大蕃薯

營業中

休息中

講都唔知點講 自己睇啦👇👇👇👇👇👇👇👇🪳🪳🪳於平台叫了外賣3個，食左2啖肉醬意粉，以為有D燶，夾起黎睇 眼都大埋 叫埋出黎🤮🤮，竟然有隻啡黑色 曱由係肉醬意粉度🤮🤢 超嘔 今時今日仲有咁污糟餐廳 😵‍💫😵 🪳即時向外賣平台反映，食物質素衛生咁差，差D成隻食埋落肚🤮🤢🪳 👎有手有腳 🪳🪳❗️❗️📛🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮

最近係social media有人話呢間野好食，咪試早餐，真係好一般，我寧願食茶餐廳，仲要雞扒唔熟。上錯餐，叫個職員，佢掛住包外賣，當時一啲都唔嘈，佢背住企我地後面，但都唔應我地，叫左3，4次，我地火都來，佢先應我地一下，話自己包緊外賣，用手包唔係用口包，應一句都唔得？！我地一心諗住佢上錯餐，拿拿聲拎走俾番人，放咁耐，人地都唔想要，點知你急人地唔急。唔會想再幫襯

見到呢間餐廳個名好得意🤭加上係食我鐘意嘅焗焗系列😍叫左以下2個焗飯套餐包蒜蓉包🥖➕餐湯➕餐飲💕原茄甘薯焗豬扒飯♥💕原茄甘薯焗雞扒♥👍🏻平時焗飯配菠蘿粒粒多今次配蕃薯粒粒都幾特別 2個焗飯都係炒底正常發揮炒飯夠乾身粒粒狀配上酸甜適中嘅茄醬係唔錯嘅～個人覺得煎雞扒比豬扒香口好味因為豬扒偏韌🫢餐廳環境都算寬敞見到仲有好多特飲甜品🍮都以甘薯做不妨一試😆

最近初試呢間早餐，聽聞其他客人大讚牛扒早餐高質素，假日晏d都會賣曬有日放假，平日試左，難得早餐牛扒係厚身 有重牛味 幼嫩唔柴，一試難忘今次試晚餐10安士炭燒安格斯餐牛扒：重牛肉味，5成岩岩好，脂肪位帶有牛油香味 單純用黑椒，鹽 已經帶出安格斯特有既味道，非常滿意意粉：跟餐意粉一般都白洽,無味，但小店有用蒜蓉，香草 配搭 不油膩又不乾身天氣開始凍，老板娘親切招待，主動加熱水 暖心睇到小店最近有dislike,我用呢個食評大力like返外區光臨聯和墟，除左諗起馳名豬手麵，不仿試下呢間！

食咗一舊，就見到隻昆蟲。超級大隻，正正食咗昆蟲上面嗰一舊，真係好反胃。另外再加嘅蕃薯蘋果沙律都唔敢食。🤢🤢🤢🤮🤮🤮感覺另加嘅沙律都應該同一盤出嚟。咁大隻昆蟲响個沙律咁耐，衛生情況真是好令人懷疑😵‍💫

其實食客入到餐廳，除咗想食到好嘢，都希望餐廳員工服務恰當。若果冷氣有滴水，沾濕座位，希望店主盡快改善。當時店內滿客，只有最後一張枱，唯有接受。坐到座位，發現有滴水，並且沾濕褲，情緒已經唔老嚟，所以希望有幸再轉換位置，點知員工只係回答 “冇喇”，佢都懶得再理睬。其實佢哋可以再問吓，如果要另一個位，需要再等，問吓可唔可以，最後由食客決定照坐定等。之前做咁多宣傳，不如做好服務態度仲好啦

其實唔係第一次幫襯，都食左幾次，但真係估唔到佢今次咁叻叻豬白烚都做得出！我直頭係食緊湯渣！霉、柴、鞋！佢係咩菜式—咪就係炭燒豬排骨囉！一上菜用一大劈紅色醬汁冚住啲肉，見到啲肉都心知不妙，一食落口直頭係服！好心啦……其實如果整唔切不如一早同個客講話整唔到，好過你心急出菜俾啲白烚嘢人食。用餐時間是5月7號下午三點幾係咪因為時間問題所以冇預先將啲食材解凍導致要白烚呢？不過我都唔會再為佢解釋，食過今次真係唔會再有下一次。

嗰日行完沙頭角，搭巴士回到粉嶺時，大家講起粉嶺有間餐廳有蕃薯奶茶，咁啱大家也好奇蕃薯奶茶是什麼味道，也剛好是下午茶，就大家一齊嚟呢度食下午茶😄蕃薯西多士配楓糖 (HK$36)．炸得金黃色，切開見到2片麵包之間有厚厚一層甜蕃薯蓉，點些楓糖，正😋吉列豬扒三文治 ($38)．脆口烘底麵包，熱烘烘的．薄脆外皮的吉列豬扒，你睇幾厚肉地㗎！．三文治仲有芝士、鮮甜番茄、和生菜蕃薯奶茶 (跟食物 +HK$15)．這是奶茶加入蕃薯蓉．味道都幾特別，絲滑奶茶帶有蕃薯蓉的口感，味道不會太甜．我覺得凍飲版比熱飲版好味薑汁甘薯批 (HK$32)．薄批皮配以薑汁混合蕃薯蓉．薑味出眾而不辣，蕃薯味都好出眾而口感香滑

