影片
營業時間
今日營業
10:30 - 20:00
星期一至日
10:30 - 20:00
以上資料只供參考, 請與餐廳確認詳情
今日(5-12-2024 Fri)突然諗起今晚不如煮亞姨買落冇味粉嘅米粉當飯食,問咗老公意見後,佢話買燒鵝髀.哦?!咁好啦,係會夾啲嘅.於是我放咗工後嚟買,因為有佢哋12月到期,買外賣滿$100.00當$20.00用嘅優惠劵,每滿$100.00可以用多一張,我嚟到睇到佢哋重有其他優惠,就係買燒味外賣有85折.咁我問咗燒鵝髀幾錢先,收銀答$90.00,我俾張優惠劵佢睇,問可唔可以用?佢答可以.我亦問唔可以同85折優惠一齊用呵?佢答唔可以.我諗買一隻燒鵝髀加另一啲燒味好,定直情買兩隻燒鵝髀好,最後我決定買兩隻燒鵝髀.當收銀想掰我手上嘅優惠劵時,我就問85折係咪平啲?佢用計數機計,答案係平啲,$153.00.咁梗係用85折買.我俾個盒師傅入住,佢問我斬唔斬?我答唔斬.又問我要唔要汁?我答要.咁就攪掂.我拎上手係暖嘅.返到屋企就預備米粉同菜,煮好食得.兩隻燒鵝髀一隻大啲一隻細啲,食落,口感正常,有少少位好鹹,肥位唔多,OK正常.上次食評係2024年10月17日刊登嘅呢篇:https://www.openrice.com/zh/hongkong/review/%E8%B3%A3%E7%9B%B8%E9%80%B2%E6%AD%A5%E5%92%97-e5732909
繼續閱讀
晚飯去食燒味飯，叫咗半隻豉油雞同埋燒鵝下裝，再加一碟油菜，送兩碗例湯。例湯味甜有味素師傅嘅痕跡，油雞就夠晒大隻，豉油味淡而雞味亦清淡有啲嚡口，但好彩無乾淨淨嗰種口感。燒鵝一般，燒鵝皮韌而肉質亦都唔係咁腍，味道就濃郁有淡淡五香粉味，小店收一百七十八個大洋嘅燒鵝例牌下裝覺得有啲貴。油菜冇油淋淋屬於健康系列，兩個白飯就收錢$12一碗，第一次食到有微微發黃嘅米飯，唔知係咪撈咗少少雞油，但係睇落又唔似，米飯缺乏飯味而軟熱適中。屋邨小店埋單二百九十五唔算親民，堂食唔多客人，但係外賣似乎就多啲人幫襯。燒味飯店樓面及餐具都乾淨清潔，但係出現幾隻烏蠅仔飛嚟飛去，老闆需要立即攪攪衛生滅蟲活動。
繼續閱讀
這間燒味舖是在新冷氣街市，這間其實是一家燒味舖加餐廳，有燒味同燒味飯外賣，店舖就位於街市門口ok便利店旁邊非常容易找到，今天是第一次來，叫了一個油雞加燒鵝幼麵下午茶先有34蚊凍飲加三蚊，份量一般唔係話好大份，味道都唔錯燒味夠林，勝在係環境唔差，午餐就有平有貴50到90蚊都有，認為太貴嘅話可以食外賣燒味飯盒，35蚊單拼38蚊雙拼，都係畀其他燒味好貴幾蚊。算係喺石圍角多咗個選擇，唔使呀我都成日食麥當勞大快活同埋嗰間車仔麵。
繼續閱讀
颱風半日要返. 諗住食過15min快飯趕巴士返工好多人等外賣. 入面都有一個位.伙計有啲亂. 師傅3個. 切野速度慢，可能新埋位唔熟位唔就手。等左10分鐘先黎. 叉燒同燒肉好乾身比柴好少少. 同地盤飯差唔多。本身可能其望高. 失落大最最大問題係冇落鼓油. 同伙計講想要加d鼓油. 佢比竟然俾支家樂牌鮮露，完全唔夾味🫠60蚊食真心貴. 份量偏少. 最後我勉強食晒啲肉. 飯食左一半. 真係太乾食唔落。本來想俾1分. 不過佢新開張. 希望有改進. 食物提升下.
繼續閱讀