天馬快餐 (已結業)

近日看一些年未頒獎禮....在看金針奬時...開始覺得 再看,食店一樣;只要你真係唔係咁難食又多年嚟未被地產佬闘死...你就有機會給人抬上神枱. 天馬,得罪講句正是如此. 因為大家食的很大部份是回憶是古早味,記得廿年前來這裡吃的是叫糊口...幾蚊個飯盒,食飽倒咗落肚就話之佢去打波啦而隊得最快就一定係胃痛免牛加蛋...但係今時今日返到去就會睇下快餐店點比心機,點去做到平靚正,反諷大集團快餐的冷漠無''克'' 但又忘了當日我們如何從''香港83''的快餐店...因為眼見的衛生問題...而轉投睇落企埋的大揸鑊同大塊WOOD. 今日又一次食返個胃痛免牛,加多個以前少叫的紅湯.免牛飯夠熱,甜中帶酸加上蛋黃的香..哪有不好吃的道理...而且好在是堂上即熱,當然把翻叮之流比下去.至於個紅湯,飲落先記得點解當初會無叫....除了會貴少少外;個湯燙口到死班FAN鬼會等埋你開波...要飲你就猜硬垃圾.菜~好多好多,甜辣平衡飲得絕過癮.但以上的東西在當年是理所當然的..今天升上了神位,就正如我等父輩話我知當年鮑魚好平雞很貴,家中烹鮑不是奇事,但劏雞要等禡.

又是肥仔食神效應,古法漢堡包售罄,惟有轉軚食豬扒包!廚師很忙,很多人在等,不過很快就完成製作.豬扒好味道,咬落很正!麵包差d,超市水平!薯條好味道,條條都很粗!下次再試古法漢堡包!

早排見"為食一條街" 少年食神介紹這間快餐店~天馬快餐，今日慕名而至，見店內好多人買外賣，但今日等了10mins 先至可以買到我個下午茶餐。可能大家都係因為少年食神介紹過而再去幫襯啩！天馬快餐的飯盒真係好平，平到你唔信，一個飯盒都只係$20-$25。起領匯瘋狂加租後這間快餐店仍可生存，相信佢一定有佢的生存空間罷。我見少年食神介紹漢堡包，所以我叫左一個古法漢堡包、薯條餐包飲品都只係$20。真係好平，好抵食！少年食神真係無介紹錯，天馬快餐個羅宋湯真係勁好飲，料又多，又夠辣，我自己覺得仲好味過皇后個羅宋湯~~古法漢堡飽入面個塊漢堡並非好似麥記個漢堡扒，一食入口就可以感受到塊漢堡扒係手豚的，很有咬感呀~~

相信熟愛民村既朋友一定對天馬唔會陌生，係領匯瘋狂加租之後，愛民村既食肆越黎越小，而天馬留得係度就梗係有佢道理。今次要介紹依個飯都幾得意，一開頭諗住漢堡牛扒煎蛋飯，D漢堡牛扒會係M記漢堡包入面咸到死果D，咁就錯哂，佢D牛扒係自己琢，D肉吾會話‘拿’到又霉，有D咬口，仲食到有肉味，又吾會話好乾，加埋隻煎蛋真係送飯一流，依個飯最好配粟米汁^^另外最正一定係佢地既羅宋湯，勁足料，又吾會稀到水咁，每次買飯加埋個湯就PERFECT希望天馬可以繼續做落去，無左佢愛民村就真係會冇野食。

小豬兒bb話見到少年食神推介, 叫我去買她吃她說很久沒吃粟米斑斑飯飯,而我看見有人吃牛脷便早選定了其實一樓, 就是地下那層, 即商場一入, 正門一入便是.真是難料, 因為這類快餐店, 如那些, 總是骯骯髒髒的,但這兒, 簇新, 亮堂, 乾淨, 開放.叫了然後在商場蹓tart一番.然後回頭便弄好了, 記住要自己拿餐具哦~小豬兒bb說粟米斑斑飯飯也很不錯, 她很快吃了, 可能是因為給同學偷食了吧而我的燴牛脷意粉, 出色!炒過的意粉, 不會是下面白意粉, 上面很多汁那種.牛脷3大片, 半腍狀況, 挺好!2個皆$25惟服務態度有待改善

實不相瞞, 本人係住係呢條村既, 而呢間快餐店亦陪伴左我成長30年, 由細到大都食佢, 到依家依家甘好味, 到我依家d姪仔姪女都係食緊佢架!!我之前都唔想多題, 費事d人話我偏幫, 但當我接2連三撞到依家d朋友, 佢地係在我個村附近既學校讀書既, 到依家大家吹開水, 大家知我住呢度, 都不約而同同我講一個問題, 有無食過"天馬快餐店既飯盒呀?? 我就即刻同佢講: "咖哩豬扒飯丫嘛....有無加個羅宋湯呀??" 佢地只係答我: 係呀係呀.....太好食啦, 唔駛講野"係真架......呢度既咖哩豬扒飯同羅宋湯真係出哂名, 佢係用吉烈豬扒既, d咖哩又唔會辣, 總之我可以講係超正, 加埋個羅宋湯係絕配!!如果各位人士經開愛民村, 不妨真係黎試下, 妳就知有幾好食repeat : 我只係一個街坊, 我唔係有呢間野既股份架, 只係呢間野陪伴左我30幾年, 而又真係個個都話好好食, 我先至忍唔住要讚下佢地!!

