大鼻滷 (沙咀道) (已結業)

因為要到醫院接受物理治療，所以錯過了午飯時間。完成了療程立即在附近尋覓小店醫肚。在沙咀道轉角位置找到這家小店“大鼻滷”，估計是潮州粉麵店。急不及待推門進店，濃濃🐮🐂牛肉味撲面而來😍😍😋😋不禁吞口水，兼肚裡咕嚕咕嚕🤣🤣救命呀😅😅好肚餓呀😂😂😂快速看看餐牌，並點了牛筋腩魚皮餃河粉加忌廉😋😋😘😘湯底有好濃既牛肉味，牛筋及牛腩都入味及冧而不爛看到隔離枱嗰碗牛什河，好正。下次要來試牛什🍜🍜

中咗伏！呢碗牛腩河見到個樣已經知佢唔掂……啲肉又少又鞋又韌，湯又冇味，無下次！牛腩河好難會難，佢做到啦，恭喜！ #荃灣 #大鼻滷 #牛腩河 #無下次 #劣食 #中咗伏唔可以淨係得我一個知道

前排去過堂食已經見識過呢位呀姐對聾啞人士幾咁不友好，今日去買外賣個時因為付款方式而俾佢鬧到一面屁，我已經提前講明用信用卡俾錢，但呢位呀姐就理解為用八達通，大大聲喝我做咩仲唔拍卡，然後我平心靜氣同佢講多次係用信用卡，佢一輪嘴係到鬧我早咩唔一早講，有一刻我以為我自己係度乞緊食。。。真心個句，呢間野崩沙腩唔差，但咁嘅服務態度真係可一不可再呢間野新開張個排都成日同啲同事去食，但呢位呀姐態度真係好有問題，所以後期都少咗去幫襯

牛雜飯（$52）牛雜份量一般，有金錢肚（頗彈牙，口感不錯）、肺（正常，軟硬適中）、腸（唔太肥，肥膏亦唔多，但太細件）、膀（正常，唔死實，但唔太粉）。滷水味道正常，唔算太咸。另外有數片生菜墊底。整體都勉強對得住個價錢。凍檸茶加$2。

見到咁多好評，諗住都係普通粉麵，應該實無死，點知係我食過最無誠意嘅牛腩河🫠完全唔合格。叫咗個牛三寶粉（$49），啲餸份量唔算多，但係最失望係個湯底味道好單寡，只有鹹味，完全冇五香汁嘅香味，完全唔合格。加左辣椒醬先好食dd。平日堂食晚上人不多，見其他人多數食崩沙腩飯多，可能我叫得唔好，不過都唔會再俾機會。好處係環境光猛，地方乾淨，人少少都算好坐。行多幾步漁川好食有誠意好好好多，諗住試下新野又出事。再一次俾OpenRice嘅好評呃得徹底。荃灣區大部分粉麵檔麵好食多。

行到荃灣沙咀道己經係下午三點半，見到呢間舗嘅牛腩相當吸引，於是入去食啦，去到客人唔多，見到餐牌上有很多套餐選擇，有粉麵，有飯，仲可以額外另加小食添，跟餐仲奉送熱飲，凍飲只係加$1啫今次叫左牛腩河$38,另外加左蘿白牛雜$28,同埋飲凍檸茶，牛腩河牛腩件數幾多，切得均匀，食落牛肉味濃郁，肥瘦比例好好，個湯一啲都唔口渴，蘿白牛雜幾入味，有牛肚，牛肺，牛腸同牛膀，味道唔錯，牛雜處理相當乾淨，蘿白完全吸哂鹵水汁又冇渣超入味大鼻滷食物選擇多相當抵食，值得再食！

真眼闊肚窄，呢間有40年歷史潮洲麵店提供好多菜式*牛三寶 例牌(牛腩、牛筋、牛肚) $57牛肚爽口入味牛筋腍得黎有咬有牛腩肥瘦均勻，肉質嫩口*金牌崩沙腩 例牌 $103份量好多，肉和肥膏層層相間，食起超重油香味，口感嫩滑😆*黃金魚角 小食 $20用筷子夾起已經感受到彈性😍😍 食落勁爽口彈牙，仲有淡淡鮮甜🤤*豬手 小食 $23炆得軟熟入味，唔會過咸*鮮蝦雲吞 小食 $20自家製，皮薄多餡，裹面有2隻大蝦，彈牙爽口配新鮮豬肉，味道鮮甜😍👍🏾 *鳯城水餃 小食 $20一樣都係皮薄多餡，除蝦仲有木耳絲，口感一流*檸檬柑桔蜜 熱 $18以為用韓式樽裝柑桔蜜沖水，但見新鮮柑桔皮絲🤭 挺鐘意味道唔會死甜*豆漿 凍 $9

