天仁茗茶 (已結業)

今日我豪爽請大家飲個奶茶，工作上大家都好幫助我珍珠奶綠：好香夠滑洛神冰茶：清爽口感茉香綠茶：夠香茉莉花味珍珠鮮奶茶 ：以鮮奶為主，珍珠彈牙珍珠奶茶少甜少冰：以奶粉為主葡萄柚綠茶 加珍珠 走冰：清香帶甜味道不變，有珍珠就非常抵飲，超級足料無論試其他飲品、都是天仁最適合

茶飲方面，其實我都真係飲過好多間，天仁茗茶都可以算係比較真材實料嘅一間，佢茶葉原材料佔價格嘅7成，只有4%係利潤，相對黎講，飲得比較有信心，所以我都好常飲佢。我最愛係913鮮奶茶，913其實係天仁嘅招牌烏龍茶，佢個種香味真係好濃郁，尾韻有d甘，黎得清新。同香濃鮮奶 mix埋真係perfect match，我幾乎每次都叫佢！朋友個個試完都話正，其實普通913都唔錯，走甜更能體現茶香，有機會大家可以試試。

一向去天仁茗茶都係飲普洱奶茶，今次第一次叫左杯凍鴛鴦，想試下同普通茶餐廳既凍鴛鴦有咩分別。點知用左台式既奶茶黎mix咖啡，又真係有不一樣既感覺，甜苦既味道mix得剛剛好加埋天仁茗茶本身無得輸既珍珠，強力推薦！特別推薦俾鴛鴦愛好者！

💁🏻‍♀️天仁茗茶 (銅鑼灣)🍴-鐵觀音雪糕🍦（$23）食完飯再飽經過都要啪返杯，第一次食鐵觀音味，雖然去到要等10分鐘但都係值得嘅。🤗一食第一啖，真係驚為天人，茶味香濃，食落又唔似哈根達斯果啲咁膩。同埋都幾大杯，食完此刻無憾了💕📍天仁茗茶 (銅鑼灣)#銅鑼灣 軒尼詩道500號希慎廣場10樓誠品書店SK01 專櫃

每次行過都一定聞到佢的茶香，令人馬上想飲，見佢今日條隊唔算太長，就買來飲。本來想飲熱的，但又想啜珍珠，所以最後買左凍的珍珠鮮奶綠少甜。這店的珍珠一向都有咬口，而且軟硬度適中，本身有甜度 （無記錯天仁係用蜂蜜煮的），所以甜係清甜。而且我比較喜歡這種不是太大粒的珍珠。少甜（標籤寫了7分糖）剛剛好，可以點綴左珍珠的甜味，之後便是鮮奶綠的茶味。鮮奶綠一向都較奶綠滑（無記錯這店是用明治奶），所以性價比係高的。

朋友叫我陪佢去誠品睇書,當佢好專心搵書的時候,我就到處周圍逛!誠品的天仁茗茶不嬲都好多人排隊,今次咁岩見無乜人,立即買返杯熱茶飲!雖然次次我都係買茉香綠茶,但都會不自覺望下個Menu!!本身我想點杯凍的茉香綠茶加仙草,但我感冒未好得哂仲咳,所以都係要熱茉香綠茶好d!因為聖誕節既關係,所有凍飲或熱飲的包裝都變成可愛的雪人!凍飲係綠色,熱飲係紅色!!<熱茉香綠茶> 既有濃濃綠茶味道,更有茉莉花的芳香!沒有一點的苦澀味!清新的感覺令人好醒神!下次再來誠品,我都會選擇一邊飲一邊睇書,真係好正!

天仁茗茶出雪榚啊~終於去會一會佢位置 希慎ge誠品入面, 發現天仁同誠品之間都有不解之緣我會搭電梯直上, 即係係G_P隔離個條, 方便又快捷食物天仁茗茶出名茶底就大家都知, 飲品就長年長人龍, 長龍過長龍😂😂見到雪榚條隊冇人排 好 我就食雪榚鐵觀音雪榚茶味超濃, 淡奶香, 好清新, 微甜, 雪榚質感反而有d 雪芭feel, 正啊

前兩日真係feel到天氣開始凍，所以即刻就飲返杯薑茶！ 幾鐘意天仁既薑茶，因為會飲到有桂圓既甜味！ 薑茶個薑味都幾夠，會飲到有少少辣喉，半糖對我黎講幾適中，冬天飲呢個真係一流！

