天仁茗茶 (秀茂坪商場)

營業中

休息中

🥤思苦檸蜜 $38 (7/10)微糖走冰，又落比較偏酸同偏苦，飲得出用真苦瓜去打再加蜂蜜！飲唔到太苦嘅朋友，記得叫半糖就好！🥤奶綠思苦 $38 (7.5/10)呢個易入口好多🫶🏻奶香順滑，綠茶叫做茶濃，不過都唔係好飲到茶味，有微微苦瓜味！推薦指數: 7.5/10親測唔錯，可以一試！

天仁茗茶嘅珍珠鮮奶綠真係第一。奶味好夠懷疑係用緊明治鮮奶。啲珍珠好煙靭完全唔會煮得太耐或者唔夠熟。份量都夠飲到最後都仲有珍珠剩低。夏天流流整返杯珍珠鮮奶綠真係好正。

經過秀茂坪商場見到有天仁茗茶，見到佢哋嗰個螢幕賣緊香芋鮮奶綠既廣告，對於芋頭控嘅我當然唔可以放過啦。於是我叫咗一杯香芋鮮奶綠，到手後飲到第一啖感覺整體唔算好甜。個別來講杯嘢飲食到芋頭好綿密，仲有一啲顆粒感，不過如果啲芋泥芋頭可以甜多少少同埋個份量再多少少就Perfect啦！而茶味都飲得出，但奶味就唔算好濃，整體杯嘢飲嘅液體同埋芋頭又唔可以話好夾得來，不過不失咁啦。至於環境方面，呢間舖頭都幾大，裏面有4組座位，裝修都幾雅潔。製作區係幾大但係淨係用咗一邊去做茶飲，另外一邊就閑置左。所以即使佢哋人手都有唔少，但係叫一杯嘢飲都等咗好耐差唔多三個字，門口都企咗好多人等嘢飲，速度真係要改善下。

天仁茗茶嘅茶王梳乎厘真係唔講得少,性價比極高,極力推介。首先你睇佢嘅梳乎厘,大大嚿,喺出面嘅梳乎厘嘅1.5倍,單係個size已經覺得好抵 ，佢嘅茶王梳乎厘係推介之選，我當然要試。試完之後我明白為何它是推介，因為它不會很甜，而且有淡淡茶香，配上珍珠和士多啤梨，非常好吃，食完兩大舊唔覺得溜，啲醬嘅味道剛剛好，兩件咁大件嘅梳乎厘先至賣42蚊，係我食過最抵食，又覺得好食嘅梳乎厘，食完呢個梳乎厘之後，未必會再去食啲好貴嘅梳乎厘，因為佢嘅性價比真係好高，喜歡食梳乎厘嘅朋友，相信你會喜歡呢間又平又靚又抵食嘅梳乎厘。同一般等候時間差唔多，都需要等大約十至15分鐘，可以接受，店舖不算太大，但也是容易找座位的，因為街坊通常買茶取走，坐著佔用座位的人少，所以環境也算不錯.我好喜歡佢嘅服務好到位，一開始我唔要咁多醬，因為我未食過，怕太甜，之後因為佢唔係過份嘅甜，啲醬又唔夠，我想再添多些醬，她也很樂意加畀我，好開心，好滿足，職員好友善。

同家人路過天仁茗茶，見到熱潮減退唔使排隊，一人買咗一杯凍飲。我揀咗少糖少冰嘅香芋奶綠，家人揀咗少冰嘅珍珠奶綠。天仁茗茶嘅飲品比起其他台式飲品店份量比較少，但勝在少香精味，多咗份茶味。我最鍾意嘅都係香芋奶綠，鍾意佢有大量新鮮芋頭，唔似一般台式飲品店咁淨係識得加香精同色素，健康得多。而我亦都試咗啖屋企人嘅珍珠奶綠，正常甜度對我來講甜咗少少，但係啲珍珠夠彈牙，比一般食開嘅好食啲嘅。本身覺得叫咗少冰仲好多冰，但係臨飲完果陣啲冰已經融晒，冰嘅份量啱啱好。

開張了一段時間都沒去理會過，有一次經過無意中發現這個梳乎厘，今日有時間便特地過來試一試，由於製作過程要10-20分鐘，於是在附近逛一逛回去便有得吃。一開始以為淋在表面上的草莓醬會很甜，便叫製作員不要淋太多，其實一點也不甜，梳乎厘一製作完拿上手是會騰騰陣的，好像在跳扭扭舞，一口下去就慢慢地融化，好像在吃熱的雪糕，除了梳乎厘，另外加了珍珠和草莓，增加點綴感，整體來說，也不太甜，而且很鬆軟，吃完一個就覺得很飽很滿足了。

去朋友家路經此地，時間尚早想買杯嘢飲吓。天仁茗茶周圍都有，有pancakes 同雪糕都唔係度度都有，呢間就樣樣有，仲要有位比你坐低慢慢嘆。我印象中真係無幾多間有位坐，呢間可能係試驗性質。有位可以坐低傾吓計食個pancake 飲杯茶

天仁茗茶大家就飲得多，岀品都一直好有質素，今日行過見到有個廣告牌介紹Souffle Pancake。岀左一段時間，今日一於試試啦！味道有五種，我地揀左士多啤梨味！由於係即叫即整，所以要等，大約十分鐘就有啦。見到兩塊pancake好厚，拎嘅時候少少郁動個pancake都會搖，睇得岀質感好Q彈。用匙羹舀落去嘅時候好易切開。配料之一嘅天仁珍珠就一向好食嫁啦。除左士多啤梨粒之外，仲有士多啤梨醬，味道係偏酸同少少甜。Pancake食落好香蛋味，新鮮做嘅特別好食！個人覺得如果士多啤梨都幾酸，如果甜返啲咁就perfect啦！平時要食呢類甜品都要去啲好熱鬧嘅甜品舖，大排長龍等好耐位，所以天仁呢個pancake係一個唔錯嘅選擇呢！

秀茂坪天仁茗茶既鐵觀音梳乎厘Pancake😁😁😁😁之前睇佢地好似出左pancake🥳今天行過見到唔洗排隊就trytryit👀🤝珍珠同平時天仁茗茶既珠珠一樣外面有層honey好有咬口係我喜歡嘅珍珠啊👌🏻💕整體來講亦都有淡淡既鐵觀音味🤝🥰係個cream 多到你唔洗擔心會食曬😳是爆醬唷☺️🤤🤤🤤😌👀 士多啤梨唔酸😊👍Overall 幾好🤝😳成為$42蚊呢當然少得幫佢影返唔少寫真先至食啦

呢間分店開左一段日子，位於商場地下，呢到除左一般飲品外，還有甜品同茶葉賣。初時真係好多人好熱鬧，人擠擁到睇唔到收銀櫃檯同menu而家好好多了。今日叫左一杯熱嘅913奶茶排隊不算長，但都要等，收銀員都幾主動問你要不要少甜吖？最後叫左7分甜。等候期間發現店內坐滿人。對於今日叫嘅飲品有以下平價：茶香奶香，但溫度不夠，破壞了成杯飲品嘅質素，絕對扣分了可能我前面都有好多單，全部是凍飲，影響左我杯飲品的溫度呢？