影片
港鐵大圍站 C 出口, 步行約5分鐘
繼續閱讀
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
在圍方開了一間新的台灣飲品店，去到見到menu都幾吸引，所以昨日試了黃金珍珠鮮奶紅茶，要咗少冰、微糖甜度剛剛好，不過茶唔夠香，可能奶是用了明治，所以啲奶香蓋過了茶香，好彩啲珍珠食落都幾香，不過不失。今日再去試佢哋嘅TOP2，愛文芒果冰沙，因為𥚃面有愛玉和芒果肉，所以要了微糖，但飲落都好甜，可能芒果本身好甜，另外價錢就有啲貴不過都可以一試。見到有人買了佢哋TOP1嘅水果茶，外觀睇落都唔錯，遲啲試下先。🤭
繼續閱讀
一間嚟咗香港兩年幾嘅台灣水果茶店，喺佢哋自己網站上話係台灣鮮果第一品牌，強調產品係新鮮鮮榨，用天然果汁，唔會用濃縮果汁，而且會因應季節出時令嘅果茶飲品，即係大概係sell新鮮同天然啦。冇試過呢間嘢嘅其它分店，咁啱見圍方店新開就揀咗杯menu上打星嘅，即係店家認為"超讚"嘅檸檬愛玉。order完3幾分鐘就攞得，仲係用膠飲管，超級感動，必須畀個like先！至於味道呢，愛玉帶少少Q彈，唔會一啜就散，點咗半糖，覺得甜度啱啱好，唔會酸亦唔算甜，但有一樣唔鍾意嘅係，我懷疑用咗代糖，有浸代糖味，好在我唔太抗拒，即係唔飲diet coke或zero coke嘅人，或者試吓其它款式會比較好喇。價錢方面，而家間間茶飲店都唔平，呢杯$27勉強算合理。環境方面，新開梗係乾淨啦，但冇枱凳，純粹做外賣。
繼續閱讀