天仁茗茶 (秀茂坪商場)

營業中

休息中

同家人路過天仁茗茶，見到熱潮減退唔使排隊，一人買咗一杯凍飲。我揀咗少糖少冰嘅香芋奶綠，家人揀咗少冰嘅珍珠奶綠。天仁茗茶嘅飲品比起其他台式飲品店份量比較少，但勝在少香精味，多咗份茶味。我最鍾意嘅都係香芋奶綠，鍾意佢有大量新鮮芋頭，唔似一般台式飲品店咁淨係識得加香精同色素，健康得多。而我亦都試咗啖屋企人嘅珍珠奶綠，正常甜度對我來講甜咗少少，但係啲珍珠夠彈牙，比一般食開嘅好食啲嘅。本身覺得叫咗少冰仲好多冰，但係臨飲完果陣啲冰已經融晒，冰嘅份量啱啱好。