大街餅店

營業中

休息中

💰米奇窩夫連飲品 $70窩夫其實口感幾好，外脆內軟，而已夠大份，食到好飽🤪 但味道就差啲，好似無味咁，雖然加左小量忌廉同水果，但都係無咩味🍓🍦覺得迪士尼大街雪糕店嘅牛奶雪糕係最值得食，又香又滑！不過今次佢哋出咗萬聖節特別版，目測超過40人排隊，我放棄了🙌🏻📍大街餅店 🔍地址︰大嶼山香港迪士尼樂園美國小鎮大街

踏入十月 天氣都仲係幾熱下行到中午已經頂唔順想食下凍野經過美國小鎮大街見到間雪糕鋪即刻買個黎降降溫 過下口癮———————————————雙色扭紋雪糕 （$52）店鋪提供兩款口味可以選擇分別係藍莓同北海道5.0牛乳要試就緊係試哂兩隻啦藍莓味酸酸甜甜好突出反而牛乳味就相對淡啲基本上會比藍莓遮蓋左 冰感重啲無咁膩 消暑一流不過就會快啲溶雪糕軟滑 脆筒香脆上面仲插左個黑魔后頭飾形狀既朱古力打卡一流以樂園價黎計 哩個質素都算對得住佢個價錢

🤍今年disney Halloween出左jack jack麵包！！賣相好靚，中意jack jack嘅我就買左嚟食啦~😍😍 (๑ºั╰╯ºั๑)🤍個包幾甜，上面啲朱古力加埋一齊食就甜上加甜，中意甜嘅人應該都會中意食(σ°∀°)σ..:*☆

☀️夏天熱辣辣🥵去樂園挽就最啱食雪糕透心涼❄️🧊係美國小鎮大街嘅小店就可以食到之前15週年軟雪糕 ($52): 4/5就有🥛北海道5.0牛乳味同夕張蜜瓜🧡揀蜜瓜味好清新食完覺得好涼爽🧊💓而家仲有萬聖節特別版😈🍦黑巫婆軟雪糕 ($52): 4/5 有🥛北海道5.0牛乳味同🫐藍莓味揀要快啲食好快會溶💦💦🧇米奇氣泡雞蛋仔套餐 ($70): 3/5套餐包一支樽裝飲品🍊雞蛋仔上唧有橙味嘅cream, 味道唔係好夾😣 可能如果配嘅係雪糕會比較好😉😉📍 𝐇𝐊 𝐃𝐢𝐬𝐧𝐞𝐲𝐥𝐚𝐧𝐝 (大嶼山)🐰: 3.5/5#eatwithkeikei #hkfoodie #sweetiedaily_hkdisney #hkdisneyland #disneyland #softserve #icecream #hk #hkfood #hkblogger #steak

今日食評有✍🏻 Main Street bakery@HK Disneyland 試食指數⭐️⭐⭐⭐⭐店舖衛生⭐⭐⭐侍應態度⭐️⭐((每項5⭐️為滿分)) ·每次嚟到Disneyland 都會入去bakery shop睇下有咩靚靚餅點今日試吓 donut set @$54有米奇老鼠米妮、唐老鴨、Duffy造型甜度都差唔多揀自己鍾意嘅卡通公仔就可以喇打下卡都唔錯🤤·599Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

—米奇窩夫餅套餐($70)包$35以下飲品單買要$60 加多10蚊有埋飲嘢抵d甩模甩得好靚 好似有唐老鴨模揀waffle飽滿鬆化 偏牛油鹹香?! 仲有whipped cream同生果粒自己整會鍾意食甜d嘅版本之前見人係有米奇模樣嘅黑膠盒裝住兩邊耳仔分別放上cream同水果而家係用紙盒一次過擺晒——————————————————————Main Street Market 大街市集大嶼山香港迪士尼樂園美國小鎮大街

