大笪地花膠雞

營業中

休息中

上年來過二三次，湯底夠濃味，花膠筒仔有十隻，質素唔差。但今日再來，已由淋滑的花膠筒仔，轉咗爽口的鱈魚膠，問了店員，說花膠早於幾個月前轉了。當然知道在商言商道理，但已經唔係我想食的。依家又少一家想會再來食的店舖。

係旺角partyroom大玩特玩之後唔知食咩，誤打誤撞去到呢間冇乜人講嘅樓上火鍋店試試🤪店內格局比較懷舊老派，本來對佢嘅食物冇乜期望，點知係喜出望外🥰店內有大魚缸養住新鮮海鮮，好似象拔蚌、聖子、花竹蝦、龍蝦等，配埋超足料嘅招牌花膠雞鍋，配搭一絕，絕對係旺角火鍋店嘅hidden gem👏🏻值得推介👍🏻🥘大笪地花膠濃湯雞鍋 $268 半隻半隻都已經好大，黃澄澄嘅湯底見到都吸引😻飲落好香濃，打邊爐之前飲返兩碗先得😆雞肉啖啖肉又滑，花膠份量好多，煮到佢帶點膠質，口感一流😋🥩手切頂級牛頸脊 $328牛頸脊紋路夠靚，食落帶點咬口，牛味濃，高質🫶🏻🥩爽脆牛胸爽 $128牛胸爽切得薄，淥幾秒就食得，會食到牛嘅油脂感，幾邪惡😈🦐海鮮孖寶（花竹蝦、馬甲貝）時價店內有魚缸養住新鮮海鮮，每日都會有不同時令海鮮孖寶套餐推介。呢日就揀咗花竹蝦、馬甲貝套餐，大約$200-300幾蚊。花竹蝦超級大隻👏🏻而且勁生猛，不停跳不停郁🤣烚熟之後超鮮甜，有爆晒蝦膏，蝦肉爽彈，勁高質😋馬甲貝有好多隻，同樣好鮮甜有海水味。🍢蟹子墨魚滑 $78、芝士流心牛丸 $48／半打配料類質素都唔錯😚可以試試芝士牛丸，爆出濃濃流心芝士🧀🥙野生竹

早兩日同朋友臨時決定打邊爐😁跟住就揾到呢間係旺角唔洗點等位嘅😜去到啲職員好友善，推介我地食個好抵食嘅二人餐，每人都係$600度🤪有啲海鮮如果唔想要嘅都可以換第二樣😉🔻一定要試佢嘅招牌花膠濃湯雞鍋🤩👍啲湯係奶白色，一滾左要飲左啲湯先，個湯真係好濃郁好鮮甜！😋入面仲有好多花膠同雞，份量真係夠曬多，兩個人其實都食唔曬😂啲雞肉好嫩好入味，花膠又夠大塊，真係好正☺️🔻個餐仲有一個菜籃、有一盤安格斯牛肉、一盤海鮮，有聖子、飽魚同勁肥美嘅蠔😂另外加左一盤加拿大象拔蚌刺身😜啲海鮮同牛都好新鮮，加埋個雞煲湯底一齊食超正😊真係性價比超高！

天寒地凍有乜嘢最啱食？當然就係打邊爐啦一家人想食得補身滋潤於是就去咗旺角食呢間好出名嘅花膠雞火鍋邊爐去到嘅時候 職員係非常之殷勤佢哋會推薦你食 花膠雞套餐當然價錢亦都唔係平民價最後都係揀咗佢哋推介嘅 花膠雞套餐 因為唔想諗食咗大概1500幾蚊不過款式都唔係好多安格斯牛肉 份量唔係好多但係新鮮好食鮑魚係新鮮 仲要幫你切埋呢個蝦滑份量都係小椒鹽大蝦每隻蝦食落去都係非常之彈牙而且好入味好好食少量嘅金菇同埋菜四個人食 呢個套餐千幾蚊其實係非常之唔飽不過勝在個湯 係非常之濃鬱而且食材亦都係頂級新鮮不過 感覺上性價比就唔算太高

花膠雞湯非常之濃郁，好飲。叫咗個四人餐都有一碟花膠倒落去好足料。整體上啲嘢食都好新鮮。四個大人一個小朋友叫咗個四人餐加咗兩碟火鍋料，一支酒一支天地1號，$1800埋單。中價。The fish maw chicken soup is very rich and tasty. The four-person set includes a generous portion of fish maw. Overall, the food is very fresh. Four adults and one child ordered the four-person set with an additional two hot pot dishes, a bottle of beer, and a bottle of Tian Di No. 1, totaling $1800. It is a mid-range price.

