大胃車仔麵 (已結業)

今日試左三送車仔麵，但比較失望一來價錢偏貴，肥牛得兩塊🤣其他嘅份量都係得兩三夠，反而面就好多😅總括來講，性價比較低，如果想食其他嘅車仔麵相信有更好的選擇😢😢

諗住求其食啲嘢就入咗去，叫咗個三餸米線，沙嗲汁湯底好好味，米線唔會太林，豬腸唔太韌剛剛好，雖然每個餸唔係話特別多，但加埋個面真係好大碗，好彩我要扣抵，如果唔係一定食唔晒。下次過嚟一定會再食。*我好少寫食評，今次除咗啲嘢好食之外，佢哋仲好有禮貌。

買左兩碗外賣，米粉淋到斷晒要攞匙羹食，油麵陣鹼水味又重，牛肚又係淋到好難食，個滷水蛋硬過石頭，有啲似台灣買嗰隻零食鐵蛋...我諗最好食應該係個紫菜😡利申：住喺附近，成日見到好多人堂食，點知第一次買外賣返屋企食就中晒伏。難食都唔緊要，仲要逼人最低消費三餸，一碗咁難食嘅車仔麵值唔值40幾蚊碗。今次真係大胃王都變縮胃😩。。。。。。。。。。。。。。。。。。。。。。。。。。。。。。

真係從未吃過咁難吃既米線,一夾起爛既吃落口更加難以形容,成碗吃都未吃過只係吃曬啲餸,加多罐可樂,52蚊多謝曬,比30蚊都叫比多左啦。冇下次最重要老闆埋單比意見佢佢仲彈我一句下次早啲講幫你換嗎。仲有下次米挽啦一定冇下次試問咁多間車仔麵可以咁講佢係最難吃既一間我另外兩個朋友都話吾掂埋單全數140幾呢個時世你真係好好檢討下你地廚房煮野既方法。車仔麵個麵都吾掂我諗你都幾難做落去,意見接受做法照舊放心你一定大把生意

今日收工經過富昌搵朋友見到有啲餓於是周圍搵鋪頭，咁啱見到有間車仔麵檔，一於試下，點咗2碗4餸麵再包飲品的先80有找份量仲十足，先講湯底：無味精得來又好好味仲唔口喝，牛腩夠淋又好香非常有水準，鹵水雞翼、豬腸都係例牌嘢但鹵水有啲獨特嘅香味全都十分有水準，另外最驚喜嘅係佢嘅牛丸非常非常之正，有牛肉味又彈牙仲有肉汁添，香港地好難食到呢啲近似汕頭正宗嘅牛丸，係必食之一嘅餸，而家諗起都心思思想收工又過去食，估唔到呢啲屋邨都有間咁出色嘅麵檔。

落大雨又唔想搭車出去既話可以食下既，低消24蚊，算係街坊價，款式唔係太多，大路野都有既。老闆好親民，會幫d婆婆落單，幫婆婆諗下食乜好👍🏽👍🏽我揀咗豬紅豬頸肉餐肉粗麵，豬紅有d實，無味，但份量好多，豬頸肉有2大片，都好食既好林，餐肉雖然得一片，但好大好厚，麵底好多，女仔正常都食唔哂。我揀咗秘製汁唔辣，無乜特別，似普通沙嗲汁。凍朱古力好濃，好飲既👍🏽整體普通，係’落樓下求其食d野’嘅選擇😀