大興海鮮飯店

營業中

休息中

與太座到海濱散步，看看海景，看看日落，轉眼已天黑，來到西灣河，試試這市政大樓的食肆，隨便選了一檔便坐下，安排了角落一張小檯。點了半隻菜膽雞，菜膽是唐生菜，有點求其，雞，一般而已，無咎無譽。薑汁芥蘭炒得不錯，菜不老，爽脆，惟茨稠了一點。斑頭腩煲，有豆腐，冬菇，得兩件有肉，其餘是頭骨，而且還是腥的，顯示魚不新鮮，失望！白飯也是微溫的！同員工伯伯講，佢話換過，我們不想浪費，算了吧！愈夜愈多人，不斷加檯，員工很積極加檯，也許做得不錯才有熟客捧場，也許今晚所煮的是一時失手？也許我不是熟客？我應否再來嗎？但如某國語歌的歌詞：也許已沒有也許！

看推介到這一試，遇左地方濕滑吾乾淨，地方非常迫，枱貼枱，我5人用餐，很快有位，但真係非常迫，我張枱貼住隔離張枱，其中一個坐在路囗位，不停比伙記行過時大力撞到，坐下已點菜，點了7個菜，點完後看見隔離多張枱催單已心知不妙，肯定要等好耐才有得食，大約十分鐘來了碟豬紅，過得去但味精多，之後一路等，大約半小時後再來一碟咸魚肉餅，從未食過這様差的肉餅，正確不可叫肉餅，係肉碎，咸魚蒸肉碎，之後一路等，前後45分鐘只來了兩碟餸，於是催單，再等15分鐘來了蟹肉粟米巾，實在等到飽，又熱，隔離有些枱又有人吸煙，於是叫伙記取消餘下的埋單，但伙記又話幫我催單於是唯有再等，又等了15分鐘又放低碟菜同墨魚餅，其實真的不好吃，之後又再等，炒麵來了，叫他埋單取消另外兩碟又話已下鑊！一等再等另外兩碟，個椒鹽鮮尤只是求其放落油到一炸，吃了一囗已不想吃，唯一只可以話伙記服務態度好。回家後不停喝水，太多味精，不會有下次！未試過去大排檔叫小菜要等兩個鐘！

多年既無見友人突然搵我食飯, 當然開心啦大家就岩時間地點後, 我地決定來大興食晚飯.其實上次同另外一位朋友到在熟食店另一間試左, 所以今次就來埋大興試下此店既小炒.2個人點左生炒骨, 油鹽水泥猛及金銀蛋莧菜生炒骨炸漿少而且香脆非常可口, 每件都平均沾上酸酸甜甜既醬汁, 非常美味.其實我最愛就係此店既油鹽水泥猛, 泥猛魚夠新鮮味再加上鹽水既煮法更加帶出魚肉既鮮甜味道.試過2間食店之後, 大致上味道都差不多, 最重要係二間大排檔既服務都非常細心體貼, 相信下次都會再來幫襯.

好耐無試過成家人一齊食飯食得禁高興！需然要等左一輪至有位（我抄低電話下次打定電話留位），但真係值得。海鮮夠生猛，最先來係個蚝煲，香味己令我胃口大開，再來灼蝦，這味菜其實無咩難度，在家中也很容易自己煮得來，只要才料新鮮便可，但為何會比自己煮好食禁多既？食到吾停得口，原來箇中之處，係佢地既秘裝豉油，事前加工煮過，吾怪得啦。另一樣必食既係豉油王吊桶，真係好好味！熟食中心內，還有另外食肆，環境比較嘈吵，情侶談心就無謂喇，衛生普普通通。

熟食中心內有幾間飯店, 今次試了第二間. 夜晚九點幾都仲坐滿人, 試下係咪真係咁好食. 點了豉油王中蝦, 蝦醬通菜煲, 椒鹽鮮魷, 啤酒.通菜煲好夠味, 上枱時仲滾緊的. 中蝦乾身, 可惜用的豉油吾夠香, 所以味道淡左少少. 鮮魷好鬆脆, 送啤酒一流

2月3日晚是晚與家人用膳, 絕大多數的酒家食肆都無位, 於是又去熟食中心食飯~錯有錯著0黎到呢間, 估唔到為我地帶0黎驚喜!驚喜一:伙計服務好到唔似去0左大排檔! 多多要求佢都唔會睨你! 又夠誠實有交帶!驚喜二:食物有水準! 油份多就預0左, 始終都係大排檔, 味道方面拿捏得準! 用料新鮮!黑椒味菜墨魚咀- 爽脆惹味! 混啖飯食, 一流!羊腩煲- 羊腩有爽有腍, 唔韌! 入味! 南乳味充沛! 唯獨羊羶味不足(個人口味). 食完羊腩叫多碟菜同鮮鵝腸灼, 唔好浪費d羊腩汁! 鵝腸初來報到時洗唔乾淨...要求伙計清一清理, 果然交到功課! 唔係馬虎求其幫你過下水就算!蒸釀豆腐- 豆腐軟滑! 蝦膠打得爽口彈牙! 食得出粒粒蝦肉!蓮藕炆鵝頸- 蓮藕很粉~! 不過個人認為爽脆的更好吃~豉油王炒麵- 夠乾身, 料亦足!熟食中心大排檔, 有此待遇質素, 仲可以有咩挑剔!? 最緊要都係屋企人食得開心~ ^^

涼瓜炒排骨涼瓜完全唔苦唔甘, 扣分. 排骨冇骨, 變成切細塊左既燒肉. 但這菜個汁唔錯.西蘭花鮮尤, 西蘭花只靠那一小碟的蝦醬有味, 鮮尤冇食.沙律骨炸香左既豬扒仔沒有炸過火, 香口得黎唔熱氣, 但同沙律醬味道唔夾.泥芋滑雞煲好多芋頭, 冇乜芋泥, 但我比較喜歡後者多d. 芋頭唔粉咬落仲有d爽, 第一次食芋頭冇食唔停口. 雞亦都唔滑又唔入味.雖然好似樣樣都批評冇讚, 但又唔係好難食.不過有得選擇都會揀第到囉

怕污糟,想要環境靚o既就唔駛睇我呢篇o野啦(呢度晌街市入面o黎o架,會有得幾靚??),呢度o既賣點係經濟而味道唔錯,夠晒親民.最鍾意呢度免費奉送o既生曬鱔乾,好正,我自細都鍾意食呢味o野呢度最出名係海鮮,海蝦最好兩食,頭用豉油煮尾用椒鹽,成隻蒜茸蒸都得.紅燒細鱗尾都好掂,蒜茸蒸花甲就點都走唔甩.