第二黎食，今次仲飲哂湯底，見到相剩返少少湯底🤏，但其實我地飲到一滴都無剩先加湯打邊爐😂如果用openrice訂座，4人或以上 花膠雞(半隻)湯底先$168 (原價$268)，連埋加一既話四個人平均每人先 $47有找，每人可以有三四碗雞湯加雞件同埋花膠，打邊爐之前飲湯都飲到飽左大半。🍲花膠雞湯 - 個湯真係好好味，雞件嫩滑，花膠都軟稔，所以都無諗過食其他湯底。另外我地仲叫左幾碟配菜，個人推薦豆苗，同 手切安格斯牛肉👍🏻 豆苗🌱 $48，幼嫩無渣，好食手切安格斯牛肉🥩 厚度適中，唔係薄切切既，又唔會容易淥到好韌，油脂唔多，適合打邊爐，不過因為飲哂雞湯之後再加既湯底味道比較單一，所以點豉油會好食啲。有兩樣個人覺得一般既：金牌牛肉丸🟤 有牛味同有汁，但咬落去感覺好老桂花蚌 唔識滾🙈 大小厚薄不一，好難掌握時間，一係太老一係唔熟，仲有嚿有苦味魚皮餃、墨魚滑、唐生菜🥬、芋絲同魚皮就正常野，不過不失，叫左甘多野埋單$1200有找，每人唔洗$300呢間花膠雞湯底質素高，價錢又唔貴，不過要搵齊4個人或以上用openrice訂先最抵。如果兩個人黎食，唔講湯底要$268先，一般食量，半隻花膠雞湯底連湯料都幾

☆大笪地花膠雞☆☆旺角彌敦道613飛達商業大廈3樓☆每次同朋友想打邊爐就會book呢間，本人好鍾意食花膠☺️佢個花膠湯底真好正好夠濃，每次一開始要飲一碗先得☺️雞就冇乜特別不過索左個湯就好好味，推介牛同桶蠔亦都係我同朋友特別鍾意，牛口感唔錯，桶蠔新鮮同夠大隻😋😋環境都夠大，適合一大班朋友吹水傾計，不過最好預早book位，而家打邊爐有好多選擇，但我同啲朋友都係久唔久特登去返呢間打😉☆〜☆〜☆〜☆〜☆〜☆〜☆〜☆〜☆〜☆〜☆〜

星期五收工要食啲好東西惠勞下自己6點幾去到，暫時無咩人，疫情過後好似生意無咁好，少人過以前。叫左碟麻辣皮蛋（$38）小食頂下肚先因為我地5個人都鍾意食雞肉，叫左一隻濃湯花膠雞鍋（$498），有一大碟花膠，不算好大隻不過份量好多。第一輪邊爐料叫左龍躉班片（$138）、手切牛頸脊（$328）、蟹子鮮蝦滑（$78）、新鮮鵝腸（$78）、桂花蚌（$168）、脆肉脆骨腩（$75）、野生竹苼（$78）、唐生菜（$45）。鵝腸同脆骨腩唔推薦，前者苦苦地、脆骨腩好似今日唔太新鮮，有啲腥。其他野食唔錯，牛頸脊同竹苼最好，竹苼吸哂湯味，好食😋牛頸脊肉味濃後來再加單手切安格斯牛肉（$228）、手打鮮蝦丸（$78），呢款牛肉都唔錯，肥瘦均𧗾。不過蝦丸就打得實左啲。5個大人食左2千2左右，都唔算貴，食材都唔錯，但整體黎講好似以前出色的希望之後可以keep返水準

難得約到表妹放工一齊食飯傾計十分難得所以黎呢度食我地至愛嘅花膠濃湯雞鍋雞件鮮甜，起初食一定先食雞食唔曬就用黎打邊爐出味花膠好多，大約每人都食到四件，好食冇腥味，夠曬滋保我地先飲左三碗濃湯，好香濃鮮甜，當日冇咩胃口，飲完熱湯就開始想食野了炸響鈴正常水準，香脆冇油益味美國桶蠔這是近年食過最好食嘅蠔。煮幾耐都唔會縮到變左粒雞子。蠔身飽滿鮮甜，非常新鮮。我平時唔會主動叫蠔食，今次表妹推介我一定要試，真係一試難忘，大推！手切安格斯牛肉牛肉香濃爽滑，略嫌底層牛肉較多脂肪皇帝菜新鮮爽甜免費送桃膠糖水，清甜解油膩

🎀旺角。花膠雞🐔愛好者勿錯過 十級推介旺角港式火鍋店🥘😍超好味湯底！！🎀🕯️店名* #大笪地花膠雞🕯️🔮地址*旺角彌敦道613號飛達商業大廈3樓 🔮🗾分店地區🗾 沒有分店💰價錢$992 已加一(2人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_旺角剩系食呢一類👉食物類型搜尋🔍🍜#pickyme_火鍋➖➖➖➖➖➖➖➖➖➖➖➖➖🎵餐廳環境🎵店鋪位於商業大廈3樓位置 並沒有電梯 上落花少許時間 但無阻我一試美食😋設計比較港式 廳中間為木枱膠凳 四周為沙發卡位 如果想多d人一齊聚會都可以book房(圖片可以睇到)地磚為黑白格仔 而天花會有紅色燈罩 幾特別空間感較大 完全唔會覺得焗促服務唔錯 原隻雞上再有人幫你剪開 落花膠時都會用手擋住以防湯汁飛彈上菜時亦會輕力放下 態度有禮🤗上菜速度幾快 賣相唔錯😋等湯底既時候 會呈上醬汁兜比客人調配 唔算多選擇 基本辣椒炸蒜蔥花蒜蓉🤓🍽️食物質素🍽️今次第一次去食 無試到海鮮 但整體覺得舖頭食物質素十分唔錯 會有回頭😍👀評分💖💖💖💖💖🪄濃湯花膠雞鍋(半隻) $238超推介中意食花膠雞既人一定要叫 真係超級正😍因為我地得兩個人 所以叫左