平時都係我發板去邊間餐廳食飯，今次老豆話有間牛腩幾好食，兩父女撐枱腳咁話🤣呢間餐廳個名好得意—大鼻滷。其實係荃灣同大窩口交界，係大鴻輝果邊往寶石大廈方向行，反而OP個地址好似唔準。老豆叫左個牛三寶飯，有牛腩、牛筋同牛肚，飯好大碟，連餸都有好多。試左嚿牛筋，好稔好入味。見湯底有得加酸辣，我就貪新鮮試下，估唔到又同牛腩幾夾播。湯底多左好多酸豆角同店酸菜，辣辣地好過癮。餸要左崩沙腩，果然係招牌菜，爽滑有口感，又有牛味。水餃飽滿，木耳爽脆。腐乳通菜要左大份，腐乳比得超多，真係好大碟，我地差啲食唔晒。

做完野去附近搵食，見到呢間叫大鼻滷嘅粉麵店，個名咁得意就試下佢先。店內好旺坐滿客，好彩最入仲有張枱唔使等位啫，坐低後店員送上熱水。睇下餐牌叫咩先，除咗粉麵，仲有得叫飯喎，早餐同下午茶時段仲可以加一蚊就有冷熱飲品，嘩，抵喎！咁熱天，叫返杯凍檸茶走甜先，唔知係咪茶底熱呢？有杯冰另上，正呀。一般叫走甜黎到杯飲品都係唔凍嘅，我估係無預備無糖嘅茶底啦。呢度自動比多杯冰太好了，講返杯檸茶，茶味都唔錯，仲有四片檸檬夠香口。叫左碗麵加碟菜，有肉有菜係咪健康啲先？哈哈，自我感覺良好。都幾大碗喎，多湯正。本來叫個崩沙腩麵，店員推介佢哋個雲吞同魚蛋都自家製有保證，橫掂咁肚餓叫豐富啲都好合理吖。碟菜都好大碟，咁樣都係加七蚊咋，抵食！通菜爽口唔老身，腐乳醬鹹香微辣，正。崩沙腩好得，入口鹹香鮮味，軟腍得黎筋位又有咬口，少少脂肪位更甘香，好味好味。試埋店員推介嘅雲吞同魚蛋，無失望喎，雲吞鮮蝦大大隻夠爽口，肉鮮味，食得出新鮮包起。魚蛋彈牙唔腥，真係好食喎。湯底無乜驚喜，但飲左大半碗都無口渴，應該係無添加啦。麵爽口無鹼水味，好食。又平又好味，唔怪得咁多人啦！

💭 大鼻滷超有誠意嘅街坊小店荃灣之友想食好嘢可以即刻揀呢間！*$52 金牌崩沙腩🐂（+牛大腸）崩沙腩已經炆到林晒肥膏位既牛油香 再加埋香濃肉味齒頰留香😋老闆一啲都唔孤寒 份量好夠👍🏻（碗河已經俾少咗份量我但我覺得呢一碗河可以食到2個人囉😂）*牛大腸🐷大腸食得多牛大腸真係未食過牛大腸就冇咗豬嗰陣豬騷味如果平時連豬大腸都唔敢食嘅朋友牛大腸請你值得一試！牛大腸都有肥膏但係佢嗰陣味真係好濃嘅牛味* 豬手訪問左老闆隻豬手究竟煮咗幾耐講咗話多個兩個鐘😂我敢肯定你隻豬手一定唔止兩個鐘因為豬手最裏面嘅骨都有食到老闆精心烹調嘅湯料味...呢啲真係少啲耐性都煮唔到*鮮蝦雲吞標準作品鮮蝦雲吞入面有隻鮮蝦位置都坐得舒服！

入荃灣探朋友順便覓食，朋友話佢家附近有間粉麵檔的牛腩不錯，而且有我喜歡的牛肺可以單獨order 😱重點是很抵食🤪大鼻滷店舖不大，但地方很乾整潔！下午茶$34，加一蚊有嘢飲..又真係幾抵👍🏻淨牛肺米粉，份量不少（因為以為是下午茶份量😝）牛肺感覺處理好乾淨，厚度適中，有咀嚼感👍🏻湯底濃郁但不會過鹹👍🏻崩沙牛腩麵，崩沙腩入口煙韌彈牙，幼麵冇乜鹼水味和爽口！淨餸牛三寳（牛腩，牛筋，牛肚）牛筋不會太淋，有咬感。牛肚爽口入味🤤牛腩也不差！自家水餃，大大隻，皮薄餡料多！還有脆口魚皮，薄薄不太厚，夠鬆脆👍🏻好滿足的一餐🤪😂😂

