太和味 (已結業)

今日同中學同學聚會想食放題，所以我揀左呢間，因為我之前食過覺得價錢較合理而味道都唔錯大家一大班人去食，點知就出事！當時我地一大班人叫左刺身，點知寫左五張刺身紙，只係尼過一盤而熟食好似咩小菜就尼一大堆，連炒飯都尼幾碟叫兩件手卷就尼十件叫乜熟食就尼double，但係啲刺身就無曬影！！如果啲熟食係好味都算，但係唔好食呢！炒蜆同胡椒蜆都冇乜味，得腥蜆味，咁同白灼有乜分別？咕嚕肉唔夠甜唔夠酸又林，冇乜人食鍋巴不知所謂，林曬都拎俾人食，食鍋巴係因為鍾意佢香脆架……不過個汁唔錯飛天通菜唔錯不過唔辣囉至於沙津都唔錯，青木瓜絲沙津好好味炙燒三文魚壽司幾好食，推薦另外鮑魚刺身好鮮甜，三文魚都好好食，幾新鮮不過希靈魚…………哇，腥到你丫！ 仲有啲甜蝦好林，好似溶溶地咁，好核突魷魚又係會中伏，好似食膠咁飲品出奇地唔錯，朋友都話檸七唔錯我飲椰汁涼粉冰覺得好好味！！大家一直不停催刺身，但係要去到last order，我地開始嘈時先肯開始拎尼！！！！其實服務質素都尚算可以，不過我想知到底係咪專登扣起曬啲刺身？？係咪想整飽我地去慳成本？？如果係真咁做乜開放題走時，一個二個都話唔掂，問我點解揀呢間。我都唔好意思………如

慶祝父親節, 走左去兆萬中心食放題。好彩早兩日已經電話頂位，準時去到唔洗等..一開始order 刺身, 八爪魚都幾新鮮...馬刀背幾爽口食落都有鮮味(感覺似象拔蚌)蝦可能我唔中意食, 但呀爸話可以, 蝦咁大隻有蝦既味道...第二轉我都係order 返主力馬刀背同八爪魚刺身食..壽司都幾多款..咩都order 左d 北寄貝,瀨尿蝦壽司同出面迴轉壽司都有得揮下.幾好味道..另外手卷既味道可以啦...正正常常....但飯可以整多少少壽司醋就正啦...熟食就點左馬拉盞四季豆, 夠味道......韓式雞翼(嘩..呢個好味, 有d 韓式汁包住隻炸雞翼)有機會去呢到食可以一試呀...通菜就正常啦....最後重點就係個甜品..泡芙, 勁好味...口感正.一口一件..我地點左五六件食..haha

估唔到成為第一個寫呢間食評嘅客人呢到環境唔錯坐得幾舒服!先講講飲品種類多有任叫o既泰色飲品...三色冰涼粉冰仲有我愛嘅青檸梳打食品方面其實都有好多款式@日式@越式@泰式@中式@五花百門可以想食乜都有~必飲必食>.<冬陰公湯~正~芭提雅燒大蝦~香口多款串燒^^豬-牛-雞乜都齊糊椒浸大蜆&泰式炒蜆仲有冬陰公湯蜆飛天通菜唔食得辣就唔好食因為都幾辣刺身都唔錯一般都有嘅刺身曼谷炸雞翼@好吃多款泰式沙律除左粉絲沙律麻麻地之外其餘都讚好咖喱軟殼蟹值得encore蝦膏炒飯夠鑊氣甜品~椰汁西米糕~千層糕~椰汁木薯等等~仲有雪糕同泡芙總結其實款式真係好多好多睇到眼都花埋@@多到連火鍋都食唔到,比較起其他呢間算係一間好食嘅放題起碼可以encore多十次八次,只不過百多元食到咁好味食物,酒店都未必有咁好,食既嘢俾我份量好足夠唔會好似唔捨得比人食咁!!服務方面好有禮貌,不時換碟,有問必答,劉德華果句今時今日咁嘅服務態度先得o架!我一定會再度重遇你----太和味-----你地應該叫太好味 ^o^