話說當年呢間店開業初期，都同友人食過，佢多年後仲維持到質素，真係不得了🤪上次唔小心search 錯野，同佢緣慳一面，今次終於食到超開心‼️❤️❤️❤️海鮮火鍋套餐 花膠濃湯雞鍋 (半隻雞）呢個係佢嘅招牌鍋，雞湯好濃郁，花膠有大概8件有大有細嘅。 第一轉飲到得返好少湯先捨得加水打邊爐。不過佢加嘅都係雞湯，第二轉冇第一轉湯咁濃，但仲係正常雞湯質素都算係咁。 最驚人嘅係食到最後，個雞都唔鞋😱象拔蚌刺身（一份）刺身爽口又新鮮😚而且份量好多，大概35-40塊。海鮮(鮑魚、蟶子、花甲、蠔各兩件）鮑魚煮咗幾分鐘啱啱好，厚身得嚟但仍然爽口。蟶子同花甲中規中矩，而個蠔就好大件😱even煮完都好大舊同厚身☺️手切安格斯牛肉（另加$60升級）本身套餐包西班牙橡果黑毛豬一份，揀咗升級要手切牛肉😋😋 牛味夠重，份量又係好多，大概40塊咁多，最後係要抖抖先可以食埋去🙈蔬菜拼盤（一份）有生菜、娃娃菜同金菇，索埋湯食幾正🥰本身飲湯同食雞都已經飽咗一半，牛肉同刺身份量又好多，今餐又飽又滿足。 雖然邊爐嚟講唔平，但Yummy覺得都值嘅

花胶鸡汤真的很浓郁！鸡肉也很嫩好吃！朋友没介绍错，第一次来这家火锅店，超好吃！海鲜又新鲜！下次再来香港，一定又会再过来！服务员态度也非常好和很友善！不像其他一些大餐馆的服务员态度不好也很慢！会介绍跟多朋友来香港旅行吃这家店的火锅！

今晚約咗三位美女去打烚下烚下，當然要揀間啱女士去嘅餐廳，喺openrice見到呢間舖四人以上訂位可以用優惠價點花膠雞湯底，就一於去試下。 店內嘅裝修平民簡約，最啱我同呢三個不拘小節嘅朋友吹水。一坐底我先order咗個湯底，服務員未放低個煲，我哋都聞到湯漑香味已經餓鬼上身，試第一啖，一口咬落件花膠度，真係好膠好滿足，仲好足料，雞湯濃郁而不膩，雞件又滑又入味，我哋四個每人飲咗足足三碗湯先開始食其他嘢。 黑毛豬午餐肉👉🏿有驚喜，厚切餐肉好有口感，牛頸脊👉🏿肥瘦適中，有牛味黑柏葉👉🏿有點失色，雖然薄切但咬落去有點硬同「鞋身」桶蠔👉🏿不過不失響鈴👉🏿不過不失唐生菜👉🏿不過不失魚皮餃 👉🏿不過不失蝦滑墨魚滑👉🏿唔錯，加咗少少蟹子，都算OK彈牙淮山👉🏿好少打邊爐食淮山，食完肉食吓有refreshing嘅感覺珊瑚蚌👉🏿好新鮮，juicy得來好有海洋嘅感覺 我哋仲叫左支啤酒，用碗上幾好feel。返到屋企都仲有少少掛住個花膠湯底，呢間嘢都值得encore嘅~!

地方夠大，唔太多人，好舒服，侍應好禮貌，有細心提醒要飲湯，要點食，光線足夠，空調充足，唔會好熱，環境夠清潔，食物選擇夠多，海鮮都好好食，牛肉豬肉都算中上，最正真個花膠雞湯

同屋企人食生日飯，想打邊爐又唔想放題，旺角區選擇不多，附近質素好既都食過，見冇負評就試下新野。星期日18:00準時入座，成間餐廳得兩三枱客，20:00食完都未滿座，假日而言算十分冷清。職員招呼熱情，落單收碟都幾爽快，食物質素不錯，花膠雞湯超多花膠，飲完幾碗湯已經飽左4成。雖說花膠雞湯新鮮煲起，未知是太濃定係落左味精，飲完其實都幾口渴。總括而言正常發揮，價錢唔算太貴，食量唔多又想食海鮮，呢間都係唔錯選擇。