大雲吞麵食 (已搬遷) 新店位置

次次我HONEY 入黎元朗...我都會同佢黎呢度食返碗雲吞麵&牛筋河...佢地D雲吞麵真係好好食,雲吞勁大粒,裡面D蝦好爽...雖然1碗麵得3粒,但10蚊既價錢食到1碗咁好食既雲吞都,都抵返晒...而牛筋河都唔輸蝕...D牛筋都幾稔下,但仍有咬口,亦夠入味,相比起勝利牛丸更為好味...至少唔係一碗味精勁濃既湯底...總而言之,好好食,一定會再食...

昨晚mami去左哩度外賣左一打雲吞做,每粒都好大粒, image 巳給我好大既印象分了,一如上一食評講, 真係好多蝦, 豬肉份量都恰到好處,真係好正呀@

呢野野開左好多年架啦！我讀中四五果陣，去對面公共圖書館溫書時成日都幫襯佢…有咩特色？佢0的單料麵全部都係10蚊！份量都OK架，唔細碗。0的雲吞...就真係大大大大大大粒架！如果你想一啖咬食，有排你趙呀...哈哈！0的雲吞裡面0的蝦用大蝦，又夠豬肉。份量十足…！味道夠鮮！勁有口感！我有次晌果陣食緊野…聽到隔籬檯有個大叔一邊食一邊讚嘆：嘩！仲好食過九龍果0的呀！好好食！好好食！可能佢誇左少少…但真係好好食！^^除左雲吞，佢地0的牛肉都好好食架！我有時會叫，雲吞牛肉河加色。正正正！^^其他野....我就冇咩點試...因為食雲吞、牛肉都已經好滿足^^丫...佢地0的豆漿都好大杯...4蚊杯...隨時夠兩個女仔飲，但冇咩味...但OK la~不過，佢地地方都唔係幾乾淨...感覺但，都可以接受0既~^^