天仁茗茶 (已結業)

每次去銅鑼灣總會喺度買返一杯913珍珠鮮奶茶飲， 因為覺得913茶味最好, 以佢嘅蜂蜜珍珠亦都比其他店的珍珠奶茶變更好飲。 可惜可能因為越嚟越多人飲, 供不應求底下, 質素愈嚟愈下降, 茶味越嚟越淡， 不及以前咁吸引。 913作為茶王應該香味最濃, 可惜現在已經沒有那種茶王的香氣, 但價錢卻越來越貴, 珍珠亦都不及以前咁彈牙, 可能煮的時間不夠長， 珍珠煲得不夠。 唯一可以讚的地方就是不用等太久， 只要五至十分鐘時間就可以飲到, 希望佢可以有所進步， 如果再係咁退步, 很快就會被人趕上。

非常中意飲珍珠奶茶既我，無珍珠不歡。不過珍珠都間間唔同味咖！天仁既珍珠奶茶茶味重，濃又香。飲開珍珠奶綠既我今次飲左芋香鮮奶綠加珍珠！芋頭十分甜，有啖啖芋頭肉，唔似其他舖頭得芋香粉同奶味，十分正！

來到銅鑼灣行開誠品梗係要來買杯珍珠奶茶一杯先10幾蚊普通珍珠奶茶已經好好飲啲珍珠大小適中又夠甜仲要非常有咬口質感好好個奶茶有奶味之餘茶味好突出但係唔會好苦嘅感覺淨係覺得有淡淡的茶香唯一唔好嘅係條隊真係排到好長每次買都起碼要等10幾廿個人不過都幾值得等嘅到台灣飲嘅一樣架

每次想飲奶茶都會到天仁茗茶，覺得這裏的茶類飲料係最好飲。而913奶茶，加珍珠少冰，微甜，茶濃係必點下次打算嘗試鮮奶茶 想知道分別茶香 珍珠口感亦好 但必須是茶濃 以前在台灣嘗試過913茶王走甜(勇敢嘅嘗試) 茶真的很濃很甘 但個人還是比較喜歡加奶 另外朋友推薦試過香芋奶綠，加珍珠，少冰，微甜或走甜，茶濃也不錯 因為香芋和珍珠原本甜 上次試微甜 個人口味還是覺得太甜 下次嘗試走甜 應該不錯而這裡的雪糕🍦亦都好好食 因為茶味濃而且不會太甜 個人都好中意

星期五晚上，在銅鑼灣誠品打完書釘後，經過天仁茗茶，突然間很想買杯雪糕來品嚐，雪糕有鐵觀音及阿薩姆紅茶兩款口味選擇，由於未試過阿薩姆紅茶，所以便點了這隻味來試試，價錢 $23 算是幾平，雪糕有三個圈，算是幾大杯，雪糕的紅茶味香濃，不會帶有苦澀味，奶味香滑，而且不算是很甜，雪糕脆筒很脆，加埋雪糕味真的很好食。

有個男員工態度特別惡劣, 唔需要有服務, 但基本禮貌都冇就過份啲囉有個男員工態度特別惡劣, 唔需要有服務, 但基本禮貌都冇就過份啲囉有個男員工態度特別惡劣, 唔需要有服務, 但基本禮貌都冇就過份啲囉

天氣凍食雪糕先有feel架！所以決定嗌個鐵觀音雪糕嚟食，茶味唔太濃，但又剛剛好夠茶味，讚，味道又唔算太甜，讚雖然價錢要成23蚊一杯，但我覺得都值嘅！我仲嗌埋杯少甜冬瓜茶，不過都係覺得甜，下次叫佢再少啲甜先。

DINNER後同朋友行CWB誠品, 傾計講到口水乾, 決定去天仁買野飲~分了飲料區同雪糕區~都幾多人排隊太多飲料~都唔知買邊隻好~最後朋友要了冰913茶王$16, 好似都OK我的抹茶沙冰$28, 偏甜少少~好凍>< 飲完好飽另一個朋友想食雪糕職員好好人講香港人應該比較喜歡食鐵觀音味~鐵觀音味會甜少少~抹茶味會有少少苦~都幾大杯雪糕茶味的雪糕平時比較少食~反而我想試下食抹茶味~其實少少苦味我都OK冬天食雪糕特別滋味

每之心情略帶鬱悶或是下班後想要輕鬆一下時, 小妹總會想喝一杯邪惡的飲品安慰一下心靈,也哄哄自己開心這天剛好在銅鑼灣出沒,第一時間當然就想起這兒了台式飲品/茶店中,小妹最鐘愛的是天仁茗茶!選擇也許不及其他連鎖店多,但勝在真材實料,茶有茶香!上了好幾段電梯,終於到達了!邊步近店面,邊聞到陣陣茶香早領教過此分店之人氣,故這次只見不超過10人的人龍,更加快腳步排隊去!等了10分鐘左右,我的茶到手了!點了冰珍珠奶綠,少冰,七分甜(70%糖度)喝起來,有綠茶的甘味, 軟糯香綿的珍珠, 浸了蜂蜜 ,有蜜味香之餘,每粒咬起來粒粒分明,且非常有嚼勁聽說鮮奶綠,喝起來更香更滑,下次要一試呢

