天仁茗茶

營業中

休息中

喺東涌台式嘢飲其實冇乜選擇🥲，天仁茗茶都開到好多地方都有啦，😜終於成功入咗東涌啦。不過地方就比較遠，要去東薈城嘅最高層先有。😔今次就是飲咗呢個193先奶茶奶味同茶味比例相當好☺️☺️都係好好飲好清爽嘅野飲，係消暑嘅好選擇。🥰如果用埋OpenRice嘅優惠券仲可以有平添，相當抵飲。我都係即時上OpenRice度買返個優惠券可以即時用。👌🏻👌🏻👌🏻大家記住買咗優惠券先好再買嘢呀。💕

心血來潮突然想飲台式飲品，東涌嘅選擇唔算多，有貢茶同埋天仁茗茶，貢茶地點就方便啲，喺正地鐵站出口，但係都係鍾意飲天仁茗茶多啲😋-平時叫開珍珠奶茶或者珍珠奶綠，今日想試試新野，聽講天仁茗茶913茶王好出名，所以就試吓913奶茶加珍珠🧋-913奶茶🧋少冰7分甜（加珍珠）💰23+4 Openrice 有得買$25 coupon ，慳返$3✌🏻真係不枉為鎮店茶王，飲落口真係好香，比起普通茶底多咗陣清茶香味👍🏻 珍珠亦都好好咬口，偏甜，我諗下次會叫5分甜就夠，同珍珠match番，亦都健康啲😉-環境:💛💛💛💛 (有座位）服務:💛💛💛💛推薦:💛💛💛💛

位於東薈城既天仁茗茶係商場最頂果層，位置在美食廣場附近，算係十分易搵～今次叫左一杯913鮮奶茶同埋913冬瓜鮮奶茶，但原來呢款係無得揀甜度既，只能揀冰既份量，而飲品既質素同之前係外面飲既既一樣，味道唔會話太膩，奶味好夠，而一杯既份量亦岩岩好，唔會太大杯或者唔夠飲。係天氣熱既時候，想飲杯台式飲品既好選擇😆值得一提既就係，東薈城呢間分店係有提供位置比人坐的，方便大家行完街攰攰地過黎飲杯野坐下👍🏻

東涌終於有新嘅手搖店啦，仲要係水準唔錯嘅天仁茗茶。店舖係二期嘅七樓，如果特登由地鐵站上去買，就有啲麻煩啦。除左茶飲之外，佢哋嘅雪糕都出色嘅，好濃茶味。但係今次食到嘅雪糕就有啲醜樣，份量少啦

除左貢茶，東涌終於多左間台式茶啦！！😁雖然唔係地鋪，要踏5層電梯先到...但都值得嘅，913茶真係好好飲，好多其他台式茶都得個奶味，啲茶味又假，天仁就出名做茶，所以唔會出錯，真得推介👍🏾👍🏾

話說同老公睇戲，睇戲前見到東薈城二期7樓天仁茗茶有好多學生排隊，所以跟大隊買番杯嚟飲吓。排隊排左三四分鐘就到我哋，落單後等5分鐘之後就有得拎。我叫咗一杯珍珠鮮奶綠（$25），奶綠味道正常，但係珍珠味有啲偏酸，有啲奇怪，因為正常珍珠都係浸咗糖水應該係甜味，所以每食一粒珍珠入口有啲酸酸嘅味道，不太好飲。老公就叫咗一杯檸檬綠茶沙冰（$31），我就冇飲過，不過老公話杯嘢正常，但也無乜特別。總括而言，呢間天仁茗茶少少令人失望，特別係個珍珠嘅味道。不過我諗因為價錢相對平，所以吸引到好多學生過去買，然而東薈城賣台式飲品嘅店舖都有好幾間，所以如果想維持好生意就需要改善啦。