有趣又添人情店，餐廳內座位提供潮州菜，推介美食，好物推介粉面飯餐，有油菜⼀份，有丸類粉面套餐～套餐也有粉面及飲品，週六週⽇日日也有凡是想吃的也有喔。郊外油菜新鮮，而菜之可點種類亦多，棒。大鼻滷金牌崩沙腩清湯金牌崩沙腩麵～即刻叫個崩沙腩吃，因為不是經常有貨，有要快點，好棒！清湯，非常的原味呢，試真這個湯底夠味～牛腩炆到好，香淋筋腩多過蘿蔔足料～隱世美吃～崩沙腩很棒～牛三寶棒魚旦河粉店面很大，幾張桌椅錯落擺放著，潔淨的店面～點了碗魚旦墨魚丸河粉，朋友加了魚皮一起享用，沒有誇張的成分，熱騰騰的湯河粉，是叫人一試難忘的美味。河粉充滿米香～店員分享，堅持要用靚魚，非常彈牙美味，也會用上寶刀和鰽白等代替。有冬菜、炸蒜任落，連辣椒油都有兩款，貼心慷慨！炸魚皮炸魚皮無骨的，脆薄魚皮大塊，顏色金金，看上去炸粉比例不會多。味道完全吃不會過咸，感覺香脆可口，令人吃不停口。棒棒，無添加防腐劑感覺喔。愛愛感覺好喔

荃灣細細，但實在有太多食物可以揀，平日食得太多heavy食物今日想食清淡少少，餐廳嘅位置需要google map睇得好清楚去搵路，由荃灣站行過嚟都需要一段時間，就係因為行咗咁耐覺得特別肚餓，所以好快就可以喺餐牌度揀到自己想食嘅嘢啦店舖樓面雖然唔大，但係10分乾淨而且都係做街坊生意，價錢非常相宜。配搭亦都非常之多，而且雲吞都係自家製餐廳出名食牛，牛都有好多部位可以揀，今次就揀左牛三寶河粉（加雲吞及魚皮餃），同埋招牌及崩沙腩河粉（加牛肚），另外仲叫咗個腐乳通菜，紫菜湯，同埋炸魚皮。牛三寶河每次食河粉都好擔心唔夠飽，呢一度絕對可以放一萬個心！牛腩非常之入味、好淋、牛筋一咬即開，放入口好重骨膠原，最難得係連牛肚都煮得得非常之好，街內有好多潮式粉面店要額外加腩汁先至食到牛河既味道，但係呢度唔需要額外加調味料，牛湯味已經非常之濃。另外值得一讚係啲河粉，除咗份量非常之多足夠你食飽之外，又唔會一夾就散自家製嘅雲吞一啖一粒，每一粒都有食到有蝦仁🍤，另外我都有少少貪心落咗店員推介既辣椒油，每逢買外賣嘅人都要求辣椒油我諗應該好出名崩沙腩河粉就咁睇相都已經見到牛腩層次分明，食落去更加係入口即溶，同埋雖然佢係m

朋友問我荃灣附近邊間崩砂腩好食,我就冇特別知道,不過大鼻滷算係新開,就去覓食一下…我哋叫咗崩砂腩同蘿蔔牛腩,想試下兩者分別再點了豬手,通菜,三併面, 跟餐再加錢有紫菜湯同荳漿.炸魚皮就散叫. 3併面有 (雲吞,牛筋及牛肺),難得可點選才叫牛肺,不是周圍有咁叫法.第一次食先叫崩沙牛腩呢個招牌菜因為我冇特別喜好食崩砂腩 ,佢雖然貴啲但始終是不同既部位,食下去口感是不同普通那款牛腩. 跟住配埋碗紫菜湯熱呼呼, 好味.三併面既雲吞包得夠大粒也很入味,必食之選,豬手炆得好淋,啖啖肉的.食粉麵湯底真的好重要‼️個湯加咗腩汁便夠哂濃. 價錢嚟講我覺得算抵，仲可點了多款不同食物,滿足到我的口感之福.

▷金牌崩沙腩 $52 (Pandapro 堂食75折～$39）◁既然有75折～就試佢最出名嘅崩沙腩河🤗其實都屬於👧🏻第一次食崩沙腩～肉質好腍～脂肪比例較多～牛肉味突出😍唔掛得之好多人都推薦一定要食崩沙腩～不過可能有少少過肥～食到最後有點膩…⁡湯底偏清淡～河粉分量都好多～食晒啲肉都未清得晒成碗粉😂⁡▷牛筋+牛肺麵 $49 (Pandapro 堂食75折～$36.75）◁牛筋腍得嚟仲有少少咬口～膠感重😍牛肺切成一條條長方形～食落好方便同好爽口👍🏻生麵分量比起河粉明顯少咗啲～CP值唔高～正價食就貴咗啲啦🙃⁡▷上湯時菜(菜心) $15 (Pandapro 堂食75折～$11.25）◁由於粉麵無附菜～決定叫返個菜心補充返啲纖維❤️用牛湯煮出嚟菜心好清甜～最緊要菜心莖都煮熟透～𖤘大鼻滷 (荃灣)❥荃灣沙咀道355號廣發大廈地舖(近大窩口果邊㗎～）