👁‍🗨 鐵觀音味霜淇淋💲 30/2枝趁住天仁茗茶做緊雪糕優惠，平時二十三蚊一枝，依家三十蚊有兩枝，即刻去食返枝😍一共有三種味，鐵觀音、抹茶、阿薩姆紅茶，但啲味唔知係咪因為特價既關係好似做緊輪流供應既🙆🏻‍♀️去到果日係鐵觀音，咁岩就係我想試既味，諗都唔駛諗即刻買😎食落冰感比較重，所以雪糕溶得幾快同埋口感吾夠幼滑😳至於個鐵觀音味夠哂香濃，唔會太澀，帶有回甘，幾合我口味😚個筒亦都夠哂脆同香，不過就吾係以前食過既果隻食完會好飽既筒，變左做正常厚度正常size既雪糕筒🤔🔛 整體評分（7.5/10）

行過希慎既天仁茗茶, 永遠都係長長既人龍。最多人幫襯佢既飲品, 但我最中意就係佢隻茶葉蛋同雪糕。 佢地用既茶葉真係好有淡淡既茶香, 食完個口會有餘韻。約左人之後食飯都係小食個茶葉蛋好喇。點知真係好失望, 隻蛋到手係極微微既暖, 近乎凍咁滯。雖然一隻茶葉蛋只係$6, 但無理由係凍嘛🙄🙄🙄味道今日都較平時淡, 茶香勉強都叫有既, 唯一較可取既係d 蛋白冇煮到好似鐵蛋咁硬。☹️☹️☹️☹️

食完lunch就過左黎希慎行下街，亦順路逛下誠品，黎親誠品亦會順便去埋天仁，一連串的指定動作是日不飲913而去買了軟雪糕，見無乜人排隊真係好難得，同朋友一人一杯先。鐵觀音霜淇淋（$23）是日只有兩款口味沒有抹茶，自己揀左鐵觀音味，入口第一啖覺得頗淡，但食多幾啖茶味回甘，好香濃茶味但又不會太嗆，好正。阿薩姆紅茶霜淇淋（$23）朋友話費事同我一樣就被迫要了阿薩姆，哈哈，茶味幾濃，奶味很香滑，都好好味。是日店員態度良好有笑容，可能未係排哂隊做到癲啦，感覺杯雪糕好似大杯左？真係同餐牌上一樣轉咁多個圈㗎，一路食到底都有雪糕

同10幾位friend係銅鑼灣食完夜晚就好想飲返d野 就趕去係天仁茗茶closed之前買返杯 雖然趕得切但係可惜佢地好多野都賣曬（珍珠又無奶茶又無橙又無⋯）所以大家要真係想飲佢d珍珠呀奶茶就唔好佢臨closed去啦因為基本上咩都無 不過大家就改曬preference就一次過點曬10杯先賣單 咁佢地都沖得好快都無漏單 要求少冰少甜都做到足嘅 等左7-8分鐘就沖好曬10杯 好快手👍🏻我就點左佢嘅九一三茶王 愛喝茶嘅你我都係suggest走糖飲九一三 d濃味先唔會俾d甜蓋過左 但係鐘意飲甜嘅人就唔好走啦都係

因為預約左喺銅鑼灣食晚飯，但又未夠鐘，所以去左希慎行下，當日喉嚨唔係太舒服，所以去左誠品入面嘅天仁茗茶，睇下買唔買到杯熱飲，暖暖喉嚨。誠品裡面嘅天仁好似經常都聚滿人，尖沙咀嗰間都經常好多人。週日黃昏時間，見人龍未算好長，就決定排隊等等。有啲人好得意，去親邊間茶飲店，又話呢間出名乜乜、出名乜乜，咁唔通我唔點出名嘅野，如果難飲就係自己抵死？又或者你知道人地出名啲乜就好威威？例如黎天仁又話要試茶王，去茶湯_又話要試鐵觀音拿鐵。所以我通常都唔理呢啲，當下一刻想飲乜咪點乜囉，又唔係為打卡。天仁嘅餐牌分熱飲、凍飲顯示，方便客人選購。熱飲方面供應原茶、奶茶、鮮奶茶，冬天嘅時候會有埋薑茶、薑奶，定價$13-26。平日嘅我絕對唔會揀熱飲，所以真係求其揀，務求令喉嚨舒暢一點。大約排左七、八分鐘，然後等飲料都不消五分鐘。菊花普洱茶 $20最初菊花味都幾明顯，茶味不太出眾，後來茶味慢慢濃一點，但偏澀。就好係普通熱左嘅菊花茶，不過達到我買呢杯飲品嘅目的，喉嚨暖起來，就冇再痕癢不過唔明點解熱飲都係用一般嘅膠飲管，始終比較粗身，好難一口啜太多，不然會熱死，能夠提供好似咖啡店嘅熱飲管會更好。

今日去左銅鑼灣行街而家無左Forever21就一定會去希慎逛逛而去希慎就一定會去天仁啦因為行過睇書你一定會聞到浸好香既茶味每次黎呢度都好香茶味而且都一定好多人排隊好彩staff都好多好快就有得飲啦我嗌既係奶綠天仁既珍珠奶茶有別於一般珍珠奶茶平時個的既奶味or甜味可能已經佔8成但天仁既茶香你一定飲得到不太甜所以只要珍珠有少少甜味已經覺得足夠岩哂愛飲又要健康既我難怪我成日都上去飲下次你經過都可以試下丫