去到迪士尼一定會去睇下有咩特色甜品✨適逢15週年又點可以錯過佢地既特色限定甜品呢😍❀ 15週年軟雪糕🍦去到迪士尼必叫既打卡雪糕💕想食既朋友可以到大街餅店附離既雪糕店購買～今次揀了雙色扭紋，姐係北海道5.0牛乳🥛及夕張蜜瓜味🍈。雪糕上插有一塊米奇造型既15週年金色朱古力牌，表面灑上星星脆皮糖，配埋雪糕食好有口感～整體味道蜜瓜味會較突出，亦有淡淡牛乳味。要注意嘅係天氣炎熱雪糕好快會溶，所以大家打完卡就要盡快食啦🥰❀ StellaLou紫薯慕絲鍾意StellaLou既我又點會錯過依款甜品呢💕紫薯慕絲質感軟滑，亦有香濃紫薯味，上面插了一塊小曲奇及StellaLou朱古力牌，造型非常可愛😍

⭐⭐🏰迪士尼嘅扭扭雪糕！ (๑ºั╰╯ºั๑)🍦🍦🍦呢個雪糕係喺位於迪士尼美國小鎮大街嘅一間雪糕舖 度買嘅。╰(*´︶`*)╯🤍佢分別有售北海道3.6牛乳嘅口味，蜜瓜嘅口味，或者係雙扭紋，即係兩種口味加埋一齊嘅口味。🤍聽聞呢啲口味仲會根據唔同嘅季節而改變，之前有見過係北海道3.6牛乳加巨峰提子嘅味，反而冇咗蜜瓜味。( •̥́ ˍ •̀ू )🤍但我淨係試過係蜜瓜味加北海道3.6牛乳的mix埋一齊嘅雙扭紋炸。🥲曾經聽過啲人話迪士尼嘅雪糕係最好食嘅，但係我食過之後就有啲失望。(ㆆᴗㆆ)🥲個人覺得蜜瓜嘅味實在太重，完全覆蓋咗北海道牛乳嘅口味，如果再買，我會淨係買北海道3.6牛乳嘅口味而唔會mix埋其他水果嘅味。,,Ծ‸Ծ,,🥲但始終價錢都比較貴，好似大概五十幾六十蚊，所以我諗我應該唔會再買。(•᷄ε•᷅ )🥲加上佢融得好快，疫情嘅時候帶口罩令人處理的更加狼狽，呢種麻煩令我更加唔想再買。(•᷄ε•᷅ )🤍不過上次經過見到而家有賣杯裝，但仲貴啲，所以大家都可以自己考慮試唔試。(◍•ᴗ•◍)ゝ😍🥵不過夏天咁熱，食番個雪糕都幾開心嘅！(๑ºั╰╯ºั๑)🐝🐝

🧇🏰米奇窩夫套餐原價$70，但因為學生會員平日有優惠就係$60～🥤就係一個米奇窩夫加一枝水or汽水，我就揀左可樂啦🥰今次已經係我第三次食米奇窩夫，個人覺得都係咸左啲，但都幾好食嘅，只係啲cream都係比較稀嗰種，一啲都唔實，所以我都好少點。🤍上面個米奇白朱古力就好甜啦，但都因為15週年刻左個15logo喺到，都幾cute！🍓🫐另外就有士多啤梨同藍苺，仲有啲苺苺醬，但因為我同朋友都唔食苺嘅，所以就冇試到啦。🥵另外，個餐廳係室外嘅，有好多雀仔，啲雀仔唔驚人架！你一走左佢就會喺曬啲枱橙到食野，如果大家都好似我咁驚雀仔應該會坐得好唔舒服……🥲😅上次嚟食我男朋友仲差啲中雀屎，雀仔痾左落佢手臂隔離5cm嘅距離!!!∑(°Д°ノ)ノ☀️所以大家都係拿拿臨食拿拿臨走啦(,,Ծ 3 Ծ,,)🐝🐝

🤣🤣每次泥disney必食嘅就係呢個mickey waffle學生會員好似仲有discount！！！可以$60就有一個waffle 加一枝可口可樂~(๑°3°๑)樂園嘅汽水一向賣得好貴 所以學生優惠真係好抵架另外 講番窩夫先 窩夫真係係disney泥講比較高水準嘅食品😍😍😍記得第一次食嘅時候覺得太脆 所以bkacklist左佢 但之後有啲意外再食 就發現個窩夫都幾軟 🧇🧇有雞蛋仔嘅感覺同味道 好驚喜！🥰🥰賣相唔洗講都好靚 冇再令我失望ε٩(๑> ₃ <)7з🐝🌈☁️🌊💦☀️

