天丼 (已搬遷) 新店位置

對我黎講，要係元朗搵間好食既日本餐廳真係好難！今日行完YOHO，無意中發現新開左一間日本餐聽，仲要係食天婦羅丼飯，真係好吸引，於是同朋友決定大排長龍都要一試！等左成半個鐘先入到，幸好店員服務周到，坐低就斟茶遞水。餐牌簡單唔使選擇困難。我叫左穴子海老天丼，而朋友就叫左天婦羅冷鳥冬。天婦羅真係即叫即炸，遞上黎仲係熱辣辣。上粉上得好平均，香噴噴唔會好油，配搭特製醬汁真係好好味。我個穴子海老天丼有七樣餸，好豐富。當中最特別係有原條穴子，聽員介紹先知穴子係一種鰻魚。雖然成個餐好豐富，但實在太好味，所以都食得晒。而朋友都話佢既天婦羅冷鳥冬都一樣咁好食。食完埋單每人唔使100蚊，真係好抵食，下次要再黎過！

本身已經有食過青衣城嗰間天丼，覺得性價比好高。點知今個月仲開咗喺元朗，身為元朗人梗係要去食下啦。今日好彩唔係排咗好耐就食到，首先講裝修，比青衣城嗰間光猛，樓底好高，坐得好舒服，真係好精神！我今次食佢個季節限定丼，廣島蠔天丼，有兩粒廣島號蠔，一啲都唔乾，都幾大粒添！呢個丼仲跟條赤魚，啖啖肉好正！個飯份量好足，我一個女仔食唔晒，下次會叫小飯朋友就帶咗個凍烏冬，佢話面質彈牙，份量就啱啱好。下次會再嚟食，近近地啱晒我。嘻嘻

元朗新店於2019年11月6日隆重開張來湊熱鬧試新野星期日12:00到達，一個人易有位，等左25分鐘可以入坐，立即落單，25分鐘後有得食秋季限定·廣島蠔天丼$85廣島蠔2隻、黑虎蝦、赤魚、蟹柳、紫菜、皇帝菜餅、日本青森米飯、日本秘製醬油號稱靈魂之醬汁及麵豉湯追加左最愛的穴子（原條$38）天婦羅出品都好平均，麵豉湯偏鹹，穴子有本身的魚味，淋上天丼Tenya的靈魂之醬汁，味道很好美味指數的排序：廣島蠔>穴子>赤魚>黑虎蝦>日本青森米飯>日本秘製醬油>蟹柳>皇帝菜餅>紫菜>麵豉湯

老公好鐘意食日本野，天婦羅就係其中一樣。一路都想去青衣天丼試試，但實在唔就腳而冇食，早幾個月聽到元朗會開，都點知尋日問一問真係開左，中環一收工便飛奔去排隊，排左45分鐘便有得坐了，由於即叫即做，大約等左15-20分鐘便有得食了以下係我地叫左既野：天婦羅蕎麥麵（冷）$78份量足（我食完勁飽），冇油溢味，薄薄一層好香脆，點蘿蔔蓉汁食，清爽！炸蝦新鮮，四季豆鮮甜～只是冷麵汁我覺得咸左d d 老公叫左：廣島蠔天丼 $85（另加50g飯$5）由於佢話食天婦羅一定要配飯，仲加左50g飯。炸蠔以為得一隻，原來有兩隻我咬左啖蠔加一小口飯，蠔好味！唔腥冇出水，鮮甜，加埋佢個咩野靈魂嘅醬汁，不得了！我後悔冇叫到飯丫，果然食飯係爽d!老公食完表示很滿意，仲話似向日本食既味道喎我地仲叫左個櫻花蝦餅 都好好味最後兩個人$211 ， 走時仲送左我地一人一包青森米Tim，包裝好可愛。總括來講，呢一餐係抵食既，應該會再嚟食㗎