今日上上下堂好想食天馬; 所以放左學之後就即刻走過去今次都係想食干炒牛河同飲羅宋湯;原來我上次睇錯左價錢呀干炒牛河係 $25羅宋湯係 $3所以今次食左$28; 同上次一樣呢凍飲要加$5諗真少少; 都幾貴 淨係個粉都去左$25了干炒牛河$25比上一次油膩; 失手了嗎牛肉真係好多; 但係偏咸羅宋湯 跟餐+$3味道同樣好味蔬菜多左青椒呢; 都依然係好多料個收銀呀姨同以往一樣; 有少少酷的感覺還有想提提的是; 見到佢pack個干炒牛河俾我既時候; 有條河粉走左出黎 (有少少離盒)佢..用手拎番佢入去不過唔緊要喇; 好味就得

當日唔知食咩好; 所以就去左依間我細細個已經食佢架喇;! 因為佢既白汁飯永遠都係最最最正!!我今次要左個干炒牛河; 真係好大盒果然係超善用個飯盒! 啲河粉係多到爆; 我食少少佢又跌少少咁最重要係完全唔肥!再加左個羅宋湯; 100%無得頂!去天馬食野一定要飲; 不可錯過!!超多料; 味道濃; 湯並不稀!粉+湯都係$25食唔哂仲可以隨便拎飯盒去裝好;拎走完全唔使問; 亦唔會俾面色你睇之後仲有個薯條; $13好粗好大條; 好覺得自己食緊薯仔**好好味; 好脆; 但唔會"濃"!!超好!啲相我番到屋企先影的; 因為無帶相機睇睇個牛河; 我已經食到好飽好飽;仲有好多剩!@@"

　今天外賣了天馬的西多。　回到家西多仍然是暖暖的，西多很有咬口，而且十分甜！不過事實上愈甜應該是愈油愈膩吧…　一直覺得天馬很有溫暖的感覺，店鋪小小的，卻充滿人情味。收銀的姨姨，廚師都充滿笑容，價錢合適而份量也充足，天馬真是一間不錯的餐廳

老公放假，可以陪我去品嚐一下天馬快餐店的食物‧我們叫了以下: 茄汁牛肉燴意粉: 牛肉有肉味，沒有被醃得過份淋軟，有咬口，牛肉蕃茄的份量都幾多;而意粉則先被炒過，所以很香口‧古法漢堡加薯條: 飽身很軟熟，而夾着的牛肉則充滿着濃郁的牛肉味，既香兼有咬口，成為了整過飽的靈魂，一邊吃，一邊享受‧而薯條亦很脆身，不會覺得鹹‧涷奶茶: 茶味和奶味都ok‧可樂: ok‧

今日中午又要搵天馬開飯睇到佢舖面餐排, 哇, 有天馬雜扒飯同 鴛鴦扒飯雜扒有豬扒煙肉紅腸咸旦唔知鴛鴦扒又有乜 ?豬 ?牛 ?羊 ? 雞 ?一於試下啦走去問收銀姐姐, 鴛鴦扒飯, 廿二蚊啦ok收到, 即刻科水師傅係開 放式廚房, 講左句: 識貨喎...........!原來真係好足料, 有二塊牛扒仔, 配一塊豬扒, 豬扒唔算太出色, 但 牛扒唔韌, 幾林下真係啱哂我呢d食肉獸!下次試下問師傅可唔可以轉做吉列豬扒呢

過年無乜舖頭開又係天馬開餐既時間啦大快活d 飯真係太貴啦,都係天馬又抵又好味今次叫左咖喱豬扒飯, 粟米班塊飯同咖喱雞脾意粉!!!一如以往, 扒夠份糧汁夠多, 好味好味不可不提店面有張飯盒名單原來有鴛鴦扒飯 (即豬同雞扒), 下次真係要試下啦一次過二種口味喎, 好過只叫豬扒飯嘛.........

繼上一餐98℃食死後,決定搵間好野教精你!是母親推介的,一齊乘巴士45到愛民總站!店內麻雀雖小,但膠牌上食品正合我心意!下午茶餐$11-$15,便到你笑!點了窩蛋免治牛肉意和干炒牛河,加$3有餐湯雖然用發泡膠裝,唔多環保,但份量十足絕不欺場~睇個羅宋湯就知.......免治牛肉意好多茄汁,師父將預先熟左既spaghetti煎煎, 一咬落去焦焦地,good!干炒牛河,又係鑊氣,牛肉又易入口,多都就瀉呀!98℃,咪同我搵籍口話材料價格上升、又話尖沙咀係黃金地段,冇用架!人地$25包湯,你實做唔到!既然黃金價錢,我要有水準既食物,not junk food~母親自小party就整芝士燴意粉,我食唔出?

天馬難得有新菜式,幾大都要試啦聖誕節臨近, 天馬攪攪新意思整左個火雞火腿飯本帥一定親身試試佢啦個飯盒變左一開二格, 同其他一格過盒過唔同好似細過左, 但主菜火雞肉都幾多事頭婆問我要咖喱汁定茄汁 ? 幾大都咖喱汁啦另外要左咖喱雞脾意同粟米班塊飯都咁好食

今日放早，阿婆又黎左，所以懶懶地就買飯盒啦我自小已經係附近住，所以都會時不時幫襯~買左一盒<<鮮茄燴牛利意粉>>及<<芺容蛋飯>>等我逐盒講<<鮮茄燴牛利意粉>>有三大片牛利，仲要無切的，覆蓋晒成盒意粉﹗勁正茄汁酸中帶甜，我唔點食酸都覺得好味﹗<<芺容蛋飯>>一開盒只見蛋不見飯，勁大盒，隻蛋又不太油，煎得好香，最一可惜佢地用蔥代洋蔥，所以香味差左少少，但味道絶對不錯，而且蛋肉均衡，我婆婆邊讚邊食添