天仁茗茶 (太古城中心)

營業中

休息中

這店在誠品的L1層的角位，這次點了珍珠鮮奶茶（中）$27微甜走冰，茶不算濃，茶味是足夠，奶和茶也平衡，珍珠煙韌，但比較甜，不過不失，整體不算差，而員工的服務態度ok的。

星期日中午，心血來潮，請侄仔飲珍奶。我企係門口等緊侄仔的時候，間店冇客人，店內就有三個職員，兩男一女，佢地傾偈都係好自然的事，但中間夾雜超多粗口……侄仔黎到，我去落單時，前面有個女客人，佢落單之後，將找贖的錢放入銀包，個女店員就勁大聲喝一句：「下一位！」雖然我就係下一位客人，但就覺得店員唔駛咁嘅態度囉，咁大聲咁趕真係嚇親大家。我落完單，企埋一邊等，呢個時候都陸續有其他客人，點知幾個店員仲係大聲傾偈加講粗口……令人好難受……點知侄仔從容不迫咁講左一句：「呢間不嬲係咁架喎，唔好咁高要求。」

這次歎的天仁茗茶鐵觀音雪糕，真係一試難忘呀！雪糕入口先感覺到嘅係一股清新嘅茶香，香港街頭少有，正宗嘅鐵觀音味，夠哂特別。質感方面，雪糕好滑，細膩得嚟又唔會太重奶味，清爽嘅茶香跟住嚟，咬落去仲有茶葉渣渣嘅微微口感，好過癮。🍦🌱😋係好多選擇之中，鐵觀音味最吸引我，佢哋仲有抹茶同奶茶味，但我覺得試新嘢就要試最特別嘅！店員話雪糕係用真茶葉磨製而成，所以每啖都咬到茶葉碎，感受到茶的純粹。而且，雖然味道濃郁，但食完之後又唔覺膩，消暑得嚟仲可以享受到茶嘅回甘，噴香得滯！這個夏日，想食啲清新唔膩口嘅，就真係要嚟嘗下天仁嘅茶香雪糕！🍨💚👍

本身買左珍珠四季烏龍奶茶三分甜，珍珠超級淋，冇乜咬口，個奶茶淡到好似奶水，完全冇四季烏龍嘅味。同埋嗌咗3分糖，一飲落去完全冇甜味好似冇糖，所以就麻煩店員換左杯，但情況一樣冇變。。最後加咗少少錢換另一款，以為會好啲，平時都飲開，冇諗過連柳橙綠都一樣咁難飲，好失望。

坊間好多唔同嘅台式飲品店，而太古城中心誠品裏面既天仁茗茶一直係我最鍾意嘅一間。天仁茗茶嘅茶底係永遠唔會令人失望，雖然有咁多間分店，但係大部份都維持水平得好好。今次飲咗胭脂紅茶，再去附近嘅舊式餅店買咗個蛋撻，回家簡單的享受。

I always buy their drinks as it’s really near my home. I tried bubble tea, bubble milk and grass jelly milk tea. I love all of them!Their “bubbles” (tapioca balls) are really chewy and you can feel a hint of brown sugar in it. The grass jelly is crisp, slightly sweet and has an aroma of tea leaves.One great thing about this chain is that you can choose the level of sweetness and iciness, so if you’re not into cloyingly sweet beverages, remember to tell your staff while ordering!

天仁茗茶 (太古)今次試咗特別的鐵觀音味茶味非常出呀😆😆😆少許回甘 但唔會苦Icy的口感 未有好細滑的感覺 但融得唔算快而且咁的價錢 份量都好多食到飽飽 icy的口感無咁漏😂😂好特別 我會再幫襯😌買完又有得一路行誠品一路食或者坐又得 都好多座位俾你行到累坐下😌Overall🌟: $ 20 ( 8.5 /10)

📍Tai Koo📍...平日放假無地方去或特別野做， 最中意去城品打書釘🤭🤭🤭有兩層樓既書慢假睇同消磨時間， 重點係入邊有好好食既天仁茗茶鐵觀音雪糕✌🏻✌🏻🥰 呢間我食過佢出既所有味道， 最中意就一定係鐵觀音味😭😭🙏🏻係外界都好難溫到茶味既雪糕， 呢杯雪糕食落去質地同平時既雪糕好有分別， 平時既雪糕係好滯好creamy， 呢間會係好水但唔會好易溶😮😮因為佢質地咁水既關係所以無點滯既感覺， 性價比十分高， within HKD 25.00， 呢幾年有加過價😯由第一次開始食到現家都食左4年幾了😂😂...因為d staff係會fill滿成個雪糕筒， 好似食唔完咁， 同埋天仁茗茶既雪糕筒既皮為比其他雪糕店既厚小小同每次都好脆口， 所以成個糕我比好高分同好推薦✌🏻✌🏻😊...📍環境：6/10分 （take away, 乾淨整齊）📍Outdoor area is not available📌不可帶寵物黎餐廳🐶📌不要加1

