，亦太多食唔哂我之後聽到有人嗌少飯，下次都會嗌半板海膽 $32

係IG見到好多blogger都推薦大滿足既海膽壽司...決定親身試下有冇咁好食$30半板既海膽手卷真係好足料，飯團上面鋪滿一排排既海膽...入口海膽唔算鮮甜，但又未至於腥既，但質素很普通！反而影相視覺效果會更佳！另外，壽司飯份報量都算多，食完都夠飽，但壽司飯唔夠凍，水準一般！但$30咁平既價錢，算係可以接受！