影片
【元朗區】【天天燒鵝皇】呢幾年都聽過唔少有關嘉湖新北江商場有好嘢食嘅討論，本身想食麗江米線，但係多人到痴咗線，所以就轉戰另一間名物「天天燒鵝皇」。始終係平日下午，雖然都門庭若市，但係我一個人入去搭枱都攝到個位，起碼有得食。不過都真係好多人，係咪咁好食。叫咗 $70 嘅「叉燒燒鵝瀨粉」加杯「凍檸茶走甜」，補多 $10 隻「鹹蛋」開心啲。上菜，首先佢啲燒味有同碗瀨粉分開上，顯出誠意先。然後睇落肉量幾多，叉燒大大舊，鵝又係髀位以下嘅鎚位。食落味道都可以，叉燒半肥瘦啱啱好，燒鵝亦都克盡己任。鹹蛋同杯檸茶就真係好普通，叫唔叫都得。然而，餐廳名叫燒鵝皇可能令我對佢哋嘅燒鵝要求高咗，又或者係佢哋嘅叉燒太好食，令到燒鵝變得平平無奇。本身寫我 $80，不過收錢嗰陣有人 sense 到係下午茶餐，收返 $76，呢個價錢嚟講，又真係一啲都唔貴。。。（地址：天水圍天湖路1號嘉湖新北江商場1樓C1-C2號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am元朗區 #天水圍 #樂湖 #天天燒鵝皇 #叉燒燒鵝瀨粉 #凍檸茶走甜 #鹹蛋 #下午茶餐 #1am1790 #1ambackup
繼續閱讀
叫咗一份燒鵝叉燒飯，燒鵝叉燒份量適中。燒鵝尚算可以，皮脆，肉唔算多。叉燒完全入唔到口，乾柴到不得了，起渣。睇介紹本來以為至少係正路嘅燒味店。非常失望，下次必定會揀其他附近餐廳。
繼續閱讀
普通貨色,比人講到天下無敵🤭橋唔怕舊,一樣有人落搭.....一碟叉鵝飯70蚊,一碗例湯18蚊,如果唔信且,咪比一百幾拾去試下囉,收錢嗰個人無任歡迎🙏🙏賣曬就可以早D收工,睬你都傻
繼續閱讀
見網上好多人推介此飯店也被po出的美食相片吸引着，我又住係附近，今晚放工便特登走來食晚飯，試下聞名的燒鵝和油雞。滿心歡喜叫了燒鵝油雞飯和凍奶茶，碟飯1上枱我臉色1沉。。點解和我在網上見到的差咁遠？斬埋d係頭頭尾尾冇乜肉，油雞只斬隻雞翼！唉。。心諗做飯的咪又係斬d頭頭尾尾。。同其他燒味舖冇乜分別，只係好食d就賣貴d囉。。點知坐我對面的男人叫了燒鵝飯，1上枱，嘩。。仲乜咁啖啖肉嘅？肉類份量不單止多過我，仲要係全燒鵝+平過我碟飯！ 有冇搞錯呀？真係極度懷疑呢間店係咪性別歧視？男人就份量多d正d, 女人就只斬d頭尾冇肉嘅！坐多1陣，見到1家3口叫了都係鵝雞飯，叉鵝飯，賣相都係吸引過我碟飯好多，都係啖啖肉大大碟，同樣係鵝雞飯呀！有冇搞錯呀？！見佢3個好熟手咁，1定係熟客喇！熟客碟飯就靚d? 大家同樣畀咁嘅價錢，但碟飯就差咁遠，我呢個新客第1次來真係食到好失望囉！😢＃雖然我外型瘦削但唔駛咁對我吧！😭＃油雞只斬1隻翼當1餸，燒鵝起碼1半係下欄嘢皮包⻣冇肉食仲要燒燶皮，另1半就算有肉都又乾又瘦＃$63 （下欄）燒鵝油雞飯＃$9 跟餐（冇味）凍奶茶
繼續閱讀
第一次比負評，無論店舖有幾難食，最多都係下次唔再幫襯啫，但今次真心嬲咗囉！4月29日係呢間店買咗1盒燒鵝飯同1盒义鵝飯走背，點知係等候其間就聽到女店員對燒味師父講走背喎，燒味師父就話呢D係腩嚟，無背喎；女店員就再話你一陣就比人投訴喇。當時都不以為然嘅！點知返到屋企打開盒飯嗰陣見到全部燒鵝同我所認知嘅背無分別囉！（即係連女店員都分唔到，而燒味師父所講嘅燒鵝腩囉！）$120買2盒皮包骨燒鵝腩飯，真係嬲到爆囉！真係要多謝燒味師父咁用心將全隻燒鵝腩都放晒係我嗰2盒飯度囉，同時亦自動幫我將呢間店加入我黑名單囉！
繼續閱讀