影片
晚飯逛街過後，最好嘆番碗糖水，由銅鑼灣行到鵝頸橋，都係特登去食佢，結果係一路食我哋一路搖頭叫差＜食物＞１）芝麻糊～點解連最基本既都唔掂呀，家姐本來叫加湯圓，無湯圓都無所謂，但芝麻糊淡到無味，好似水加色咁，食剩細半碗２）楊枝甘露～呢個仲衰，稀到同水無分別又無味，又係好似水加色咁，芒果肉無味，柚肉苦苦地，食剩半碗己經好勁，水仲好味過佢！！！＜服務＞埋單打算查問點解質素咁差，點知店員服務態度仲差，淨係話係師傅整唔係佢哋整就敷衍了事，若然講句唔好意思會跟進都好吖......
繼續閱讀
昨晚我和朋友到銅鑼灣大良八記食熱燉奶，我們食了二兩口，發現燉奶是凍又龜裂，我們問店員，店員才說爐壞了，仲態度極悔氣話<<你地要就要，唔要就冇>>，後來我們唔要並走，店員仲追出來要求我們付款，我們不但只吃兩口，並貨不對板，為何要我們付款，以後我們都不會去大良八記食野，甚至其他分店....
繼續閱讀
夜晚10點幾睇完戲,天氣凍凍最好係食碗熱辣辣o既糖水暖番下.我點o左個腐竹糖水加湯水.等o左10幾分鐘終於出場.水同腐竹係分開o既,呢樣都唔緊要,但係食得出真係糖水還糖水,腐竹還腐竹!湯丸有2粒,不過每粒加$3,貴o左d囉.可能係地段問題,我朋友話呢度o既價錢仲貴過西環好出名o個間糖水舖...到最尾埋單,d阿姐都唔知係咪發緊夢,2碗糖水都計錯數...唉...曾經係我至愛o既舖頭,越來越貴,水準又越來越差,叫我點再o黎呀!
繼續閱讀
返家途中經過"大良"，所以就提議去食糖水，點知就好失望。1) 椰汁西米露: 一碗好稀咁嘅糖水，若果唔係有少少西米，我重以為我飲緊碗白色嘅水，好恐怖。淡又冇椰汁味，食咗三分一碗已經唔想食。2) 麥米粥: 好甜，D麥米相信已煮了很耐，完全係淋冇趙口。我都唔明D人話"大良八記"點正宗，sorry我完全食唔出，非常失望，以後都唔嚟。
繼續閱讀
行街行到熱辣辣, 走去食碗懷舊糖水, 腐竹蛋$15一碗, 見到個阿姐攞過來, 一望只係見到一碗未煲爛的腐皮加冰糖水加烚蛋一只.......個d腐皮係完全無煲爛過,賣相唔掂之餘, 食落重要係硬硬地,好明顯呢d係煲湯腐竹, 又無蛋花, 好唔掂啊, 見自己都食左幾啖, 唯有食埋去啦, 埋單個時問個阿姐點解碗野咁, 佢竟然借左聾耳陳隻耳, 太過份啦!!!!$15買碗咁既爛鬼冰糖水, 極度搵笨!!!!!呢一世都唔會再去食~~~~~~
繼續閱讀