上次夜晚去飲野啦，見到913 買一杯第二杯半價 服務員問佢野已經聽唔到佢講野，之後叫完杯野比左錢先發現原來無第二杯半價（2杯都係點左913系列）都怪自己無留意價錢要比左；但服務員都無提醒要點樣既飲品先可以有買第二杯半價。 感覺完全搵笨，下次去都要再考慮下先得

天仁茗茶開到週街都有，說實真係一間不如一間，點解水準可以越來越差呢？是否開得多分店就保持唔到水準呢？我覺得好失望，尤其係天仁茗茶之前在台灣飲是非常好的茶館，但是而家就開到好似濫竽充數一樣，其實最好的一間，我可以大膽講就是銅鑼灣希慎誠品裏面間天仁茗茶，今次去太古誠品的天仁茗茶，差別實在太大，這杯就是蜂蜜綠茶，綠茶的味道就真是唔係太香，另外蜂蜜又好像太甜，整體來說是唔合格。味道: 唔合格環境: 一般衛生: 一般服務: 一般抵食: 一般

今次有同事買咗呢杯913鮮奶茶，佢知道我怕甜，已經幫我叫咗微糖，溫度方面，好似係有一隻只能夠叫常溫冇得叫熱。咁其實913係咩呢， 913係一隻茶葉嘅名，都幾型呀，佢呢個名好似一個編號咁，但佢又真係幾好飲喎入口淡淡地唔會好強烈，連我朋友平時飲唔慣濃茶嘅，都接受到。

同事告知，天仁茗茶出左蛋捲，特別推廣仲買一送一，$138有2條，分別有抹茶同鐵觀音味。抹茶味幾濃，是有少許苦澀味的綠茶，我喜歡鐵觀音味真係第一次食，但不太濃，個人喜歡抹茶味多一點

想當年天仁茗茶係排隊話題店，風頭一時無兩。現在人人都爭住飲黑糖紋，熱潮過咗，唔洗排隊，終於可以正正常常買返本飲品。飲品選擇都算幾多，我唔太鍾意飲珍珠，所以點了一杯「913奶茶」，少甜少冰。奶茶算係幾有茶味，茶王之名都絕非浪得虛名，水準保持得到，OK呀。

今日去咗太古城中心做嘢，食完晏晝嗰餐之後，又唔係好想食晚餐住，就諗住買下野飲，去咗誠品生活嘅天仁茗茶買嘢飲✌🏻 同同事一齊去，今次諗住試新野，都好滿意👍🏻去到已經好多人排隊，但係好彩唔駛等好耐，我叫咗珍珠奶綠，平時飲開珍珠奶茶，就已經冇點飲過其他款式🤣我同事就叫咗珍珠奶茶，招牌冇危險🤣🤣 因為係誠品會員，仲有九折，超級抵飲， $18就已經有得飲！👍🏻 珍珠奶綠比珍珠奶茶更加清，味道好新鮮，唔會好heavy~ 健康感比較重🤣 不過我都係鍾意珍珠奶茶多啲，可能我本身鍾意紅茶同烏龍茶多過綠茶✌🏻 但係呢個不失為一個好嘗試👍🏻

之前係天仁茗茶試過黑糖珍珠奶茶，覺得真係好一般，又貴左$10左右，所以唔敢再唔叫佢嘅招牌～🤣 咁啱係太古城中心返工，所以就去咗誠品買天仁茗茶🤣 誠品生活多咗好多唔同種類嘅嘢食，全部都好新穎，但係天仁茗茶一定係鐵膽！因為之前叫過新品嘅緣故，所以今次唔敢再叫新出嘅嘢，所以叫咗傳統招牌珍珠奶茶，正常糖正常冰！因為佢唔算好多人，比起尖沙咀誠品少人好多，所以好快就有得拎👍🏻👍🏻 珍珠好彈牙，甜味中等，奶味重茶味都好足～而家好少搵到又平又好味嘅珍珠奶茶，全部都係黑糖珍珠～ 天仁茗茶仍然係佳選✌🏻