大阪王將 (已結業)

平日下午茶時段，人煙稀少，看到所有拉麵半價，非常吸引。我們一行三人每人點了一個拉麵。我們點了吉列豬扒、叉燒、炸雞，三個份量都是平時正常的，沒有因半價而減少，另加了一客6隻餃子，只是$20。醬油湯底非常美味，還加入了糖心蛋，炸雞非常新鮮，即叫即做。炸物另上，非常好。餃子非常美味吉列豬扒粉漿薄叉燒非常瘦，肉質淋，沒有肥肉，超級推介。三人結帳只需$133值得推介下次可以再來環境不錯，位置方便舒適，非常抵食

行aeon行到晚飯時間，路過呢間，以前食過，但應該都有五六年無食過，所以想再試下。荃灣呢間鋪面比較細，但七點幾都仲有位，唔駛等。打開個餐牌，其實食物種類唔多，都係飯、拉面同餃子。我就揀左個元祖天津蛋咖哩豬排飯，朋友揀左個炸豬排拉面，配個餃子飲品set。落單等左陣，好快就黎左個餃子，算煎得唔太燶，配上醬油剛剛好。之後上嘅係個飯，飯同汁係分開上，好似食鐵板咁。我最欣賞個蛋，好有口感，好豐厚，食完好有飽肚感。最後黎嘅拉麵，就不過不失，朋友話一般。

本身諗住大阪王將依個名既野食應該唔差，點知都係大失所望。首先叫既大阪燒餃子超級林，完全冇煎過咁既樣，得d鰹魚乾正常d。坦白講自己係超市買既大阪王將餃子煎得仲好食過佢煮。第二個豬扒天津飯就梗加唔得，d豬扒好明顯係睇到係雪藏唔係即炸既，成舊野紫色既d肉，肉質又要硬，完全唔得。成舊飯最好味就係d蛋。唔怪得成間野7點都冇乜人食，完全係劣食之最，影衰左個品牌評分:食物:1/10態度:2/10環境:2/10性價比:1/10總分: 6/40 (唔合格)

收工約左朋友去睇戲，由於時間緊迫，所以只可以係戲院附近覓食今次揀左呢間大阪王將，平時行吉之島成日都會經過，每次望落都覺得唔差。本身以為佢只有咖哩飯，但原來仲有其他醬汁既飯、拉麵同小食因為我同朋友都好餓，所以每人點左個飯再各人加錢要餃子。有選擇困難既我，睇天津飯既menu都用左唔少時間..飯、蛋、汁、topping，樣樣都有幾個選擇，朋友都等得唔耐煩啦…😂和風炸雞、芝士天津蛋(+$5)、五味海苔飯配咖哩汁($68)見到d芝士係鐵板上起哂泡就知塊板非常熱，影完相就即刻淋d汁上去。鐵板”吱吱”聲，咖哩香一擁而上，食慾大增😃。炸雞有三大件，唔鞋又唔滑，可以接受；芝士天津蛋可以拉到少少絲，但無乜芝士味😣，反而個蛋好滑好有蛋香，幾好味😯個海苔飯唔會得個樣，食落海苔味重而且香，食到個底有少許飯焦、芝士焦添，整體都唔錯吉列豬扒、天津蛋、五味海苔飯配咖哩汁($68)呢個係朋友點既，佢有d失望，因為個鐵板唔夠熱，淋左汁都無反應😥吉列豬扒未炸到金黃就上台，結果唔係好脆；厚度比較薄，所以食落炸粉感偏重，但肉質鬆軟元祖餃子6隻(+$20)我見好多人都話煎得香脆，但偏偏我果兩碟一d都唔脆😭….餃子皮好薄，不過內餡

點了個 $68天津飯 (田園菜飯+元祖天津蛋+神戶燒烤汁+漢堡扒)全自選配搭，蛋皮薄滑，留著少許蛋汁，菜比一般菜飯大片翠綠，比較喜歡咖哩汁，漢堡扒味帶甜，不過不失。待應生協助揀出趕時間精選，半小時內可閃人，值得一讚。👍

這間店十年前試過天津飯已經回味無窮，今日經過終於經過可以回味返想當年一食鐘意既蛋包飯了.....不過比起當年味道冇變，變左天津飯多左兩隻炸蝦同餐牌多左好多款野食既選擇！必食既餃子味道依舊皮薄多料新品種既天津飯，配咖哩汁，個人覺得都係傳統既天津飯隻汁好味！試埋拉麵，拉麵都好味道！依舊唔記得咩名堂，但都幾好食同當年比較之下，餃子同天津飯味道依舊好味，只係多左唔同款式既野食，下次都想試下其他鐵板燒既飯類好似好味咁！天津飯！餃子必食！

