大爺燒鵝 (香港仔大道)

營業中

休息中

既然唔識用安心出行，繼續外賣返屋企慢慢嘆～今次屋企事頭婆委派我去到「大爺燒鵝」斬料，上次佢幫襯過燒味都不錯 👌🏼「大爺燒鵝」位於香港仔同我住嘅地方並唔近，阿媽都特意叫我去斬料，一於試吓🤔下午四、五點，門外已經有不少客人等候買外賣，所以離遠已經見到餐廳嘅位置。玻璃櫥窗掛住新鮮出爐嘅叉燒、白切雞、燒鵝，排隊時聞到香噴噴，十分吸引！儘管店內繁忙，店員細心有禮貌為顧客落單，對老人家主動幫手，有耐性抵讚👍🏼 =========================【白切雞】$160雞身漲卜卜肉厚，色澤油潤；雞皮口感爽口，肉質嫩滑有鮮味，皮同肉之間層啫喱，阿媽教落靚雞先有呢層啫喱 😌 雞胸都嫩滑juicy，過關！薑蓉同平時食開嘅唔同，餐廳將薑、蔥blend埋一齊，係幾特別嘅，不過我個人都係比較鍾意傳統做法嘅薑蓉，有薑蔥顆粒比較有口感 😛【蜜汁叉燒】$40叉燒較瘦，不過都腍身唔鞋口！邊邊位有微微燒焦香口，蜜汁甜度適中唔會蓋過叉燒嘅肉味，送飯一流～ 下次記住同師傅講要半肥瘦！٩(ˊᗜˋ*)و店內整潔，食物質素相當唔錯，性價比高，唔怪得咁多街坊排隊幫襯，係外賣斬料好選擇 👌🏼 既然店名標榜燒鵝，下次一於避開高

自從疫情蔓延，都好少外出用膳，今日途經香港仔，行過依間大爺燒鵝，喺門外已經聞到陣陣燒鵝味，再望下個廚窗掛住脹卜卜嘅燒鵝，金黃色嘅燒肉，即刻流曬口水！油雞飯，甜甜豉油，鹵到雞皮入曬味，專登叫雞胸，一d都唔鞋，好嫩滑，而且師傅仲起埋骨！薰蹄海蜇飯，海蜇調味得剛好，好香蔴油味，爽脆口感，而且薰蹄塊豬皮好彈牙，補充骨膠原，配上辣椒醋食，一流！燒鵝叉燒食，一試難忘，燒鵝皮甘香可口，一啖咬落去，滿口充滿鵝油！而且鵝肉醃得充滿香料味，半肥瘦叉燒，甜蜜可口！燒肉皮脆肉爽，原來所有燒味都係鋪内即燒，所以夠曬新鮮！另外，值得一提嘅係，店内依個男店員，非常之有禮貌，因為我地想食多款燒味，佢耐心幫我地分配好，以最實惠價錢，食到所有物品，而且佢不停留意店内食客需要，主動提供服務，咁熱衷工作嘅年青一代，真係值得嘉許作鼓勵！

新店，其門若市。與老人擠；與印傭擠；與學生哥擠…比味道還重要的，應是價錢。早餐一碗燒鵝瀨粉+熱飲=＄28，香港仔區平價之選，比大家樂還便宜。單雙拼燒味飯盒，亦只是＄30而矣!我叫了碗招牌主打的燒鵝瀨粉，有6件燒鵝，切得很整齊，擺盤美觀，味道水平還真不錯，吃得出燒鵝獨有的美味和甘香，瀨粉爽口順溜，雖然份量不算多，我也有7-8成飽，一般女士應該夠果腹，看到有些客人連湯也幹掉喝光。朋友吃燒鴨米粉，另跟餐熱奶茶，只賣＄22一客，鴨也是6件，但切得較大方。跟餐我點了客熱咖啡，一般茶記出品，份量不少，早上醒腦提神少不了的好幫手! 這家小店乾淨衛生，服務周到，性價比極高，回頭客肯定不少。早市、午膳、下午茶時段很多街坊排隊幫襯，去捧場要注意避開這些高峰期。

見到燒鵝店新開張，見到咁多人排隊，今日專登早啲去試下。 估唔到性價比咁高。店內座位空間不多，但好少見到燒味店可以咁乾淨企理。叫咗碟燒鵝 加飯。 燒鵝肥瘦均勻，外脆內嫩，吃落有濃郁鵝味，肉質好嫩滑，個燒鵝汁配飯不太油膩，不太鹹或不太淡，剛剛好。而且碗飯軟硬適中，見到隔離枱加隻鹹蛋，即時胃口大增， 即想加多多隻蛋， 點知賣晒。 價錢和味道贏曬。差不多七點好多人買外賣加餸， 聽到個師傅話已經賣晒全舖頭燒味，原來佢哋啲食物日日清，好彩早去食咋，又多個屋企加餸的好選擇。