太平洋咖啡 (九龍貿易中心1座)

營業中

休息中

去到KCC買杯嘢飲，得個「西臉4眼姐姐」睇鋪，當時無人，叫佢幫我check下D coupon仲用唔用到，結果佢＂吓＂咗一下！然後西臉地問我要咩。我叫咗杯嘢再check埋D coupon，用咗佢唔夠15秒，然後叫我補返$8，我重覆一次我叫既嘢及再提醒佢係要＂凍少冰＂的，佢無應我，然後再西臉機械式叫我補$8，咁咪補囉。（買杯嘢啫，唔洗西口西臉咁既態度呀！！）之後有一班人黎買嘢，其間佢同事回來，結果一路等我杯嘢，都唔見有，我見人群散咗佢另一個員工，原來條西臉4眼姐姐沖咗杯熱既比我！明明講咗兩次要＂凍少冰＂的，咁都會沖錯，變咗我又要再等啦！另一個員工見我一臉不滿，對我態度很好，話＂不好意思＂，我就當著大家面大聲同佢講：『我跟這位「西臉4眼姐姐」重覆咗兩次，佢都沖錯比我，態度又差，想點呀！』這位態度很好的員工就很快幫我沖過，及跟我說不好意思。最後我跟這位這位態度很好的員工講：「叫你同事唔想做就咪鬼做啦！」

一直將《Pacific Coffee》看高一線，認為其咖啡比起《Starbucks》更有性格。昨天無意在網上看到其聖誕飲品bearycosyxmas的廣告，覺得其聖誕小白熊非常吸引，急不及待要去試試。自從葵芳新都會廣場的分店結業後，的確較少機會光顧《Pacific Coffee》，今天午餐時間，專誠乘地鐵到葵涌九龍貿易中心分店嚐嚐。點了兩款聖誕特飲，一拿到手已經非常失望。飲品並沒如廣告中繞上厚厚的忌廉，所謂的"紅寶石朱古力"也完全沉沒於飲品中，幾乎看不出來。筆者再三向店員查詢，店員明確表示，此飲品並不包括忌廉裝飾。加了$4將"鳥結糖紅寶石牛奶咖啡"轉成燕麥奶，咖啡的面層有浮著數顆紅寶石朱古力。所謂的"鳥結糖紅寶石"吃下非常黏牙，真的完美體驗到平常吃鳥結糖的煩惱。紅寶石無論質感與味道上完全不像朱古力，與小紅莓果乾則較相似。在咖啡面層喝完那數顆不甚搭配的"鳥結糖紅寶石"，飲品又回復平常牛奶咖啡的味道。燕麥奶比普通鮮奶更能帶出咖啡的香濃，而且質感順滑，算是大大失望中的點點安慰。薑餅人質感並不是平常的曲奇餅，黏黏淋淋的口感古怪，既不像餅乾也不似蛋糕。味道淡淡的，薑味與玉桂皆欠奉，應該只是供拍照

返工提神去咗附近買杯野飲，杯野飲40幾蚊來頭唔細，就係大杯裝嘅拿鐵咖啡。仲要熱飲真係不得之了。入面調味好唔錯，牛奶以及咖啡的配搭做得唔錯，質感細滑比一般餐廳好。味道不錯但是等候時間較耐而且價錢好貴。間中飲下都可以嘅。

男人細心真係要加分加分再加分不斷重複開會的一天心情已經夠晒灰面色當然都唔會好看得去邊難得有錢靚仔又貼心嘅小太子紆尊降貴為我們買來咖啡提神雖然咖啡甜到沒什麼咖啡味但最重要嘅心意就值一百分👍🏻

今天下午在辦公室突然傳來同team的大姊姊在後方遠處呼喚我，作為small potato的我當然不敢怠慢，立即上前聽候吩咐......原來她們看到Pacific Coffee的宣傳，得知今天有兩款限定咖啡買一送一，分別是岩鹽焦糖咖啡及榛子咖啡。而剛好大廈的Lobby正正有一間Pacific Coffee，既然有人請喝咖啡，我便走一趟吧!SIZE: 標準$39元、大$42元、特大$45元 (買一送一的啊)，只是差$3元我便選個大的，這營銷手法真邪惡 岩鹽焦糖咖啡: 加入焦糖後口感更加幼滑和味道醇厚、香甜，什至覺得有點太膩了，因此建議用skimmed-milk，一來健康一點，二來可減低牛奶的甜味遮蓋咖啡香。由於焦糖味道濃郁，咖啡香已被完全掩蓋，餘下的只是焦糖的糖漿味道，這…不是有違喝咖啡的原意嗎?

Pacific Coffee嘅咖啡飲得話多唔多，話少唔少，不過，佢嘅曲奇就第一次食。食友真有我心，餽贈一小盒Pacific Coffee嘅紅莓曲奇（85g），又一次可以飲咖啡，嘆曲奇當下午茶 。個包裝好眼熟，之前有食友相贈嘅Rachel’s Cookie，亦有相同包裝，圓形小透明膠盒，以手拉鋁片密封，衛生又夠封存好 。每罐內裡有12塊長方形曲奇，用上全麥粉，較粗而重麥味，牛油香似乎弱啲，所以咬落唔算鬆脆，紅莓乾落得唔多，令人感覺跟食一般曲奇差唔得幾多。雖然今回收到嘅曲奇質素普通啲，但一樣感受到食友嘅一番心意，還是一句衷心多謝 。