大自然素食

營業中

休息中

和分店相比，這裡食物質素遜色。。。牛油果多士，依舊香脆味濃。蛇羹，不過不失，但配料脆脆已淋。百合上湯菜苗，下單不到五分鐘，先到，湯只是微溫，但仍是新的。但鰻魚飯，我們吃了两口就取消了。飯不熱，鰻魚咬不開，有點油益味。。。

👧🏻Wodafoodie in Tsim Sha TsuiGreen Monday💚其實依家素食都可以好高質特別係呢間連鎖素食店😋有次lunch time 叫左個滑蛋吉列豬扒飯，實在驚為天人！因為我以為我食緊真豬扒😋😍😍😍無論口感、味道都好鬼似！好好食但卡路里一定比用豬扒少d，健康得黎又好食😍滑蛋又真係炒得好滑，成個飯無論賣相定味道我都俾100分😙👍🏻👍🏻👍🏻佢午市快餐成日都有新款式，例如壽司、漢堡包，原來素食都可以整到咁出神入化，真係值得黎試下。📍 大自然素食 (尖沙咀)尖沙咀彌敦道132號美麗華廣場一期2樓212號舖

599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生我哋599•Eat幫到你無論大鋪小店我哋都會盡試盡講今日食評有✍🏻@大自然素食/Mira店試食指數⭐️店舖衛生⭐️⭐️⭐️⭐️侍應態度⭐️⭐️⭐️((每項5⭐️為滿分))Oh No🤦🏻‍♀️🤦🏻嫁咗俾林生後開始食素第一間令我印象深刻的素食館就係大自然素食🥗大自然素食最岀名係把素食材變化成逼真度十足的『魚生』🍣當然其他主食都不錯👍🏻價格也較其他素食館貴🤑經過早幾日的「大魚大肉」今個星期就去食『齋』啦位於美麗華的分店於中午時段不多人可以是目前的限聚管制（2人)限制了大家聚餐的意欲我們2人入座了6人枱空間感十足點菜環節的重任當然交俾食咗30幾年齋的林生✍🏻酥皮金湯蟹皇翅✍🏻黑松露蝦仁炒滑蛋✍🏻印度咖哩羊肉配薄餅✍🏻迷你三色骨✍🏻蕃茄雜菌濃湯烏冬配豬扒🙋🏻‍♂️食評🍲酥皮金湯蟹皇翅⭐試食指數️ ((5⭐️為滿分))如果我話其他地方的酥皮湯會更勝一籌足見呢個酥皮湯太令人失望酥皮不夠香湯不夠熱和味道也平平((順帶一題林生係因為呢個酥皮湯才來吃呢一餐))🥚黑松露蝦仁炒滑蛋⭐⭐⭐試食指數️ ((5⭐️為滿分))係真材實料用黑松露炒上枱時夠熱但蛋不夠滑

第一次同友人食「大自然素食」，睇返原來都幾多分店，今次就揀左尖沙咀，貪佢夠近一早已經訂左位，我最早到，所以就拎埋位洗好野等等等有小食-翠玉瓜，問店員果杯咩茶，佢聲稱係麥茶，飲落都幾清淡甘甜我地先叫兩道小食再等齊人，分別係素炸鰻魚同素芝麻手撕雞，個人比較鍾意碟素鰻魚多啲，手撕雞食落個口感一般，因為質感太棉，唔太似食雞肉嘅口感，做唔到果個效果之後，再叫左個椒鹽淮山，友人一直研究啲椒鹽係用咩整嘅，細問之下，原來係用燕麥整出嚟嘅，個口感好似平時大排檔果種，而淮山都整得好好食喔好鍾意食喔跟住仲有個金瓜焗飯，金瓜即係南瓜🎃初時係被張相同個名吸引食落都唔錯，有層芝士面最後用盅腰果露作結，味道都唔錯，唔會太甜可以試下

一行4人 tst 美麗華好方便，始終疫情，叫菜食好過自助素食。預早打來訂位， 來到就坐得。叫左3 樣 碟頭都大， 4 個女士剛剛好。屋企人話食個幾間店 tst 幾最好食。 價錢又唔太貴。今餐400有找。 食素可以選吓。

她, 平時多菜少肉, 偶爾會細味素菜, 吃得健康. 大自然素食是她喜愛的素食館之一, 久唔久會光臨.   這間素菜館的仿素食像真度高, 兼且美味, 她卻更喜歡簡單的真蔬菜菜色. 濃湯粉絲雜菜煲是首選, 貪有多款蔬菜, 濕濕地有助增強食慾. 另外, 手工菜情迷脆豆腐又是必吃的, 香脆, 層次分明, 就算無肉不歡的苦榮也大愛. 疫情肆虐期間, 我倆許多時候亦會選擇外賣, 既有半價優惠, 亦可吃得安心.