今次想試啲平時冇飲開嘅嘢又或者話天仁茗茶唔係太出名嘅嘢 所以就飲咗蜂蜜凍紅茶 其實唔係好飲到佢嘅蜂蜜味淨係飲到紅茶好澀 我本身諗住蜂蜜會有好Fresh 既味但係入面係冇嘅 可能我揀既係正常甜度所以冇乜點樣加糖 紅茶再com埋蜂蜜嗰種甜味就變咗好苦苦澀澀嘅飲品 另外呢個係天仁茗茶其他飲品都有嘅特點 就係佢啲嘢飲會起泡 通常係最面嗰浸或者係最底嗰浸 應該係因為用攪拌機又或者其他機器整飲品嘅時候出到嚟會有泡泡 個人來講就唔係太鍾意呢個口感啦

環境 : 目測滿整潔乾淨 飲品 : 推薦香芋類飲品，有芋泥 !!超足料～飲完超飽肚👅服務 : 快 ! nice ! 1，員工的工作效率蠻快的，五分鐘也不用就有飲料拿了 !!👍 2，員工都好nice，不會不耐煩，清楚地解釋給顧客知道

上星期六去了銅鑼灣逛街 想喝大熱的黑糖飲品但老虎堂太多人排隊 改去天仁剛好天仁做優惠 買飲品第二杯半價黑糖珍珠鮮牛奶（原價$28）：由於優惠 所以兩杯除開平均$21/杯 比平常便宜沒有叫少甜之類的特別要求黑糖的甜度剛好 不會過甜 和牛奶很配珍珠用黑糖煲過 很軟 不會過硬 喝到尾也不會覺得很撐美中不足的 應該就是天仁依然用固有杯子裝 看不到黑糖紋路想用來打卡的朋友就不適合了而且人有點多 所以店員明明做好的飲料也沒有叫號 忙不過來 語氣也有點差 可以理解

即使現時台灣茶飲店每個星期都有一間開張、多如牛毛，但我認為配得上叫台灣最佳茶飲店嘅必定係天仁茗茶莫屬。天仁茗茶嘅913茶王個名絕非浪得虛名！第一啖飲落有點平凡，當飲第2啖時，第一啖嘅回甘味會上番黎，再加上新嘅一啖，口感層次比起其他台式茶飲起碼贏幾條街！不過都係要選擇熱飲先至會飲得出呢種層次感覺，凍飲的話咩茶都會即刻降Grade。另外，天仁茗茶嗁珍珠比得上台灣當地嘅波霸珍珠，好大粒好好咬，對於鐘情口感嘅食家一定要飲😀

由於颱風「山竹」逐漸逼近香港，今日嘅天氣好熱好焗，加上太陽好猛，喺銅鑼灣街頭行一陣都覺得好辛苦。想買杯野飲，但眼見老x堂/幸x堂都有勁多人排隊，實在唔想為買杯野飲要焗住等，所以決定入返商場買。·呢間相對少d人排隊，有大概20+人喺前面，等咗大概10分鐘就到我落單。職員嘅動作都算快手，落咗單等咗大概5分鐘就拎得。·👑 珍珠奶茶（$20）9/10分佢係「天仁」其中一款嘅推薦飲品，茶味夠，「珍珠」好有咬口，而且有好多粒。特別要求咗少冰，都好夠凍，夠晒解渴！😎·👑 珍珠鮮奶茶（$23）朋友飲嘅，同樣係好評。

■ 御選綠茶+鐵觀音霜淇淋 $25睇落以為應該唔大支 但原來都幾聚手～好飽啊食完個人鍾意鐵觀音口味～茶味好出！好香！綠茶口味就甜甜地 兩隻味道相比之下好似淨係食到鐵觀音味咁 不過都好夾 淨係鐵觀音口味都值得一試啦

Food court食完野就落下樓下誠品書局行下，見到天仁茗茶都幾多人，所以就叫埋一份，平時都有飲開，但係就冇喺希慎廣場呢一間都幫襯過～ 呢間都算幾多人，佢門面都幾大，所以等嘅位置好多！我大概排左5分鐘左右就可以order，叫咗新嘗試嘅香橙綠茶😍 未試過，不過聽過朋友成日都叫，所以今次就自己想試一試！等多大概10分鐘左右，就拎得啦，一拎上手，急不及待試一試！發覺有超級香嘅燈味，但係又唔酸，綠茶嘅味道中和返！都幾清甜！😍香橙綠茶可以慢慢咀嚼！唔似珍珠奶茶咁樣，搶着飲～ 簡單啲來講，比較止渴～