經朋友介紹專程嚟到大蕃薯試佢嘅番薯奶茶，佢嘅口感好厚身，就好似奶昔一樣，蕃薯加落奶茶都有種好新鮮嘅感覺，但同時又不失奶茶嘅風味。朋友叫咗「香煎雞扒配薯菜」，雞扒肉質嫩滑，薯菜有蕃薯，令整體顏色更鮮艷。可惜，我自己叫嘅「蕃茄雞肉麵」就令我有啲失望，味道偏淡，有種可以喺屋企煮到嘅感覺。

如果你喜歡食番薯，一定不要錯過這間名不見經傳的小店番薯糖漿西多士我最喜歡是裡面金黃色的餡，鬆軟綿綿。炸得裡面不算太乾，我覺得如果外皮更加鬆脆就更好了。姜汁甘薯批我一看這個名字，我就想嘗試了。最後我還蠻欣賞用甘薯來做批大膽創意。開始我以為批一定是熱的。誰知到來的時候是凍的。說不上入口即化，用綿綿軟軟來形容再好不過。質地不像蛋糕也不像雪糕，只能說是土豆蓉質地。味道是姜汁撞奶混和濃郁甜薯的味道，美中不足的是底批是軟的並不脆，不知道是冰得太久還是怎麼的又所欠缺。

📍大番薯📍💡聯和墟🐥炭燒8oz 安格斯肉眼扒($188)塊扒一上枱即刻聞到好大浸炭燒味，即刻流口水，叫左7成熟，啱啱好，好juicy,不過個意粉冇汁，真係幾dry🐥番薯奶茶番薯奶茶我覺得一般般，唔係好重番薯味，而且好似太甜

聯和墟評價不一既餐廳閒時諗起都會幫襯下但好唔好食 好似睇彩數今次係少伏😂 CP值低😂晚市 外賣單多 堂食唔係好多人芥蜜脆皮原隻咸豬手配薯菜香脆既外皮 略嫌炸得太乾原味茄醬甘薯焗牛柳粒飯每次點都唔記得咗係咁🧏‍♀️鮮茄醬配甘薯 有啲太過分明😅焗飯太濕水牛城雞翼 炭燒安格斯肉眼/西冷扒好香炭燒味不過西冷較薄身 七成出嚟偏向well done反而肉眼剛剛好焗蒜鮮蝦蕃茄手打特闊蛋麵冷/熱 蕃薯奶茶搞勻飲唔錯不過蕃薯味又唔係話勁濃

炭燒豬扒/魚飯，$58 連餐湯熱飲，價錢超值，最緊要係炭燒味好出色，平靚正。要入餐廳裡面的餐牌先有，唔知點解唔係午餐餐牌內，係餐廳的”隱藏” 款式。飯的份量好多，若選擇薯菜要留意入量偏少。

我至愛的pizza toast🍕香濃的自家製新鮮蕃茄醬🍅🍅🍅酸酸甜甜 愈食愈開胃🥕最鐘意將佢一分為9件一口一口咁食🧡注意：唔係每次tea time 都有架大蝦配千層麵尼個菜式真係好好味 可惜唔係常餐黎食唔食到都要睇彩數真係好鐘意佢地嘅自家製茄醬千層麵酸度完全合我口味小食試左洋蔥圈非常脆口 外脆內juicy 保留左洋蔥的鮮味唔會淋晒 或者太熟另一款小食叫左水牛城雞翼覺得炸得太耐 炸皮過厚醬汁唔夠多 唔係包晒全隻雞翼每啖都食到服務：ok環境：燈光暗暗地 幾有mood其他：tea time 時間較多人

聯和墟出名多好野食，唔少人仲會影慕名以來。早排就去了聯和墟揾朋友仔交收，順便食個Brunch。今次去食群記豬手旁邊的一間Cafe。除了餐廳名叫大蕃薯，就連食物都係以蕃薯為主。Lunch有成18個，選擇困難症有難了 (笑)每個午餐都會包一個紅/白餐湯，我同朋友仔不約而同都揀了忌廉湯。湯夠晒熱，口感Creamy而且超級足料。煎雞扒伴甘薯蘋果沙律，份量其實都唔少。雞排煎得幾香口，重點係唔算太肥。沙律除了有爽脆清甜的蘋果，仲有餐廳招牌的蕃薯！蕃薯軟滑，而且蕃薯味好香，好食！我就揀了蕃薯奶茶，佢有冷熱選擇，而我今次就試了熱蕃薯奶茶。佢的質地及口感比一般奶茶更厚身一點，味道同一般的奶茶分別不太大，佢的茶味香而不苦澀，感覺都不錯。朋友每次食都要放棄餐飲，而比錢散叫的甘薯奶昔！今次佢叫了杯甘薯紅豆奶昔，我偷飲了一啖，入口幼滑，而且唔會有冰粒。唔飲真係唔知蕃薯都可以做奶昔！==============================我係一個愛寫字愛分享的吃貨！如果鍾意我分享的，我邀請您訂閲我的食評，我會繼續與大家繼續發掘有咩CP高的冰糧！(敬禮)