淨係食甜野真係頂唔到肚架😝四點零鐘我又餓喇( ºﾛº)🎩 米奇窩夫套餐 🧇🥤$70肚仔餓見到小攤檔做緊套餐優惠！！！( ꇐ₃ꇐ )✧︎*。我地揀左大大粒既米奇頭窩夫+汽水餐 🤓我地放一小啖cream 落去個窩夫度食啦，食左一啖個反應係：點解個窩夫係咸既？……(*꒪꒫꒪)💧不過口感上做到外脆內軟，又唔係差既。係個味道 ‎(˶ ̇ ̵ ̇˶ )用黎頂下肚ok 🤫 眼見都幾多人食架😄👸🏻相信大家玩左成日都攰喇~想搵個位食野有少少困難(〃'ω'〃)同埋唔知係咪而家一般物價太貴，就算過去幾個介紹幾款樂園小食都唔覺太貴。

🎩 15週年軟雪糕 🍦💫 雖然唔係烈日當空，但係大熱天時三十幾度☀️熱到超級想食返杯雪糕💦 仲要呢款係佢地十五週年期間限定 ，點都要試試佢！‪๛ก( ᐖ ‪ก )有留意佢地社文平台，佢地又轉左口味喇～ 係夕張蜜瓜🧡同北海道牛奶味🤍，兩款口味都各自可以單點，不過有得揀梗係要雙色扭紋啦🧡🤍😌🍈蜜瓜味雪糕很香很重很fresh，配搭淡淡的牛奶味，不會太甜，唔會有甜物的負擔😚雪糕甜筒上仲配搭顏色豐富既星星同彩虹針糖裝飾🌈，加埋塊👁‍🗨米奇頭朱古力牌🔺▪️，真係又睇得又解暑👍🏻👍🏻👍🏻✨

揀冬甩🍩 選擇困難症出哂黎🥸真心講D冬甩全部都出到咁粉色少女系 超難揀款(〃'ω'〃) 而我唔知點解最後都會揀左Donald Duck‪⸝⸝- ̫ -⸝⸝‬𓅿 Donald Ring 🍩💫 Pastel Tone唐老鴨造型的白朱古力外層做上的冬甩外層朱古力都幾甜，不過個麵包位做得好！好！食！係真既 ，冬甩🍩做得超級煙韌，想食多個😝打卡要緊～～～ 可愛得唔捨得食😚非常之煙韌好食既甜甜圈🍩個個買完麵忙住要打卡先😍😍😍

成日以為迪士尼冇嘢好食，不過其實呢間大街的餅店嘅甜品同冬甩真係好唔錯，質素好高！有大門一直入去，大街右手邊，好容易認到的🥰入面有好多唔同甜品，有布甸，蛋糕，同埋佢哋最經典的冬甩🍩！佢哋嘅冬甩好特別，造型全部都係佢哋嘅迪士尼公仔人物，甜甜圈的外表七彩繽紛，我最鍾意就係Duffy ！好可愛啊！甜甜圈質素實在太高，整個甜甜圈🍩沾滿了朱古力🍫，唔會太甜！不過值得一題，佢哋嘅甜甜圈唔係一般嘅蛋糕質地，入面係麵包質地的，即係圓形麵包，沾咗朱古力🍫我仲打包左一個返屋企食，哈哈😆太正同埋注意一下呢度係冇位坐的！

一入到迪士尼除左玩之外食野都好重要既咁一定係要食呢個冬甩上次同男朋友食飽左先入去玩 想食但食唔落到走既時候又賣哂今之醒目啦 一去到就即刻買原來買完可以擺到夜晚返去拎 當然啦唔會雪落雪櫃 室溫咁擺所以會溶溶地我買左Donald duck同shelliema隻隻都一樣味 $42一個雖然溶溶地不過拎到返屋企都仲keep到個樣都算係咁啦 冬甩都聽過唔少人介紹 咁都無失望 朱古力好夠甜 我自己好怕食到膠膠地既朱古力 呢個絕對無膠既感覺 同埋個冬甩好軟熟