自己係「無肉不歡」，因此一直以來對齋都有小小抗拒，所以真係冇乜試過呢類餐廳，今次朋友推介，即管試吓😅餐廳位於大商場內，地點方便，裝修雖然唔算好特別，都比人光亮舒適，食物亦都比想像中冇咁齋，對於唔好嘅人，感覺可以接受，最重要原來可以有咁多選擇😂😂😂士多啤梨骨，好食，賣相味道都好👏🏻👏🏻芋頭魚，呢個要讚👍🏻芋頭夠淋，粉亦適可，唔會太厚👍🏻👍🏻👍🏻芝士牛油果多士🥑焗得啱啱好，芝士牛油果剛剛溶落法式麵包😋😋😋

大自然素食，無論係銅鑼灣定尖沙咀都係我老爺奶奶嘅飯堂，因為佢哋兩個食長齋嘅，所以都經常去食，必點嘅有陳皮骨，牛油果多士，乳豬件，士多啤梨骨等等，選擇很多，而且食物款式創新又好食，經常會出新嘅菜式，包保你食齋都唔會覺得悶

呢間素食勁 中日菜式都有第一次食素三文魚 口感雖然同真嘅魚唔同 但口感都幾有趣 彈牙之餘 味道都似三文魚🍣視覺上都唔錯嫁 睇落好似一塊未解凍既三文魚咁🤪未食過嘅朋友我覺得值得一試👍🏻至於雞絲粉皮呢 雞絲視覺上都真係好似 但食落真係完全唔似 味道都冇乜🤷🏼‍♀️粉皮太厚 如果可以薄啲 再加返青瓜 咁會好啲 因為成碟野就真係雞絲+粉皮+醬 同我地平時食既 有啲出入 感覺太單調乏味🙇🏼‍♀️服務同環境都ok既 但因為餐廳係有提供免費糖水如果可以主動問下客人要唔要上糖水就更好啦 因為朋友最後問係咪有糖水 只係換來一句：冇晒啦！ 唔係咩大事 但就...有小小失望咁囉！

中式嘅素食餐廳，依間一定會食，仲係成日叫外賣同堂食。前排疫情嚴重，午餐分別有外賣同堂食半價優惠。是日叫咗梅菜扣肉飯，分量十足，搭上兩條白菜，賣相相當吸引。午市優惠會送一碗湯，連同前菜小食，同埋一壺茶，食完都好飽足。講番梅菜扣肉飯，豉油另上，需要倒幾多自由決定。梅菜扣肉十分入味，感覺梅菜同扣肉係mix埋一齊，撈匀嚟食會比較好。總括來說，大自然素食餐廳食物款式較多，大部份都唔錯，要試曬咁多款真係要成日嚟食先可以試得曬。

抗疫期間，減少外食、多叫外賣，為己也為人。這裡的外賣自取做半價優惠，推廣期原本至3月尾，現延後到4月30日，找素要趁早了！椒鹽日本淮山片～揭蓋後仍感溫熱，焦香軟糯、乾身不油膩；灑於其上的椒鹽脆粒惹味得很，用來佐酒相當不錯。榆耳鮮盧荀帶子～呈粉棕色的榆耳厚身爽口，外軟內脆，配翠綠鮮嫩的盧荀和煙韌的素帶子；口感豐富，不錯。秘製客家鹽焗雞～這個大推！造型維肖維妙，掀起鍚紙和玉扣紙後急不及待試一口；不騙你，彈性有肉汁，還吃到一絲絲纖維，沾了沙薑汁就更加幾可亂真！香椿瑤柱魚翅蛋白炒飯～飯炒得乾身、粒粒分明，粟米、紅蘿蔔、芹菜粒、魚翅及蛋白的組合，可口卻不油膩；有水準。即磨腰果露(二盅)～甜度適中，腰果味不太濃，如可添加芝麻湯圓我會更喜歡。肉得多、得閒便要素一素。大自然素食地址: 尖沙咀彌敦道132號美麗華廣場一期2樓212號舖電話: 23761186

