大雲吞麵食 (已結業)

呢間粉麵店個招牌菜就係佢既店名大雲吞,記得細個時曾經平到11蚊一碗,而家搬左舖同過左咁多年,爛然加哂價,但唯一不變既係佢地既雲吞都仲係咁大粒,真係粒粒都大過乒乓球,而且店員姐姐係會坐係你面前包,真材實料絕對唔怕俾你見到

喺某年某月某日去咗個朋友仔屋企打邊爐發現佢攞嚟打邊爐嘅雲吞好好食啲雲吞又大粒，啲蝦又爽，啲蝦肉又多雲吞皮又唔散，真係超級好味然後就問佢喺邊度買佢就話喺元朗呢一間買嘅我忍唔住某日就去咗買一打返嚟然後買返屋企同屋企人分享媽媽食過都話抵妹子食過都話正係巴打食完話蝦味太鮮佢頂唔順就係鍾意佢啲鮮味吖嘛頂本來我覺得一盒12隻$42有啲貴後來發現都係三個半一粒啫仲要出面啲雲吞邊有咁大粒下次試吓堂食先😆😆😆唔記得咗影雲吞添🥲下次堂食補返😅

上星期去咗大西北玩，約咗朋友仔去元朗，等候嘅途中好肚餓忍唔住入咗去一間好懷舊嘅麵店食嘢，CP值都幾高架！呢間舖頭純粹係我等朋友咁啱見到，食呢啲咁舊式嘅麵店，當然就係要試吓佢嘅牛腩同埋豬手啦！我自己叫咗個牛腩牛筋河粉，我朋友就食咗豬手雙拼粉麵。舊式嘅牛筋牛腩通常都係五香牛腩，而家已經買少見少，一睇碗麵就知道佢哋嘅腩汁燉左好耐，所以醬汁呈現出膠質嘅感覺，五香牛腩既陳皮味極度濃厚，令到佢哋嘅牛腩入口竟然有陳皮陪甘嘅味道，佢嘅牛筋亦都炆得好淋，入口QQ好似啫喱咁，以30幾蚊嘅價錢可以食到呢個質素嘅雙拼粉麵我覺得CP值好高。大家如果經過嘅話都可以試吓！🇭🇰大雲吞麵食香港元朗阜財街18號地下🇭🇰

喺大雲呑其實我係中意哎水餃面嘅lol多蔥加腩汁係最想嘅哎法。面冇剪嘅少少鹼水味可接受，面底通常都送兩條生菜，好似尋寶咁外賣可以喲姐姐俾一樽仔辣椒油，坐底喺鋪就唔係好想啦，通常都買反屋企嘆！

啲嘢普通雲吞唔靚仲差過車仔面麵啲，走果陣買2包鱼皮問佢攞個袋，因為已經掟住好多嘢，第一個阿姐唔啋我净係攞走我手上張50蚊纸，我以為佢聽唔到，找完錢再問多一次，佢先好晦氣咁講……無袋㗎，要袋要5毫子本來5毫子無所謂，但咁無禮貌梗係唔俾啦，咪袋好啲錢再塞2包鱼皮落自己買嘢啲袋囉。點住第二個阿姐竟然出聲喝我叫企埋一面，唔好阻住個門口，我望吓佢望吓個門口，點樣阻佢呀？佢仲要加多句，係無袋加！點解啲人做飲食可以咁無禮貌嘅呢？

因為太久沒有吃雲吞麵了，現在找一間非常好食的麵店真的很難！因為這家店之前有買過他的生雲吞用來在家吃火鍋，覺得還不錯，那就直接去這家店內吃啦！通常我在麵店多數是叫雲吞麵，那我朋友就叫了牛根河🍜麵一來到的時候我覺得雲吞很少只有三粒、另外牛根有一條毛可以弄到不太清，說真的我有點失望！可是食物的味道還不錯👍🏻而店內的環境沒有什麼特別，只不過是一家麵店，服務也沒有什麼特別好或是不好，店員也是自己談天，我給錢也沒有一聲謝謝罷了

其實我食過呢間店的雲呑已經好多年了，平時媽咪會買1,2盒生料雲呑返屋企自己煮。今次同媽咪去開附近做完Facial就直接去堂食。餐廳係又新街隔離，地點唔難揾。單拼粉麵一律$26、雙拼$32、三拼$38。媽咪叫左碗雲呑麵，麵都幾彈牙。至於雲呑比之前已經細粒左，不過相比市面上的都唔算細，豬肉及蝦夠鮮，味道鮮甜。另外，我們叫左一碗牛肉麵，牛肉的量唔少，口感都幾淋身。如果真係要兩碗揀一碗，我都會揀返雲呑麵。==============================鍾意我分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)

雲吞大大粒，好足料，d蝦肉好彈牙好大隻好爽，不過得2粒，牛腩好均勻唔肥唔瘦，口感好，夠火候，入味，盡顯吞腩河的絕配味道!早上人唔多，地方寬落，環境可以，一般粉麵舖咁，值得一試。

小小一碗，麵條很少，雲吞又只得三粒。三粒雲吞，飽滿，內裏蝦肉不少，兩大粒蝦，皮薄，但蝦肉不算十分鮮美，或可以說是沒甚蝦味。至少比灣仔碼頭那些大而飽滿，相信應該是自家製作，方有這麽飽滿的雲吞。 麵條，選了許久沒吃過的粗麵，味道一般，不彈牙。份量極少，與勝利牛丸有得揮，猶如兒童餐一般，但現今的孩童那麽高大，可能兒童也不夠飽。這類雲吞麵，舊日十元十多元一碗，現在廿元，只能當作小食般。當作正餐的話，之後必定要再吃其他東西。 特別的是，店有有十多張桌，如坐滿的話，可同時容納五十多人一同吃雲吞麵，相當壯觀。

同朋友買完餸又有少少餓，朋友介紹了這間大雲吞麵食! 每人叫了一碗雲吞麵！三大粒雲吞和適中份量的麵! 湯底有大地魚味和清甜！雲吞爽口和蝦新鮮！而蝦的數量也不少! 一碗麵$21，跟凍豆漿加$6，共$27不算貴了! 可是朋友話本來一碗麵有四粒雲吞，所以變相加價了! 唉! 我都明白租貴! 無計!臨走還買了兩打生雲吞回家encore！$28一打，不錯了！因為隻隻雲吞大大粒! 正! 一定會常光臨！

大雲吞麵食既雲吞真係好大粒，蝦肉都好爽口彈牙，而且一碗有三大粒，每次吃完都好滿足，加上粗麵亦都好爽口，沒有淥到過淋，$17一碗絕對超值~至於呢度既水餃麵($17)我個人覺得水準比雲吞有過之而無不及，同樣一碗三大粒，內裡有爽口木耳、冬荀、豬肉同蝦既比例很恰當，加上水餃即叫即淥，沒有某些食店預先淥定，水餃皮過淋的通病，以$17可以吃到這種質數水餃，其實平價食物很多都很美味的~豆漿($7)，大大支豆漿，有淡淡的豆香，而且不會過甜，又夠冰凍，吃完加了辣椒油的粉麵必喝呀~腐乳通菜($1X)，通菜不是時常供應的，若果有我就會點，因為我腐乳配通菜非常夾，這次的通菜很嫩又綠，配上大量的腐乳醬才好吃呢!! (P.S. 我會叫多醬的~)由於食過好幾次，這個食評是綜合才寫的~