影片
特色
飲o野傾計
營業時間
今日營業
07:30 - 18:00
星期一至五
07:30 - 18:00
星期六至日
08:00 - 17:00
公眾假期
08:00 - 17:00
以上資料只供參考, 請與餐廳確認詳情
相關文章
因為要等我老闆睇醫生，所以就去左中建嘅pacific coffee坐低。一向都好喜歡飲pacific coffee嘅熱朱古力，又香又濃又夠晒熱，冬天飲簡直一流。本來打算叫佢加忌廉，不過見佢已經蓋上蓋就算。好彩無叫佢加忌廉，唔係就浪費左佢嘅心機。一打開蓋，見到好靚嘅拉花，好有驚喜😍😍好開心佢整一杯朱古力都咁有心思，亦好驚訝朱古力都拉到花，我唔飲咖啡嘅，所以好難得有一杯飲品係咁靚，好開心朱古力一如以往咁熱咁香濃咁滑，好滿足咁坐左個半鐘
繼續閱讀
開始踏入秋冬又係時候飲返啲暖笠笠既野🥰見到香橙燕麥朱古力咖啡熱飲就忍唔住口要去試下仲要加返厚厚既cream先夠perfect 飲到橙皮甜酒糖漿同香濃朱古力🍊🍫燕麥奶中和下味道鮮忌廉再灑上糖漬蜜餞橙皮碎同粉紅鹽夢幻聖誕感十足呢不過就要飲得好快手個cream好快沉左
繼續閱讀
上幾周一個人晌「Simplylife Landmark」食個早餐，解解悶氣，確喺可以調節一下心情，加上食到件出色嘅榛子丹麥酥，個人都醒神啲，感覺無咁鬱悶。所以，今早又專登提出返工，晌公司附近嘅「Pacific Coffee」嘆杯咖啡，食個早餐。中環有好幾家「Pacific Coffee」，就以呢一家晌「中建大廈」嘅位置最隱蔽，喺附近嘅寫字樓客先會嚟，加上又早，真喺無乜客。成個場得5個客（包埋小弟），加上應新例要求增加距離，已收起部份枱櫈，而有啲枱貼出告示勸喻唔好坐，大家又好自動各據一方。在凍櫃前駐足望望，食物嘅選擇主要都喺啲烘焙產品及三文治，例如牛角包、丹麥酥、蛋批、比高圈、各式麵包、英式鬆餅、三文治、乳酪杯……等等，選擇都算多元化。本來都如一貫喜好，簡單叫杯鮮奶咖啡，不過，見張海報，推出咗兩款春季限定嘅薑蜜新熱飲：薑蜜燕麥奶咖啡及薑蜜抹茶牛奶。依家呢個「疫」境，乍暖還寒，生薑暖身驅寒，又養生，跟蜜糖又夠搭配，喺唔錯嘅選擇喎。結果，最後就揀咗酥皮卷配薑蜜燕麥奶咖啡作為是日早餐嘅組合，食餐好嘅，提起精神迎接新一日。薑蜜燕麥奶咖啡 $44佢哋嘅咖啡一向都唔錯，甘香醇厚，唔知今次嘅新品又喺點呢？入口時嗰陣薑味好突出，又帶出蜜糖嘅清純甜味，打開蓋時睇見有啲黑色碎碎，嗒真啲原來喺紫蘇碎，令咖啡整體更具層次感。雖然用上100%純素嘅燕麥奶，但跟平常所用嘅全脂奶又唔喺有太大分別。飲到尾，見到杯底嘅生薑條，原來真喺落咗幾多，無欺場。烤肉卷 $24佢哋嘅三文治、蛋批都食過，所以，今次試試酥皮卷，共有兩款選擇：烤肉卷及菠菜芝士卷，一來唔使就太太揀素食類嘅，二來隻烤肉卷仲要喺平少少添。由於堂食，店員會自動幫忙烘番熱，再附上茄汁，但弟就好齋食。其實啲烤肉卷都幾大條，而且，中間捲住嘅豬肉腸堅真材實料，入口有種柔韌彈性，更唔會一口粉嘅平價貨感覺，份量又十足。外層嘅酥皮香，但始終入過凍櫃再翻熱，酥脆度打咗折扣，但賣廿四蚊都仲喺抵食。當然，如果配搭飲品有啲優惠價組合，就更好啦。依家疫情仍然嚴峻，外地輸入個案、社區交叉感染又不斷發生，所以，就算晌外面食嘢都要加倍小心。小弟晌呢兩個多月以嚟，在外食嘢嘅次數真喺一隻手都數得晒，除咗只喺一支公之外，都會揀啲人流少嘅時段幫襯，仲要搵啲安心、有做好防疫、遵守新例嘅食店。希望香港捱得過呢一「疫」，疫情消失，大家開心番晒！
繼續閱讀
呢一年都發現呢間舖啲服務係咁多Pacific Coffee連鎖店之中數一數二最好，嗰度好多職員尤其是一個戴眼鏡貌似大學生的女職員都好有禮貌同客氣咁樣問你食乜嘢，亦唔該前多謝後。嗰啲latte同其他沙冰飲品亦都好有心機整，絕對唔會好似其他鋪頭咁latte 和沙冰溫度係差唔多。其實咖啡最緊要夠熱，雖然呢間野啲嘢食唔算話最好，但起碼合格。佢個Brownie亦都係咁多間鋪頭最好食嘅，唔會太甜亦都夠熱環境當然唔算舒服，但起碼小人同埋啲梳化都足夠，長期坐喺度傾生意都唔錯其實都好可悲，依家淪落到食物同飲品夠熱都算合格。Pacific Coffee的職員服務態度平均異常惡劣，比起Starbucks簡直天同地比。我好懷疑呢間公司係咪要職員對客人粗聲粗氣去符合該公司特有的形象雖然呢間鋪頭啲職員算有禮貌，但之前的食評話呢間鋪頭某啲職員黑口黑面，梗係啦因為嗰啲職員分分鐘係大學生做臨時工，隨時會走人。下個月有可能會換一批＂符合＂該公司一貫形象嘅職員俾你班中環上班族嘆，$40一杯難飲咖啡都肯俾，唔爭在受埋我黑面
繼續閱讀
今天同年紀大的母親 在黃雨下到中建大廈睇醫生。因為大雨冇法行到其他地方午餐，唯有都中建大廈唯一的食肆幫襯。因為平時好少食呢間cafe，只想問下有冇其他熟食。點知個tb經理，好串咁話我哋呢度全部都係熟食。比完錢先見到原來長者咭有九折。可惜已經俾咗錢。我在想如果一個細心嘅店員，見到我同婆婆一齊。係咪應該醒目啲婆婆有冇長者咭。其實佢哋有冇做錯野不過啲服務真係唔夠好。希望未來佢哋可以跟進步。就算冇人光顧也要有專業服務。
繼續閱讀
您可能會有興趣的...