這段時間，人人都叫外賣，沒有辦法，顧己及人，少出街，便幫助了社會抗疫。火鍋可以做外賣，日本的廚師發辦可以做外賣，中餐西餐異國菜私房菜都可以外賣，有乜唔可以，貴為素食界的大哥又點會唔做素食外賣。係Facebook看到外賣有半價，吃過多次的我當然要試下，外賣左多款不同的素菜回家抗疫。剛剛放工的晚上便點了外賣了回家，五個菜，價錢一定，也只不用三仲平過你自己買餸。一定不能錯過秘製鹽焗雞，呢個係必點菜式，如果你未吃過素食，我可以告訴你呢個菜式一定會令你上癮，以豆造的素雞絕對繪型繪色，就算外賣佢嘅包裝都好似鹽焗效果一樣。另外佢嘅沙薑醬汁，送飯一流。我個人覺得鬆化芋頭魚相對普通，可能我唔係芋頭嘅fans，不過，太大鐘意芋頭就覺得好好食，個樣唔駛講，做到條魚咁，不過可惜外賣包裝關係，條芋頭魚外賣嘅時候前後分左一半，影響了觀感，但當然影響不了味道。我冇諗過呢個鮑心花菇一品煲都可以外帶，雖然係素食但係都有鮑片、蝦、冬菇等等，效果好靚，令我想起佢哋新年推出嘅盆菜寶，一樣色彩繽紛，而且好似好豐富一樣。九製陳皮骨就適合愛香口的人士，陳皮骨好彈牙，在咬口，有少少似平時香口嘅送酒菜式，但當然，呢個簡單得多，又健康得

上星期日我們預早為今天牛一的車婆婆慶祝生日，今年因疫情關係將生日飯暫推至4月跟車公公一起慶祝，希望到時可以高高興興如期進行！ 而上星期日碰巧是齋期一於茹素為車婆婆積壽，我選了大自然素食不過車媽媽弄傷了腳一於外賣回家享用，一來不用她行出行入、二來在家吃安全得多、最重要是外賣自取正價餐牌有半價優惠好抵食！ 辛苦車爸爸將外賣帶回來！我們一共點了5個菜有*魚*、有*肉*、有*菜*仲有炒飯好豐富耶！ 車婆婆最愛吃芋頭魚所以一定要叫這條鬆化芋頭魚原價＄88，芋頭泥化身成魚弄至外皮酥香內裡粉淋，最愛它有新鮮菠蘿伴碟太有心了！ 之前在店吃過這秘製客家鹽焗雞原價＄98，車爸爸超級喜愛所以也特意點來一同品嚐，像真度高的造型連雞髀位也弄得精緻，吃下富彈性加上鹹香味道尤如在吃真鹽焗雞般很可口。 這客九製陳皮骨原價＄88，炸得香口的陳皮骨味道酸甜很醒胃，嗜酸的我吃得最多嘻嘻！ 點了份薑蓉炒翡翠苗原價＄88，細嫩的翡翠苗沒帶一絲草青味，散發著淡淡的薑香感覺很清新。 最後還有份量十足的黑松露牛油果醬炒飯原價＄98，弄得夠乾爽的炒飯粒粒分明，吃下帶幽幽的黑松露香氣很迷人呢！

武漢朋炎來勢洶洶，外出飯聚可免則免，自煮時間多了，但素來不是烹調能手既我，整來整去嗰幾味，實在有些單調乏味。  見大自然素食的面書專頁，最近出了素雲吞，不妨Whatsapp去柯打兩包回家看門口。  是夜由於沒吃晚餐，十點左右肚子在打豉投訴，淥幾粒雲吞食正好。  細細粒容易食的出品，正常食量的朋友一次過食十來廿粒無難度。皮是幾滑身，素蝦及素肉醬的餡料本身味道與傳統雲吞有幾分相似，算是無聊待在家中的一點慰藉。  喂，當夜晚煮麵時加料都好呀！

一行三人昨晚在店內用餐。荷葉蒸素雞是冰冷的，叫廚房加熱再上枱。等候加熱時，廚房和店內大廳那邊傳來一點聲音，隨即廚師和三位侍應追出來，一個灰色物體（老鼠！）迅速跳上我坐的一檯梳化位上，在我盆骨旁邊轉了兩個大圈，及後老鼠再跳上我左邊大脾用力一踩，着地再衝去近店門坐卡位的一檯美女傍，全場尖叫，老鼠再直奔出店外！㕑師和侍應們說老鼠已經逃出商場外，叫大家繼續進食。當時店員冇致歉，冇用漂水之類清潔用品抹拭被老鼠爬過的坐位！疫情肆虐期間，此店負責人收到投訴，並無任何店面徹底消毒之類的跟進承諾！衛生情況令人擔心！