以為大阪王將只係食餃子，原來都有其他好多野食餐牌呢個build your own tenshinhan, 就覺得好吸引，可以自選唔同的飯，蛋，汁同配料今次揀左五味素飯，元祖天津蛋，吉列朱扒同咖哩汁，未落汁個樣係咁既落汁之後呢，d 汁熱呼呼飯有淡淡的五味，而且仲有少少飯焦蛋整整蓋住了飯，連同咖哩汁食，又滑又香，而且食得出蛋有幾層，口感更豐富同嫩滑吉列豬扒就乾左dd, 如果可以多d 肉汁d就完美還有追加了餃子六隻，餃子多汁，皮也是脆的，整體滿意

今日黎到「大阪王將」，响門口睇餐牌睇左好耐都唔知食唔食好，跟住就見到呢個手鍋餐，未食過，決定入去試下。入到去見到牆身天花都紅白嘅圖案，都幾得意。個「咖哩吉列豚扒手鍋」餐黎到時，哦～原來係咖哩汁配吉列豬扒，只係用個火熱住😂😂👍，睇相以為有湯底，我太天真了，😅咖哩汁香濃而不辣，配白飯食會胃口好d，吉列豚肉炸得個面都算香脆，但中間粉漿有小小厚，椰菜上碟時係生嘅，用呢個鍋燒方法整熟菜會比較鮮甜。個餐會跟埋「麵豉湯」， 湯嘅味道不會太喊或太稀。

公司好忙呀，忙到lunch time都係求其食左幾塊餅就算，晚上OT後同同事出左黎Aeon商場度食野（係灣景廣場先啱，雖然同事一直稱呼佢做Aeon商場，哈哈），是晚揀左食大阪王將，其實幾年前食過，當時的侍應姐姐實在令人冒汗，今晚黎到，感覺又唔錯，比多次機會佢啦。店員好快送上熱茶同餐牌，態度友善。都幾肚餓下，一人點完個主食仲加左幾款小食，哈哈，會唔會誇張左？！餃子（+$20）跟餐加20蚊可以跟元祖餃子一份，一份有六隻，外皮煎得脆卜卜，餡料軟滑，點少少餃子醋就已經好好味了。吉列南瓜餅（$24）外層香脆，內裏軟綿綿，甜甜的南瓜蓉好香，幾好味。大阪小丸子（$32）多醬，多紫菜，多木魚絲已經夠正，小丸子即整的熱辣辣，軟腍腍好好味，個人非常喜歡食小丸子，哈哈。香辣野菜豚肉醬油拉麵（$74）同事揀了食拉麵，一堆不同種類的蔬菜，加上嫩滑豬肉片，湯底微辣很惹味，拉麵彈牙，整體不錯。天津飯（五味海苔飯+芝士天津蛋+王將咖哩汁+吉列豬扒）（$73）豬扒厚切，鬆脆香口，不錯吃。飯本身香軟，加了海苔同芝麻等更香口了，好味。蛋軟滑，選了加芝士口味的，芝士下很多，做到拉絲效果。咖哩汁微辣，跟炸豬扒同蛋都好夾，整個飯

最近加班加到傻傻地 放工都係速食算數路過aeon見到有間拉麵都幾多人食就唔蝕入去幫襯一下 的確係抵食喎㨂左吉列豬扒拉麵 加$25轉套餐有份餃子同飲品 埋單都係$100 唔錯拉麵係豬骨湯底 唔會太咸同太濃麵質都算幾彈牙 而且份量唔少吉列豬扒岩岩炸起 熱辣辣 脆卜卜都算厚切 咬落啖啖肉 點埋沙律醬一流重有跟餐餃子 即叫即煎 要預返少少時間等煎得十分香脆 中間夾有豬肉同菜 唔錯最尾加左份田園雜菜健康一下有木耳 白菜 椰菜 蘿白絲等等 入口都幾爽甜

今次嚟到荃灣灣景廣場Aeon地下嘅 一行二人食晚餐點咗四樣嘢食......「海鮮脆脆麵 」整個脆脆麵用油把麵炸脆後放在預熱了的鐡板上跟一湯碗，份量十足的海鮮配料連湯汁一併送上，海鮮配料連湯汁淋上仍保持到脆卜卜，聽到鐵板中傳來(咋咋)聲響，感覺好像在叫快來吃我吧⋯⋯我真的很脆啊！😂愛鐵板朋友要試。。推薦大家一定要試下「大阪王將炒飯 」，飯炒一粒粒分開粒粒分明，並無太複雜的配料及醬汁又唔好太油，味道平凡中見真章「咖喱鱈魚柳手鍋」有我至愛珍珠米和味噌湯一併送上，鱈魚香脆可口。「王將揚物盛 」一共有4款炸物，每款2件共8件。抵食！

晚上用了團購券用餐，食物熱辣辣，好味，不會細碟，上菜速度有快，Facebook tag 三位朋友仲送餃子👍，用團購券也可送，我點左(天津飯配海苔飯，芝士蛋，燒烤汁，炸雞) 好味 唔細碟 仲熱辣辣😋，另外(鰻魚炒飯)亦好得，(吉列豬扒豬骨湯拉麵)，豬扒係另上的👍，仲有小食拼盤，(王將揚物盛)，裏面有炸蝦炸蠔炸薯餅等，唯一唔滿意就是卡位枱椅比較窄，抬比較細張，好逼夾，而四人餐抬椅就好小小，如果想坐耐啲，舒服啲就困難了！！

I accidentally ran into this Japanese dumpling shop, I didn't know that they have it in Tsuen Wan as well. This shop is different compare to the one in sogo, there are more choices. My favourite egg omelet rice has a wide range of choices. You can choose the type of rice, the sauce and the toppings. I chose the seaweed rice with Japanese soya sauce and Japanese burger meat. It came very quick, I like the way that they separate the sauce so that I can pour the amount that is suitable for me. The

某個星期天在荃灣搵食因為實在太熱的關係捐咗入去商場，見到這一間大阪王將 Osaka Ohsho都不理好醜走入去試下啦！估不到誤打誤撞又撞得出驚喜來喎！ 呢間門口極度卡通的日式餐廳主打吃的是蛋包飯、日式拉麵等！比我感覺有啲膠膠哋呢！ 內裏牆壁天花板全部都是卡通公仔感覺很有童真，希望食物質素唔會太BB班啦！ 在午餐餐牌中選了天津汁吉列豚扒天津飯＄58，午餐還包括罐裝飲品或熱柚子蜜、薑茶一杯，唔使問阿貴我梗係揀可口可樂啦！飲品就普普通通啦！但跟餐有飲品又不須額外付費我覺待OK了！ 吉列豬扒蛋包飯上檯時用鐵板盛載，熱哄哄的感覺十分美好！ 切開雞蛋部分還有蛋汁冒出，飯粒仍保持爽口好有驚喜喎！ 吉列豬扒外層做得酥脆香口唔油膩，內裏的豬扒肉亦唔會薄如紙咬下去好有口感，當然＄58我唔會要求佢好有肉味啦，但它的表現已經合格有餘了，唯獨是那個天津汁我就覺得麻麻哋！有少少像醬油獻稠稠的唔係我杯茶囉！如果配日式咖哩我相信會更加吸引。 車爸爸則選了醬油野菜東波肉拉麵＄52配熱柚子蜜，拉麵賣相唔算好標緻，但兩片肥瘦均稱的東坡肉看上去味道像不錯呢！ 東波肉吃下果然味道十分出色，質感有咬口之餘又夠入味而且肉香滿滿，我

團購左兩張現金券雖然事前都知道優惠不能同時使用但原來套餐的追加都算是優惠(追加系列18蚊 6隻元祖餃子 或23蚊 6隻元祖餃子加飲品)希望下次可以寫清楚少少😞免得我叫果陣先知 就求其叫失左預算可能因為咁我叫貴左 平少左我叫了鰻魚飯 鰻魚炒飯 吉列豬扒拉麵 一碟元祖餃子 一碟明太子餃子 再加一服務費= $288.2如果我可以追加我會鰻魚飯 鰻魚炒飯 吉列豬扒拉麵 三碟元祖餃子 大概沒有計算錯的話$270.6但優惠券兩張減返$64 實際支出$224.2 都算打左個八折 如果計到盡$300左右就可以七折建議大家諗好食乜 計左齊頭100先用優惠 可以用到盡拎個68折食物方面, 今次冇乜影到相, 剩係影左元祖餃子食物只係一般水準 冇咩特別 下年係日本會再試